Lettre DCXLI. À M. Philippe de Quoex

Dans les appointements, le Saint n'est pour personne. - Pas de particularités dans sa Congrégation ; il faut que tout y " aille d'un train. "

Annecy, 17 décembre 1610.

Monsieur,

Voyla vostre porteur que nous vous renvoyons despeché. Je serviray madame d'Avully en tout ce qu'il me sera possible, notamment en l'un et en l'autre des articles que vous me marques.

. Et quant au premier, bien que je n'aye pas accoustumé d'estre pour personne es appointemens, attendu que ma qualité m'invite tous-jours a la neutralité pour penser la paix (Jer 29,11), si est-ce que, si elle le veut ainsy, je me dispenseray de lettre pour ce coup, et M. de la Roche , qui est dehors, estant venu, je luy parleray a mesme effect.

Quant au second, je pense qu'il faudra attendre qu'elle vienne icy pour voir le train de cette Congregation affin que, selon le jour qu'elle prendra, on regarde de luy donner satisfaction, s'il se peut . Neanmoins, je veux bien dire que malaysement pourroit-on luy permettre d'avoir une fille de chambre qui ne fust pas de la mayson, mais ouy bien qu'elle fust specialement servie par une de celles qui seront en la mayson. C'est affin que tout, la dedans, aille d'un train. Certes, pour moy, je souhaitterois fort de la voir bien consolee en cette vocation la.

Ne me faites point d'excuses a m'escrire bien ou mal, car ne me faut nulle sorte d'autre ceremonie que de m'aymer en Nostre Seigneur, selon lequel je suis

Vostre plus humble confrere,

FRANÇs, E. de Geneve.

Ce 17 decembre 1610.