Lettre DCCCLXIII. À Madame de Charmoisy

Quand doit-on témoigner à Notre-Seigneur son amour. - Sympathies et dévouement pour la famille de Charmoisy éprouvée.

Annecy, 28 mars 1613.

Ma tres chere Fille,

C'est maintenant que vous estes en affliction, que vous deves tesmoigner a Nostre Seigneur l'amour que vous luy aves si souvent promis et protesté entre mes mains. Ce me sera extreme consolation d'apprendre que vostre cœur se comporte bien pour ce regard.

Recommandés-vous aux prieres de saint Louys, lequel apres avoir longuement assisté et servi les malades de contagion en son armee, s'estima bienheureux d'en mourir, prononçant cette orayson pour ses dernieres paroles : J'entreray en ta mayson, 0 mon Dieu, j'adoreray en ton temple et confesseray ton nom ( Ps 5,8 ; 137,2 ). Remettés-vous en la volonté divine, qui vous conduira selon vostre mieux pour l'emprisonnement de vostre mary.

Je voudrois bien en cette occasion vous donner quelque sorte de bonne consolation, mays je n'ay pas dequoy. Je prie donq Nostre Seigneur qu'il soit vostre consolation et qu'il vous face bien entendre que par plusieurs

travaux et tribulations il vous faut entrer au Royaume des cieux ( Ac 14,21 ), et que les croix et afflictions sont plus aymables que les contentemens et delectations, puisque Nostre Seigneur les a choisies pour soy ( He 12,2 ) et pour tous ses vrays serviteurs.

Ayés bon courage, ma chere Fille, tenés ferme vostre confiance en Celuy au service duquel vous vous estes dediee et abandonnee, car il ne vous abandonnera point. Et ce pendant, je m'employeray de tout mon cœur, affin d'ayder vostre mary, envers tous ceux que je croy avoir du credit pour le faire delivrer et que je sçauray vouloir faire quelque chose a ma contemplation ; et des-ja j!ay commencé ce bon office des avant hier, vous cherissant comme ma vraye fille, et tout ce qui vous appartient, pour l'amour de Nostre Seigneur a qui vous appartenes, la volonté duquel soit faîte es siec1es des siec1es. Amen.

FRANÇs, E. de Geneve.

A Neci.