Lettre MCCCLXXXIX. À M. Bénigne Milletot

Recommandation en faveur d'un ami engagé dans un procès.- Voyage du Prince Cardinal de Savoie différé.

Annecy, 15-17 janvier 1618 .

Monsieur mon Frere,

Vay-je point trop souvent a vostre porte ? Vous importune-je point par mes si frequentes supplications ? Certes, je ne dois, ni ne puis, ni ne veux manquer au devoir que j'ay a monsieur le Marquis d'Aix , qui me fait la faveur de m'aymer tres particulierement et que pour ses rares qualités j'honnore parfaitement. Or, il a un'affaire devant la cour et, de bonne fortune, en la Chambre de la Tournelle en laquelle vous estes ; et je vous supplie donq tres humblement, Monsieur mon Frere, de la (sic) gratifier de vostre appuy au soustenement de son bon droit, puisque mesme il implore mon intercession aupres de vous, sachant le bien que j'ay d'estre advoüé vostre frere.

Le voyage du Prince Cardinal de Savoye estant differé pour quelque tems et, comme je croy, jusques a carneval , je suis par consequent d'autant esloigné de l'esperance que j'ay que par quelque rencontre ce voyage me pourra donner le bonheur de vous voir. Mays ce pendant je ne laisseray pas de vous avoir present a mon ame, ni de prier Nostre Seigneur qu'il vous comble, et madame ma seur , de toute sainte prosperité, qui suis,

Monsieur mon Frere,

Vostre tres humble et tres affectionné frere

et serviteur,

FRANçs, E. de Geneve.

[A Monsieur]

Monsieur Milletot, seigr de Villy,

Conseiller du Roy au Parlement de Bourgoigne.

Revu sur l'Autographe qui se conservait au Grand Séminaire de Besançon .