Lettre MCDI. Au Prince de Piémont, Victor-Amédée

Supplique pour l'installation des Chartrenx à Ripaille.

Annecy, 11 février 1618.

Monseigneur,

Entre les saintz projetz que Dieu inspira a Vostre Altesse tandis qu'elle fut icy, pour restablir le lustre du service divin en ces païs de deça, l'un estoit de mettre les Peres Chartreux a Ripaille ( L6, note 432 ), qui de tous tems ont une tres particuliere obligation et fidele affection a la coronne de Savoye, et desquelz la vie et les offices sont d'une merveilleuse edification. C'est pourquoy, Monseigneur, le P. Don Laurens de Saint Sixt estant par dela , j'ay creu que ce seroit a propos d'en ramentevoir Vostre Altesse, a ce qu'elle oye avec confiancè ce qu'il luy en representera, puisque non seulement il a pour ce sujet la creance de son General , mais aussi une speciale fidelité au service et a l'obeissance de Son Altesse, delaquelle il est nay sujet et vassal. Et ce pendant, je prieray Dieu qu'il comble de ses graces Vostre Altesse, a laquelle faysant tres humblement la reverence, je suis,

Monseigneur,

Tres humble, tres obeissant et tres fidele

orateur et serviteur,

FRANçs, E. de Geneve.

Annessi, le XI febvrier 1618.

Revu sur l'Autographe conservé à Turin, Archives de l'Etat.