Lettre DCCXVI. À la Soeur de Bréchard, Religieuse de la Visitation

Notre.Seigneur saura bon gré à qui porte et supporte les âmes qui se trouvent faibles .

Bons, fin septembre ou commencement d'octobre 1611 .

Ma chere Niece, ma Fille,

Ce n'est que pour simplement vous saluer et asseurer que je me presseray le plus que je pourray pour bien tost vous revoir, et espere que ce sera avec nostre mutuelle consolation et de toutes nos Seurs

mes cheres filles. Ce pendant, perseverés courageusement a porter et supporter celles qui se treuveront foibles ( Ga 6,2 ) ; et croyés moy, ma chere Fille, ma Niece, que Nostre Seigneur, a qui vous estes toute, vous en sçaura un grand gré . Je le supplie qu'il vous comble de force, de douceur et de benediction, et toute cette chere trouppe de filles qui me sont pretieuses comme la prunel1e de mes yeux. .

A Dieu donq, ma tres chere Fille, ma Niece, continues d'aymer en Nostre Seigneur, celuy qui est en luy tres cordialement tout vostre.

F.

A Bons.

A Madame

Madame de Brechard.

A la Visitation.