Lettre MCCCXCIII. À la Mère de Chantal

Départ d'une belle âme pour le Ciel - Une demeure toute de paix.- Confiance en Dieu, et regrets sur les morts.

Annecy, 24 janvier 1618 .

Ma tres chere Mere,

Quand on m'a osté d'aupres de vous, ça esté pour monsieur de Sainte Catherine , mais je pensois que ce fust un accident comme l'autre fois ; et voyla que ça esté pour luy faire saintement dire dix ou douze fois : VIVE JESUS ! et protester qu'il avoit toute son esperance en la mort de Nostre Seigneur : qu'il a prononcé avec beaucoup de force et de vivacité, et puis s'en est allé ou nous avons nos pretentions, sous les auspices du grand saint Paul . Dieu qui nous l'avoit donné pour son service, le nous a osté pour sa gloire: son saint nom soit beni ( Jb 1,21 ) !

Demeures cependant en paix, avec mon cœur, au pied de la providence de ce Sauveur pour lequel nous vivons et auquel, moyennant sa grace, nous mourrons. Dieu reparera cette perte et nous suscitera des ouvriers en lieu de ces deux qu'il a pleu retirer de sa vigne pour les faire asseoir en sa table ( Lc 22,30 ). Mais tenes vostre cœur en paix, car il le faut ; et, comme dit l'Escriture ( Eccli 22,11 ),

Pleures un peu sur les trespassés, mais pourtant loües Dieu en consolation, puisque nostre esperance est vivante. Amen.

FRANÇs, E. de Geneve.