Lettre MCDVIII. Au Duc de Savoie, Charles-Emmanuel 1er

Témoignage et intercession en faveur du P. Ange Calcagni.

Grenoble, 8 mars 1618.

Monseigneur,

Le Pere Frere Angelo Calcagnio, Gardien des Observantins de Playsance ( note 394 ), est prisonnier des il y a trois moys a Chamberi ; et par ce que je l'ay souvent veu a Annessi, ou il a quelquefois demeuré les moys entiers avec son frere , et n'ay jamais rien reconneu en luy contraire a la pieté et religion, je l'ay visité en sa prison, ou je l'ay treuvé comme un homme que le tesmoignage de sa conscience tient asseuré. Et par ce qu'il m'a demandé pour l'amour de Dieu mon intercession aupres de Vostre Altesse, je ne la luy ay peu refuser ; c'est pourquoy, croyant fermement que rien ne se treuvera en cette occasion contre son innocence, je fay tres humble supplication a Vostre Altesse de luy vouloir departir sa faveur pour sa briefve sortie et son renvoye en son cloistre .

Dieu face de plus en plus abonder ses graces sur la personne de Vostre Altesse, a laque (sic) je suis,

Monseigneur,

Tres humble, tres obeissant et tres fidele

orateur et serviteur,

FRANçs, E. de Geneve.

A Grenoble, le 8 mars 1618.

Revu sur l'Autographe conservé à Turin, Archives de l'Etat.