Lettre DCXXVI. À Madame Bourgeois, Abbesse du Puits-D'orbe

Le profit qu'on peut retirer d'un mal incurable. - En quels cas le monde juge sévèrement les âmes qui l'ont quitté pour le cloître ; celles-ci perdent toujours quelque chose aux sorties. - Il faut avoir quelque égard à l'opinion publique. - Une ancienne coutume du monde ; son pharisaïsme. - Contrairement à l'esprit du siècle, c'est aux supérieurs à gagner les inférieurs. Une abbesse et une prieure un peu refroidies ; exhortation du Saint pour ramener entre les deux sœurs l'amitié fraternelle.

Annecy, 6 novembre 1610.

Certes, j'ay bien eu du contentement de sçavoir de vos nouvelles apres tant de tems que j'avois demeuré sans en recevoir, ma tres chere Fille, par vous mesme ; car, que me peuvent dire de certain, de vous ni de vos affaires, tous les autres ?

Mays, ma tres chere Fille, en. fin tous les remedes humains se sont treuvés inutiles pour la guerison de cette pauvre jambe, qui vous donne une peine qu'il faut sagement convertir en pœnitence perpetuelle. A la verité, j'ay tous-jours eu cette cogitation, que toutes ces applications reusciroyent tres mal, et que c'estoit un coup que la Providence celeste vous avoit donné, affin de vous donner sujet de patience et mortification. O quelz tresors pouvies vous assembler par ce moyen ! Il le faut faire dores en avant, et vivre comm'une veritable rose entre les espines (Ct 2,2 ; Lettres 3, note 44 et lettre 292).

Mays on m'a escrit que vous esties au Puy d'Orbe avec de vos Filles, et le reste estoit demeuré a Chatillon . Cela est vray, car l'eusse [on pas dit , je l'eusse deviné. Mais ça esté pour peu, ce me dites-vous,] et pour un bon et legitime sujet. Je le croy ; mays croyes moy aussi, ma tres chere Fille, que comme les filles qui. ont quitté le monde devroyent ne le jamais vouloir voir, aussi le monde qui a quitté les filles ne le (sic) voudroit jamais voir, et pour peu qu'il les voye, il s'en fasche et murmure. C'est la verité aussi que l'on perd tous-jours quelque chose aux sorties qui peuvent, voire mesme avec quelque perte temporelle, estre evitees. Pour celà, si vous escoutes mes advis, vous sortires le moins quil vous sera possible, et mesme pour ouyr les sermons, puisque vous aures bien le credit d'avoir quelquefois le praedicateur en vostre oratoire, qui dira des choses toutes propres pour vostre assemblee.

Certes, il faut avoir quelque egard a la voix commune, et faut beaucoup faire de choses pour eviter les bruitz des enfans du monde. Certes, si je sçavois, disoit ce grand spectacle de religion et de devotion, saint Paul, (1 Co 8, 13)si je sçavois qu'en mangeant de la chair je donnasse du scandale au prochain, je n'en mangerais jamais a l'œternité. Contentes en cela messieurs vos parens, et je croy qu'apres' vous pourres confidemment leur demander du secours pour vous bien loger, car il me semble que je les [voy qui disent : Pourquoy loger a] commodité des filles ………………………….. qui sortent et vont parmi le monde ? Et le desplaysir qu'ilz ont de ces sorties fait qu'ilz en exagerent la quantité et qualité. C'est l'ancienne coustume du monde de treuver qu'il luy est loysible de parler des ecclesiastiques a toute main ; et croit que pourveu qu'il ayt quelque chose a dire sur iceux, il ni aura plus rien a dire sur ses partisans.

Or sus, ni auroit pas moyen que vous sçeussies treuver le biays par lequel il faut prendre et garder le cœur et l'affection de madame la Prieure nostre seur ? car encor que selon le monde c'est aux inferieurs a rechercher la bienveuillance des superieurs, si est ce que selon Dieu et les Apostres c'est aux superieurs a rechercher les inferieurs et les gaigner ; car ainsy fait nostre Redempteur, ainsy ont fait les Apostres, ainsy ont fait, font et feront a jamais tous les Praelatz zelés en l'amour de leur Maistre. Je confesse que je n'admire nullement que vos proches se scandalizent de voir la froideur de l'amitié qui est entre deux seurs naturelles, deux seurs spirituelles, deux Seurs Religieuses. Il faut remedier a cela, ma tres chere Fille, et ne permettre pas que cette tentation dure. Il se peut faire qu'ell'ayt le tort, mais du moins aures vous celuy la de ne la pas ramener a vostre amour par le tesmoignage continuel et incessable de celuy que vous luy deves selon Dieu et le monde.

Vous voyes de quelle liberté j'use a vous [dire mes sentimens, ma chere Fille, car vous estes ] une fille que je desire estre tous-jours victorieuse de la victoire que l'Apostre annonce (Rm 12,21) : Ne soyes point vancu (sic) par le mal, mais vainques le mal par le bien. Si je vous parlois autrement, je vous trahirois ; et je ne puis ni ne veux vous aymer que tout a fait paternellement, ma tres chere Fille, que je prie Nostre Seigneur vouloir combler de graces et [de] ses consolations, saluant tres humblement toute vostre chere compaignie.

Vostre tres humble frere et serviteur,

F. E. de Geneve.

VI novembre 1610

A Madame

Madame l'Abbesse [du] Puys d'Orbe.

Chatillon.

Revu sur l'Autographe conservé à Saint-Loup-sur-Aujon (Haute-Marne), au Pensionnat du Cœur Immaculé de Marie.