Lettre MCCXXXIII. Au Duc de Savoie, Charles-Emmanuel 1er

L'avis du Saint sur un projet au sujet de Genève. - Témoignage en faveur de son auteur.

Annecy, 29 août 1616.

Monseigneur,

Il y a deux ans que ce porteur m'a communiqué un dessein qu'il a pour le service de Vostre Altesse, et sur la commodité de la presence de Monseigneur le Prince, il le luy a dec1aré ; et croy que mesme il aura receu commandement de le representer a Vostre Altesse, bien qu'a mon advis il ne soit pas tems de rien toucher du costé auquel le dessein vise. Mays, en toute façon, j'atteste en bonne foy que despuis que j'en ay eu la communication, ce porteur n'a cessé de desirer de le proposer, et s'est engagé en la trouppe delaquelle il est, expres pour avoir sujet et moyen d'approcher Vostre Altesse, ainsy qu'il m'a tous-jours asseuré et qu'il a desiré que je fisse sçavoir a Vostre Altesse, a laquelle je fay tres humblement la reverence et suis,

Monseigneur,

Tres humble et tres obeissant orateur et serviteur,

FRANÇs, E. de Geneve.

XXIX aoust 1616, Annessi.

Revu sur l'Autographe conservé à Turin, Archives de l'Etat.