Lettre CCCXXXVIII. À la Présidente Brulart
La clôture de l'abbaye du Puits-d'Orbe et ceux qui devraient la respecter. " Le mal des maux, " pour les âmes " qui ont des bonnes volontés. " Prendre modèle sur les abeilles : faire le miel "dedans sa ruche et des fleurs qui luy sont autour, " et ne pas désirer une perfection qui nous dépasse.
Annecy , 3 avril 1606.
Madame ma tres chere Seur,
Je vous ay des-ja escrit mon avis sur le sujet de vostre derniere lettre ; mais voyant que vous le desires fort et craignant que si mes paquetz s'estoyent esgarés vous n'en demeurassies en peyne, je vous rediray quil ni a nul danger que vous entries au Monastere de nostre seur jusques a ce que la clausure y soit exactement establie. Les ames qui vous en font scrupule sont bonnes et devotes, comm'elles tesmoignent par leur scrupule, lequel neanmoins n'a nul fondement ; c'est pourquoy il ne s'y faut pas arrester. Pleut a Dieu que les hommes qui n'entrent en cette Mayson-la que par curiosité et indiscretion, en fisse (sic) bien scrupule, car ilz auroyent bon fondement pour cela ; mais non pas vous, jusques a ce que, comme je dis, la clausure y soit establie, qui ne sera jamais si tost que je le desire.
J'ay sceu ce que vous me dites des inquietudes de touttes les Religieuses, et en suis marri. Elles arrivent faute d'une bonne conduite et mesnage de leurs espritz. C'est le mal des .maux entre ceux qui ont des bonnes volontés, qu'ilz veulent tous-jours estre ce quilz ne peuvent pas estre, et ne veulent pas estre ce qu'ilz ne peuvent n'estre pas ( lettre 316 ). On me dit que ces bonnes filles sont toutes esprises de l'odeur sainte que respandent les saintes Carmelines et qu'elles desireroyent toutes d'en estre ( lettre 378 ). Mais je ne pense pas que cela se puisse aysement ; qui me fait dire qu'elles n'employent pas bien ce bon exemple, qui leur devroyt servir pour les animer a bien embrasser la perfection de leur estat, et non pas a les troubler et faire desirer celuy auquel elles ne peuvent arriver. La nature a mis une loy entre les abeilles, que chacune d'icelles face le miel dedans sa ruche et des fleurs qui luy sont autour.
A Dieu, Madame ma tres chere Fille, tenes bien serré le sacré Crucifix sur vostre cœur. Je suis
Vostre serviteur tres asseuré,
F.
3 avril 1606.
Revu sur l'Autographe conservé à la Visitation de Turin.
Chapter 68 of 113