Little Office of the Blessed Virgin Mary According to the Ambrosian Rite

Ave, Maria, gratia plena; Dominus tecum: benedicta tu in mulieribus, et benedictus fructus ventris tui Jesus. Sancta Maria, Mater Dei, ora pro nobis peccatoribus, nunc et in hora mortis nostræ. Amen.

Laus tibi, Domine, Rex aeternae gloriae.

Congratulamini mihi, omnes qui diligitis Dominum: quia, cum essem parvula, placui Altissimo: Et de meis visceribus genui Deum et hominem.

Ecce enim ex hoc beatam me dicent omnes generationes; quia ancillam humilem respexit Deus: Et de meis visceribus genui Deum et hominem.

Laudabilis.

Benedictus es, Domine Deus, patrum nostrorum, et laudabilis.

Et benedictum nomen gloriae tuae, quod est sanctum et laudabile.

Benedictus es in templo sancto gloriae tuae et laudabilis.

Benedictus es super sedem sanctam deitatis tuae et laudabilis.

Benedictus es super thronum sanctum regni tui, et laudabilis.

Benedictus es super sceptra divinitatis tuae, et laudabilis.

Benedictus es qui sedes super Cherubim et Seraphim, et laudabilis.

Benedictus es qui ambulas super pennas ventorum et super undas maris, et laudabilis.

Benedicant te omnes Angeli et Sancti tui, et laudabilem.

Benedicant te caeli, terra, mare et omnia quae in eis sunt, et laudabilem.

Gloria Patri, et Filio, et Spiritui Sancto, et laudabili.

Sicut erat in principio, et nunc, et semper, et in saecula saeculorum, amen, et laudabili.

Benedictus es, Domine Deus, patrum nostrorum, et laudabilis et gloriosus in saecula. Kyrie, eleison. Kyrie, eleison. Kyrie, eleison.

Ave, Maria, gratia plena, Dominus tecum, benedicta tu inter mulieres. Ecce ancilla Domini: fiat mihi secundum verbum tuum.

Confirmatum est cor meum in Domino et exaltatum est cornu meum Deo meo,

Dilatatum est os meum super inimicos meos: laetata sum in salute tua.

Quoniam non est sanctus quomodo Dominus, et non est justus quomodo Deus noster, et non est sanctus praeter te.

Nolite gloriari superbe, nolite loqui excelsa, et non exeat verbum magnum ex ore vestro.

Quoniam Deus scientiae Dominus, et Deus qui praeparat voluntates suas.

Arcum potentium infirmavit Dominus, et infirmos praecinxit virtute.

Gloria Patri, et Filio, et Spiritui Sancto, Sicut erat in principio, et nunc, et semper, et in saecula saeculorum. Amen.

Ave, Maria, gratia plena, Dominus tecum, benedicta tu inter mulieres. Ecce ancilla Domini: fiat mihi secundum verbum tuum. Kyrie, eleison. Kyrie, eleison. Kyrie, eleison.

Beatus ille venter, qui te portavit, Christe: et beata ubera, quae te lactaverunt Dominum et Salvatorem mundi, qui pro salute generis humani carnem assumere dignatus es.

Pleni panibus minorati sunt; et esurienties transierunt terram.

Sterilis peperit septem; et foetosa in filiis infirmata est.

Dominus mortificat et vivificat; deducit ad inferos, et reducit.

Dominus pauperes et divites facit; humiliat, et exaltat.

Suscitat a terra pauperem, et de stercore erigit inopem.

Et sedere facit eum cum potentibus plebis, et sedem gloriae possidere facit eum.

Gloria Patri, et Filio, et Spiritui Sancto, Sicut erat in principio, et nunc, et semper, et in saecula saeculorum. Amen.

Beatus ille venter, qui te portavit, Christe: et beata ubera, quae te lactaverunt Dominum et Salvatorem mundi, qui pro salute generis humani carnem assumere dignatus es. Kyrie, eleison. Kyrie, eleison. Kyrie, eleison.

Magnificamus te, Dei Genitrix, quia ex te natus est Christus, salvans omnes, qui te glorificant. Sancta Domina Dei Genitrix, sanctificationes tuas transmitte nobis.

Deus votum oranti, et benedicens annos justi.

Quia non in virtute sua potens est vir: Dominus infirmum facit adversarium ejus, Dominus sanctus.

Non glorietur potens in virtute sua, neque glorietur dives in divitiis suis.

Sed in hoc glorietur, qui gloriatur, scire et intelligere Dominum, facere judicium et justitiam super terram.

Dominus ascendit in caelos, et tonabit; et ipse judicabit extrema terrae, quia justus est:

Dans virtutem regibus nostris, et exaltabit cornu Christi sui.

Gloria Patri, et Filio, et Spiritui Sancto, Sicut erat in principio, et nunc, et semper, et in saecula saeculorum. Amen.

Magnificamus te, Dei Genitrix, quia ex te natus est Christus, salvans omnes, qui te glorificant. Sancta Domina Dei Genitrix, sanctificationes tuas transmitte nobis. Kyrie, eleison. Kyrie, eleison. Kyrie, eleison.

Exaltata est sancta Dei Genitrix super chorus Angelorum ad caelestia regna.

Domine, Dominus noster, quam admirabile est nomen tuum in universa terra!

Quoniam elevata est magnificentia tua super caelos: ex ore infantium et lactantentium perfecisti laudem,

Propter inimicos tuos, ut destruas inimicum et defensorem.

Quoniam videbo caelos, opera digitorum tuorum; lunam et stellas, quae tu fundasti.

Quid est homo, quod memor es ejus? aut filius hominis, quoniam visitas eum?

Minorasti eum paulominus ab Angelis, gloria et honore coronasti eum, et costituisti eum super opera manuum tuarum.

Omnia subjecisti sub pedibus ejus, oves et boves universas, insuper et pecora campi volucres caeli, et pisces maris, qui perambulant semitas maris.

Domine, Dominus noster, quam admirabile est nomen tuum in universa terra.

Gloria Patri, et Filio, et Spiritui Sancto, Sicut erat in principio, et nunc, et semper, et in saecula saeculorum. Amen.

Exaltata est sancta Dei Genitrix super chorus Angelorum ad caelestia regna. Kyrie, eleison. Kyrie, eleison. Kyrie, eleison.

Super salutem et omnem pulchritudinem electa es a Domino, sancta Dei Genitrix.

Caeli enarrant gloriam Dei; et opera manuum ejus annunciat firmamentum.

Dies diei eructat verbum; et nox nocti indicat scientiam.

Non sunt loquelae, neque sermones, quorum non audiantur voces eorum.

In omnem terram exivit sonus eorum, et in fines orbis terrae verba eorum.

In sole posuit tabernaculum suum: et ipse tamquam sponsus procedens de thalamo suo,

Exsultavit ut gigas ad currendam viam: a summo caelo egressio ejus, et occursus ejus usque ad summum ejus.

Et non est, qui se abscondat a calore ejus: lex Domini irreprehensibilis, convertens animas.

Testimonium Domini fidele, sapientiam praestans parvulis.

Justitiae Domini rectae, laetificantes corda; praeceptum Domini lucidum, illuminans oculos.

Timor Domini sanctus permanet in saeculum saeculi.

Judicia Dei vera, justificata in semetipsa, desiderabilia super aurum et lapidem pretiosum multum, et dulciora super mel et favum.

Etenim servus tuus custodit ea; in custodiendo illa retributio multa; delicta quis intelligit?

Ab occultis meis munda me, Domine; et ab alienis parce servo tuo.

Si mei non fuerint dominati, tunc immaculatus ero; et emundabor a delicto maximo.

Et erunt ut complaceant eloquia oris mei; et meditatio cordis mei in conspectu tuo semper.

Domine, adjutor meus et redemptor meus.

Gloria Patri, et Filio, et Spiritui Sancto, Sicut erat in principio, et nunc, et semper, et in saecula saeculorum. Amen.

Super salutem et omnem pulchritudinem electa es a Domino, sancta Dei Genitrix. Kyrie, eleison. Kyrie, eleison. Kyrie, eleison.

Surge, Aquilo, et veni, Auster: perfla hortum meum, et fluent aromata.

Domini est terra et plenitudi ejus, orbis terrarum et universi qui habitant in eo.

Ipse super maria fundavit eum, et super flumina praeparavit eum.

Quis ascendit in montem Domini? aut quis stabit in loco sancto ejus?

Innocens manibus et mundo corde, qui non accepit in vano animam suam, nec juravit in dolo proximo suo.

Hic accipiet benedictionem a Domino, et misericordiam a Deo salutari suo.

Haec est generatio quaerentium Dominum, quaerentium faciem Dei Jacob.

Tollite portas principis vestri; et elevamini, portae aeternales; et introibit Rex gloriae.

Quis es iste Rex gloriae? Dominus fortis et potens: Dominus potens in proelio.

Tollite portas principis vestri; et elevamini, portae aeternales; et introibit Rex gloriae.

Quis es iste Rex gloriae? Dominus virtutum ipse est Rex gloriae.

Gloria Patri, et Filio, et Spiritui Sancto, Sicut erat in principio, et nunc, et semper, et in saecula saeculorum. Amen.

Surge, Aquilo, et veni, Auster: perfla hortum meum, et fluent aromata. Kyrie, eleison. Kyrie, eleison. Kyrie, eleison.

Beata progenies, unde Chriustus natus est; quam gloriosa est Virgo, quae caeli regem genuit!

Eructavit cor meum verbum bonum; dico ego opera mea Regi.

Lingua mea calamus scribae velociter scribentis.

Speciosus forma prae filiis hominum; diffusa est gratia in labiis tuis; propterea benedixit te Deus in aeternum.

Accingere gladium tuum circa femur tuum, Potentissime; specie tua et pulchritudine tua intende, prospera et regna.

Propter veritatem et mansuetudinem et justitiam deducet te mirabiliter dextera tua.

Sagittae tuae acutae, Potentissime, populi sub te cadent, in corda inimicorum Regis.

Sedes tua, Deus, in saeculum saeculi: virga recta est virga regni tui.

Dilexisti justitiam, et odisti iniquitatem; propterea unxit te Deus, Deus tuus, oleo laetitiae prae consortibus tuis.

Myrrha et gutta et casia a vestimentis tuis, a gradibus eburneis, ex quibus te delectaverunt,

Filiae regum in honore tuo: astitit regina a dextris tuis in vestitu deaurato, circumamicta varietate.

Audi, filia, et vide, et inclina aurem tuam, et obliviscere populum tuum et domum patris tui:

Quoniam concupivit rex speciem tuam; quia ipse est Dominus Deus tuus.

Et adorabunt eum filiae Tyri in muneribus: vultum tuum deprecabuntur omnes divites plebis.

Omnis gloria filiae regis ab intus; in fimbriis aureis, circumamicta varietate.

Afferentur regi virgines post eam: proximae ejus afferntur tibi in laetitia et exsultatione: adducentur in templum regis.

Pro patribus tuis nati sunt tibi filii: constitues eos principes super omnem terram.

Memores erunt nominis tui, Domine, in omni generatione et progenie.

Propterea populi confitebuntur tibi in aeternum et in saeculum saeculi.

Gloria Patri, et Filio, et Spiritui Sancto, Sicut erat in principio, et nunc, et semper, et in saecula saeculorum. Amen.

Beata progenies, unde Chriustus natus est; quam gloriosa est Virgo, quae caeli regem genuit! Kyrie, eleison. Kyrie, eleison. Kyrie, eleison.

Hortus conclusus Dei Genitrix: hortus conclusus et fons signatus.

Deus noster refugium et virtus, adjutor in tribulationibus, quae invenerunt nos nimis.

Propterea non timebimus, dum conturbabitur terra, et transferentur montes in cor maris.

Sonuerunt et turbatae sunt aquae ejus; turbati sunt montes a fortitudine ejus.

Fluminis impetus laetificat civitatem Dei: sanctificavit tabernaculum suum Altissimus.

Deus in medio ejus non commovebitur; adjuvabit eam Deus a matutino in matutinum.

Conturbatae sunt gentes, et inclinata sunt regna; dedit vocem suam Altissimus, et mota est terra.

Dominus virtutum nobiscum; susceptor noster Deus Jacob.

Venite et videte opera Dei, quae posuit prodigia super terram: auferens bella usque ad fines terrae,

Arcum conteret, et confringet arma, et scuta comburet igni.

Vacate et videte, quoniam ego sum Deus; exaltabor inter gentes, et exaltabor in terra.

Dominus virtutum nobiscum; susceptor noster Deus Jacob.

Gloria Patri, et Filio, et Spiritui Sancto, Sicut erat in principio, et nunc, et semper, et in saecula saeculorum. Amen.

Hortus conclusus Dei Genitrix: hortus conclusus et fons signatus. Kyrie, eleison. Kyrie, eleison. Kyrie, eleison.

Revertere, revertere Sunamiti. Revertere, revertere ut intueamur te.

Fundamenta ejus in montibus sanctis: diligit Dominus portas Sion super omnia tabernacula Jacob.

Gloriosa dicta sunt de te, civitas Dei: memor ero Rahab et Babylonis scientibus me.

Ecce, alienigenae, et Tyrus, et populus Aethiophum, hi fuerunt illic.

Mater Sion dicet: Homo et homo factus est in ea; et ipse fundavit eam Altissimus.

Dominus narrabit scripturas populorum et principum, horum qui fuerunt in ea.

Sicut laetantibus omnibus nobis habitatio est in te.

Gloria Patri, et Filio, et Spiritui Sancto, Sicut erat in principio, et nunc, et semper, et in saecula saeculorum. Amen.

Revertere, revertere Sunamiti. Revertere, revertere ut intueamur te. Kyrie, eleison. Kyrie, eleison. Kyrie, eleison.

Beatam me dicent omnes generationes; quia ancillam humilem respexit Deus.

Cantate Domino canticum novum, cantate Domino, omnis terra.

Cantate Domino, benedicite nomen ejus: bene annunciate de die in diem salutare ejus.

Annunciate inter gentes gloriam ejus, in omnibus populis mirabilia ejus:

Quoniam magnus Dominus et laudabilis valde; terribilis est super omnes deos:

Quoniam omnes dii gentium daemonia; Deus autem noster caelos fecit.

Confessio et species in conspectu ejus: sanctitas et magnificentia in sanctificatione ejus.

Afferte Domino, patriae gentium, afferte Domino gloriam et honorem: afferte Domino gloriam nomini ejus.

Tollite hostias, et introite in atria ejus: adorate Deominum in atrio sancto ejus.

Commoveatur a facie ejus omnis terra: dicite in nationibus, quia Dominus regnavit; etenim correxit orbem terrae, qui non commovebitur.

Judicabit populos in aequitate: laetentur caeli, et exsultet terra,

Moveatur mare et plenitudo ejus; gaudebunt campi, et omnia quae in eis sunt.

Tunc exsultabunt omnia ligna silvarum ante faciem Domini, quoniam venit: quoniam venit judicare terram.

Judicabit orbem terrae in aequitate; et populos in veritate sua.

Gloria Patri, et Filio, et Spiritui Sancto, Sicut erat in principio, et nunc, et semper, et in saecula saeculorum. Amen

Beatam me dicent omnes generationes; quia ancillam humilem respexit Deus. Kyrie, eleison. Kyrie, eleison. Kyrie, eleison.

Beata es, Maria, quae credidisti: perficientur in te, quae dicta sunt tibi a Domino.

Dominus regnavit, exsultet terra, laetentur insulae multae.

Nubes et caligo in circuitu ejus: justitia et judicium correctio sedis ejus.

Ignis in conspectu ejus praecedet, et inflammabit in circuitu inimicos ejus.

Illuxerunt fulgura ejus orbi terrae: vidit, et commota est terra.

Montes sicut cera fluxerunt a facie Domini, a facie Domini omnis terra.

Annunciaverunt caeli justitiam ejus; et viderunt omnes populi gloriam ejus.

Confundantur omnes qui adorant sculptilia, qui gloriantur in simulacris suis.

Adorate eum, omnes Angeli ejus: audivit, et laetata est Sion.

Et exsultaverunt filiae Judae propter judicia tua, Domine.

Quoniam tu es Dominus altissimus super omnem terram: nimis exaltatus es super omnes deos.

Qui diligitis Dominum, odite malignitatem: custodit Dominus animas servorum suorum, et de manu peccatorum liberabit eos.

Lux orta est justo, et rectis corde laetitia.

Laetamini, justi, in Domino, et confitemini memoriae sanctitatis ejus.

Gloria Patri, et Filio, et Spiritui Sancto, Sicut erat in principio, et nunc, et semper, et in saecula saeculorum. Amen

Beata es, Maria, quae credidisti: perficientur in te, quae dicta sunt tibi a Domino. Kyrie, eleison. Kyrie, eleison. Kyrie, eleison.

Maria Virgo, semper laetare: quae tantam gratiam meruisti a Domino, caeli et terrae Creatorem de tuo utero generare.

Cantate Domino canticum novum; quia mirabilia fecit Dominus.

Salvavit eum dextera ejus, et brachium sanctum ejus.

Notum fecit Dominus Salutare suum: ante conspectum gentium revelavit justitiam suam.

Memor fuit misericordiae suae Jacob et veritatis suae domui Israel.

Viderunt omnes fines terrae Salutare Dei nostri; jubilate Deo, omnis terra; cantate, et exsultate, et psallite.

Psallite Domino in cithara in cithara et in voce psalmi.

In tuba abietum, et voce tubae corneae, jubilate in conspectu Regis Domini.

Moveatur mare et plenitudo ejus; orbis terrarum et universi, qui habitant in ea.

Flumina plaudent manibus in idipsum; montes exsultabunt ante faciem Domini, quoniam venit, quoniam venit judicare terram.

Judicabit orbem terrae in justitia, et populos in aequitate.

Gloria Patri, et Filio, et Spiritui Sancto, Sicut erat in principio, et nunc, et semper, et in saecula saeculorum. Amen

Maria Virgo, semper laetare: quae tantam gratiam meruisti a Domino, caeli et terrae Creatorem de tuo utero generare. Kyrie, eleison. Kyrie, eleison. Kyrie, eleison.

Ego quasi vitis fructificavi suavitatem odoris: et flores mei, fructus honoris et honestatis. Ego mater pulchrae dilectionis et timoris et agnitionis et sanctae spei. In me omnis gratia viae et veritatis: in me omnis spes vitae et virtutus.

Tu autem Domine, nostri miserere.

Deo gratias.

Beata et venerabilis Virgo, quibus te laudibus praeferam, nescio: Quem caeli non capiunt, tuis gremiis continetur.

Benedicta tu inter mulieres, et benedictus fructus ventris tui, qui est Christus Dominus: Quem caeli non capiunt, tuis gremiis continetur.

Transite ad me, qui concupiscitis me, et a generationibus meis adimplemini. Spiritus enim meus super mel dulcis: et haereditas mea super mel et favum. Memoria mea in generationes saeculorum.

Tu autem, Domine, nostri miserere.

Deo Gratias

Sancta Domina, Dei Genitrìx, Intercede pro nobis.

Deprecare pro nobis Filium Dei: Intercede pro nobis.

Jube, Domine, benedicere.

Precibus et meritis beatissimae Virginis Mariae perducate nos ad Dominus ad gaudia vitae aeternae.

Amen.

Qui edunt me, adhuc esurient: et qui bibunt me, adhuc sitient. Qui audit me, non confundetur; et qui operantur in me, non peccabunt. Qui elucidant me, vitam aeternam habebunt. Tu autem, Domine, nostri miserere.

Deo Gratias.

Epelle, Domine, tenebras a cordibus nostris: et lucem tuam mentibus nostris infunde. Per Christum Dominum nostrum.

Amen.

Laus tibi, Domine, Rex aeternae gloriae.

In flore Mater, in partu Virgo: gaude et laetare, Virgo Mater Domini. Alleluia.

Benedictus Dominus, Deus Irsael: quia visitavit, et fecit redemptionem plebis suae;

Et erexit nobis cornu salutis, in domo David pueri sui:

Sicut locutus est per os sanctorum prophetarum suorum, qui ab aevo sunt;

Dare salutare de inimicis nostris, et de manu omnium qui oderunt nos;

Ad faciendam misericordiam cum patribus nostris, et memorare testamenti sancti sui.

Jusjurandum quod juravit ad Abraham, patrem nostrum, daturum se nobis; ut sine timore, de manu inimicorum nostrorum liberati,

Serviamus illi in sanctitate et justitia coram ipso, omnibus diebus nostris,

Et tu puer, Propheta Altissimi vocaberis: praeibis enim ante faciem Domini parare vias ejus;

Ad dandam scientiam salutis plebi ejus, in remissionem peccatorum eorum.

Per viscera miscericordiae Dei nostri, in quibus visitavit nos Oriens ex alto,

Illuminare eos qui in tenebris et umbra mortis sedent, ad dirigendos pedes nostros in viam pacis.

Gloria Patri, et Filio, et Spiritui Sancto, Sicut erat in principio, et nunc, et semper, et in saecula saeculorum. Amen.

In flore Mater, in partu Virgo: gaude et laetare, Virgo Mater Domini. Alleluia. Kyrie, eleison. Kyrie, eleison. Kyrie, eleison.

Deus, qui tribus Pueris in camino ignius positis quartus adesse dignatus es, cui facillimum est ignium temperare naturas, et extinguere flammarum impetus: eamdem, Domine, ad protegendas et liberandas animas nostras extende virtutem. Per Dominum nostrum Jesum Christum Filium tuum qui tecum vivit et regnat

Una cum Sancto Spiritu in saecula saeculorum.

Amen.

Dignus es, Domine, Deus noster, accipere gloriam et honorem.

Benedicite, omnia opera Domini, Domino.

Benedicite, caeli Domino.

Benedicite, Angeli Domini, Domino.

Benedicite, aquae omnes quae super caelos sunt, Domino.

Benedicite, omnes virtutes Domini, Domino.

Benedicite, sol et luna, Domino.

Benedicite, stellae caeli, Domino.

Benedicite, omnis imber et ros, Domino.

Benedicite, omnis spiritus, Domino.

Benedicite, ignis et aestus Domino.

Benedicite, noctes et dies, Domino

Benedicite, lumen et tenebrae, Domino.

Benedicite,frigus et aestus Domino.

Benedicite, pruina et nives, Domino.

Benedicite, fulgura et nubes, Domino.

Benedicat, terra, Domino

Benedicite, montes et colles, Domino.

Benedicite, omnia nascentia in terra, Domino.

Benedicite, maria et flumina et fontes, Domino.

Benedicite, cete et omnia quae moventur in aquis, Domino.

Benedicite, volucres caeli, Domino.

Benedicite, bestiae et omnia jumenta, Domino.

Benedicite, filii hominum, Domino.

Benedicat, Israel, Domino.

Benedicite sacerdotes Domini, Domino.

Benedicite, servi Domini, Domino.

Benedicite, spiritus et animae justorum, Domino.

Benedicite, sancti et humiles corde, Domino.

Benedicite, Anania, Azaria et Misael, Domino.

Benedicamus, Patrem, et Filium, et Sanctum Spiritum.

Hymnum dicamus, et superexaltemus eum in saecula

Dignus es, Domine, Deus noster, accipere gloriam et honorem. Alleluia. Kyrie, eleison. Kyrie, eleison. Kyrie, eleison.

Deus, qui salutis aeternae, beatae Mariae virginitate foecundae, humano generi praestitisti, tribue, quaesumus: ut ipsam pro nobis intercedere sentiamus, per quem meruimus auctorem vitae suscipere Dominum nostrum Jesum Christum Filium tuum: Qui tecum vivit et regnat.

Laudabilis Virgo, quae meruisti portare in tuo utero Salvatorem mundi.

Laudate Dominum de caelis laudate eum in excelsis.

Laudate eum, omnes Angeli ejus; laudate eum, omnes Virtutes ejus.

Laudate eum, sol et luna; laudate eum, omnes stellae et lumen.

Laudate eum, caeli caelorum; et aquae omnes, quae super caelos sunt, laudent nomen Domini:

Quia ipse dixit et facta sunt; ipse mandavit, et creata sunt.

Statuit ea in aeternum et in saeculum saeculi: praeceptum posuit, et non praeteribit.

Laudate Dominum de terra, dracones et omnes abyssi;

Ignis, grando, nix, glacies, spiritus procellae, qui faciunt verbum ejus;

Montes et omnes colles, ligna fructifera et omnes cedri;

Bestiae et omnia jumenta, serpentes et volucres pennatae.

Reges terrae et omnes populi, principes et omnes judices terrae;

Juvenes et virgines, seniores cum junioribus laudent nomen Domini:

Quia exaltatum est nomen ejus solius, confessio ejus super caelum et terram: et exaltabit cornu populi sui.

Cantate Domino canticum novum: laudatio ejus in ecclesia Sanctorum.

Letetur Israel in eo qui fecit ipsum; et fliiae Sion exsultent super regem suum

Laudent nomen ejus in choro; in tympano et psalterio psallant ei.

Quia beneplacitum est Domino in populo suo et exaltabit mansuetos in salutem.

Exsultabunt Sancti in gloria, laetabuntur in cubilibus suis.

Exaltationes Dei in faucibus eorum; et gladii bis acuti in manibus eorum:

Ad faciendam vindictam in nationibus, increpationes et in populis;

Ad alligandos reges eorum in compedibus, et nobiles eorum in vinculis ferreis;

Ut faciant in eis judicium conscriptum: gloria haec est omnibus sanctis ejus.

Laudate Deum in sanctis ejus; laudate eum in firmamento virtutis ejus

Laudate eum in potentatibus ejus; laudate eum secundum multitudinem magnitudinis ejus.

Laudate eum in sono tubae; laudate eum in psalterio et cithara.

Laudate eum in tympano et choro; laudate eum in chordis et organo.

Laudate eum in cymbalis benesonantibus; laudate eum in cymbalis jubilationis:

omnis spiritus laudet Dominum.

Laudate Dominum omnes gentes, *et collaudate eum, omnes populi;

Quoniam confirmata est super nos misericordia ejus, et veritas Domini manet in aeternum.

Gloria Patri, et Filio, et Spiritui Sancto, Sicut erat in principio, et nunc, et semper, et in saecula saeculorum. Amen.

Pulchra facie et pulchrior fide, beata es, Virgo.

Laudabilis Virgo, quae meruisti portare in tuo utero Salvatorem mundi. Alleluia. Kyrie, eleison. Kyrie, eleison. Kyrie, eleison.

Fundamenta ejus in montibus sanctis: diligit Dominus portas Sion super omnia tabernacula Jacob.

Gloriosa dicta sunt de te, civitas Dei: memor ero Rahab et Babylonis scientibus me.

Ecce alienigenae, et Tyrus, et populus Aethiophum, hi fuerunt illic.

Mater Sion dicet: Homo et homo factus est in ea; et ipse fundavit eam Altissimus.

Dominus narrabit scripturas populorum et principum, horum qui fuerunt in ea.

Sicut laetantibus omnibus nobis habitatio est in te.

Gloria Patri, et Filio, et Spiritui Sancto, Sicut erat in principio, et nunc, et semper, et in saecula saeculorum. Amen.

Sub tuum misericordiam confugimus Dei genitrix; ut nostram deprecationem ne inducas in tentationem, sed de periculo libera nos, sola casta et benedicta. Alleluia.

Gloria Patri, et Filio, et Spiritui Sancto.

Iter Sub tuum misericordiam confugimus Dei genitrix; ut nostram deprecationem ne inducas in tentationem, sed de periculo libera nos, sola casta et benedicta. Alleluia.

Sit splendor Domini Dei nostri super nos. Kyrie, eleison. Kyrie, eleison. Kyrie, eleison.

Porrige nobis, Deus, dexteram tuam: et intercessione beatae Dei Genitricis Mariae auxilium nobis supernae virtutis impende. Per eundem Dominum.

Pater noster...

Fidelium animae per Dei misericordiam requiescant in pace.

Amen.

Laus tibi, Domine, Rex aeternae gloriae.

Deus, in nomine tuo salvum me fac, et in virtute tua libera me.

Deus, exaudi orationem meam; auribus percipe verba oris mei:

Quoniam alieni insurrexerunt super me, et fortes quaesierunt animam meam.

Non proposuerunt Deum ante conspectum suum: ecce enim Deus adjuvat me, et Dominus susceptor est animae meae.

Averte mala inimicis meis; et in veritate tua disperde illos.

Voluntarie sacrificabo tibi, et confitebor nomini tuo, Domine; quoniam bonum est.

Quoniam ex omni tribulatione eripuisti me; et super inimicos meos respexit oculus meus.

Benedixisti, Domine, terram tuam: avertisti captivitatem ab Jacob.

Remisisti iniquitatem plebis tuae: operuisti omnia peccata eorum.

Mitigasti omnem iram tuam: avertisti ab ira indignationis tuae.

Converte nos, Deus salutaris noster, et averte iracundiam tuam a nobis.

Ne in aeternum irascaris nobis, aut extendas iram tuam a generatione et progenie.

Deus, tu convertens vivificabis nos; et plebs tua laetabitur in te.

Ostende nobis, Domine, misericordiam tuam; et salutare tuum da nobis.

Audiam quid loquatur in me Dominus Deus quoniam loquetur pacem in plebem suam, et super sanctos suos, et in eos qui convertuntur coram ipso.

Verumtamen prope timentes eum salutare ipsius, ut inhabitet gloria in terra nostra.

Misericordia et veritas obviaverunt sibi; justitia et pax complexae sunt se.

Veritas de terra orta est, et justitia de caelo prospexit.

Etenim Dominus dabit benignitatem; et terra nostra dabit fructum suum.

Justitia ante eum ambulabit, et ponet in via gressus suos.

Laudate Dominum omnes gentes, *et collaudate eum, omnes populi;

Quoniam confirmata est super nos misericordia ejus, et veritas Domini manet in aeternum.

Gloria Patri, et Filio, et Spiritui Sancto, Sicut erat in principio, et nunc, et semper, et in saecula saeculorum. Amen. Alleluia.

Sapientia vincit malitiam. Attingit ergo fine usque ad finem fortiter, et disponit omnia suaviter.

Deo gratias.

Ave, Maria, gratia plena.

Iter Ave, Maria, gratia plena: Dominus tecum.

Post partum Virgo inviolata permansisti; Dei Genitrix, intercede pro nobis. Alleluia. Kyrie, eleison. Kyrie, eleison. Kyrie, eleison.

Famulorum tuorum quaesumus, Domine, delictis ignosce: et, quia tibi placere de actibus nostris non valemus, Genitricis Filii tui Domini nostri intercessione salvemur. Per eumdem.

Kyrie, eleison. Kyrie, eleison. Kyrie, eleison.

Laus tibi, Domine, Rex aeternae gloriae.

Ad Dominum, cum tribularer, clamavi; et exaudivit me.

Domine, libera animam meam a labiis iniquis et a lingua dolosa.

Quid detur tibi, aut quid apponatur tibi ad linguam dolosam?

Sagittae potentis acutae cum carbonibus desolatoriis.

Heu me! quia incolatus meus prolongatus est; habitare cum habitantibus Cedar.

Multum incola fuit anima mea: cum his qui oderunt pacem, eram pacificus: cum loquebar illis, impugnabant me gratis.

Levavi oculos meos ad montes, auxilium mihi.

Auxilium rneum a Domino, qui fecit caelum et terram.

Non det in commotionem pedem tuum, neque dormiet, qui custodit te.

Ecce non dormitabit, neque dormiet, qui custodit Israel.

Dominus custodiat te; Dominus protectio tua super manum dexterae tuae.

Per diem sol non uret te, neque luna per noctem.

Dominus custodiat te ab omni malo: custodiat animam tuam Dominus.

Dominus custodiat introitum tuum et exitum tuum, ex hoc nune et usque in saeculum.

Laetatus sum sum in his, quae dicta sunt mihi: domum Domini ibimus.

Stantes erant pedes nostri in atriis tuis, Jerusalem.

Jerusalem, quae aedificatur ut civitas, cuius participatio ejus in idipsum.

Illuc enim ascenderunt tribus, tribus Domini, testimonium Israel, ad confitendum nomini Domini.

Quia illic sederunt sedes in judicio, sedes super domum David.

Interrogate quae ad pacem sunt Jerusalem: et abundantia diligentibus te.

Fiat pax in virtute tua et abundantia in turribus tuis.

Propter fratres meos et proximos meos loquebar pacem de te.

Propter domum Domini Dei mei exquisivi bona tibi,

Gloria Patri, et Filio, et Spiritui Sancto, Sicut erat in principio, et nunc, et semper, et in saecula saeculorum. Amen. Alleluia.

Sicut cinnamonum, et balsamum aromatizans odorem dedi: quasi myrrha electa dedi suavitatem odoris.

R. Deo gratias.

Post partum Virgo.

Iter Post partum Virgo Inviolata permansisti.

Benedicta tu inter mulleres, Et benedictus fructus ventris tui. Alleluia. Kyrie, eleison. Kyrie, eleison. Kyrie, eleison.

Protege, quaesumus, Domine, famulos tuos subsidiis pacis: et beatae Mariae patrociniis confidentes a cunctis hostibus nos redde securos. Per Dominum.

Kyrie, eleison. Kyrie, eleison. Kyrie, eleison.

Laus tibi, Domine, Rex aeternae gloriae.

Ad te levavi oculos meos,qui habitas in cae1o.

Ecce sicut oculi servorum in manibus dominorum suorum;

Sicut oculi ancillae in manibus dominae suae: ita oculi nostri ad Dominum Deum nostrum, donec misereatur nobis.

Miserere nobis, Domine, miserere nobis; quia multum repleti sumus contemptione.

Et multum repleta est anima nostra: opprobrium abundantibus, et despectio superbis.

Nisi quod Dominus erat in nobis, dicat nune Israel nisi quod Dominus erat in nobis;

Cum insurgerent homines in nos, forsitan vivos deglutissent nos:

Cum irasceretur animus eorum adversum nos, forsitan ut aquam absorbuissent nos.

Torrentem pertransivit anima nostra:forsitan pertransisset anima nostra aquam immensam.

Benedictus Dominus qui non dedit nos in capturam dentibus eorum.

Anima nostra sicut passer erepta est de laqueo venantium:

Laqueus contritus est, et nos liberati sumus.

Adjutorium nostrum in nomine Domini, qui fecit caelum et terram.

Qui confidunt in Domino, sicut mons Sion; non commovebitur in aeternum, qui habitat in Jerusalem.

Montes in circuitu ejus, et Dominus in circuitu populi sui, ex hoc nune et usque in saeculum.

Quia non remittet Dominus virgam peccatorum super sortem justorum;

Ut non extendant justi ad iniquitatem manus suas: benefac, Domine, bonis et rectis corde.

Declinantes autem ad obligationem adducet Dominus cum operantibus iniquitatem: pax super Israel.

Gloria Patri, et Filio, et Spiritui Sancto, Sicut erat in principio, et nunc, et semper, et in saecula saeculorum. Amen. Alleluia.

In omnibus requiem quaesivi et in haereditate Domini morabor. Tunc praecepit, et dixit mihi Creator omnium: et qui creavit me, requievit in tabernaculo meo.

Deo gratias.

Benedicta tu.

Iter Benedicta tu In mulieribus.

Elegit eam Deus, Et praeelegit eam, et in tabernaculo suo habitare fecit eam. Alleluia. Kyrie, eleison. Kyrie, eleison. Kyrie, eleison.

Porrige nobis, Deus, dexteram tuam: et intercessione beatae et gloriosae semper Virginis Mariae, auxilium nobis supernae virtutis impende. Per Dominum.

Laus tibi, Domine, Rex aeternae gloriae.

In convertendo Dominus captivitatem Sion, facti sumus sicut consolati.

Tunc repletum est gaudio os nostrum, et lingua nostra exsultatione.

Tunc dicent inter gentes: Magnificavit Dominu facere cum illis; magnificavit Dominus facere nobiscum facti sumus laetantes.

Converte, Domine, captivitatem nostram, sicut torrens in Austro.

Qui seminant in lacrymis, in gaudio metent: euntes ibant et flebant, mittentes semina sua.

Venientes autem venient in exsultatione, portantes manipulos suos.

Nisi Dominus aedificaverit domum, in vanum laborant qui aedificant eam.

Nisi Dominus custodierit civitatem in vanum vigilant qui custodiunt eam.

In vanum est vobis ante lucem surgere: surgite postquam sederitis, qui manducatis panem doloris.

Cum dederit dilectis suis somnum, ecce haereditas Domini, filii merces, fructus ventris.

Sicut sagittae in manu potentis, ita filii excussorum.

Beatus qui implebit desiderium suum ex ipsis; non confundetur, cum loquetur inimicis suis in porta.

Beati omnes qui timent Dominum, Qui ambulant in viis ejus.

Labores fructuum tuorum manducabis; beatus es, et bene tibi erit.

Uxor tua sicut vitis abundans in lateribus domus tuae.

Filii tui sicut novellae olivarum in circuitu mensae tuae.

Ecce sic benedicetur omnis homo, qui timet Dominum.

Benedicat te Dominus ex Sion; et videas quae bona sunt Jerusalem, omnibus diebus vitae tuae;

Et videas filios filiorum tuorum: pax super Israel.

Gloria Patri, et Filio, et Spiritui Sancto, Sicut erat in principio, et nunc, et semper, et in saecula saeculorum. Amen. Alleluia.

Radicavi in populo honorificato: et in parte Dei mei haereditas illius: et in plenitudine sanctorum detentio rnea.

Deo gratias.

Elegit eam Deus

Iter Elegit eam Deus; Et praeelegit eam.

Specie tua et pulchridine tua, Intende, prospera, et regna. Alleluia. Kyrie, eleison. Kyrie, eleison. Kyrie, eleison.

Beatae et gloriosae semper Virginis Dei Genitricis Mariae intercessio gloriosa nos protegat: et ad vitam perducat aeternam. Per Dominum nostrum.

Kyrie, eleison. Kyrie, eleison. Kyrie, eleison.

Quoniam tu illuminas lucernam meam, Domine; Deus meus, illumina tenebras meas.

Quoniam in te eripiar a tentatione; Deus meus, illumina tenebras meas.

Iter Quoniam tu illuminas lucernam meam, Domine; Deus meus, illumina tenebras meas.

Ornavit me ornamento suo: posuit coronam capiti meo Rex meus et Deus meus. Alleluia.

Sancta Dei Genitrix, Intercede pro nobis. Alleluia.

Deprecare pro nobis Filium Dei: Intercede pro nobis. Alleluia.

Ave, Virgo Maria, gratia plena: Dominus tecum.

Dilexi, quia audiet Dominus vocem orationis meae.

Quia inclinavit aurem suam mihi: et in diebus meis invocabo eum.

Circumdederunt me dolores mortis, pericula inferni invenerunt me.

Tribulationem et dolorem inveni, et nomen Domini invocabo.

O Domine, libera animam meam: misericors Dominus et justus, et Deus noster miseretur.

Custodiens parvulos Dominus; humiliatus sum, et salvum me fecit.

Convertere, anima mea, in requiem tuam; quia Dominus benefecit tibi.

Quia eripuit animam meam de morte, oculos meos a lacrymis, pedes meos a lapsu.

Complacebo Domino in regione vivorum.

Ecce nunc benedicite Dominum, omnes servi Domini.

Qui statis in domo Domini, in atriis domus Dei nostri.

In noctibus extollite manus vestras in sancta, et benedicite Dominum.

Benedicat te Dominus ex Sion, qui fecit caelum et terram.

Laudate Dominum, omnes gentes, et collaudate eum, omnes populi;

Quoniam confirmata est super nos misericordia ejus, et veritas Domini manet in aeternum.

Gloria Patri, et Filio, et Spiritui Sancto, Sicut erat in principio, et nunc, et semper, et in saecula saeculorum.Amen. Alleluia.

Ave, Virgo Maria, gratia plena: Dominus tecum. Alleluia. Kyrie, eleison. Kyrie, eleison. Kyrie, eleison.

Omnipotens, sempiterne Deus, famulos tuos dextera potentiae tuae a cunctis protege periculis: et, beata Maria semper Virgine intercedente, fac eos praesenti gaudere prosperitate et futura. Per Dominum nostrum.

Ecce Ancilla Domini: fiat mihi secundum verbum tuum.

Magnificat anima rnea Dominum;

Et exsultavit spiritus meus in Deo salutari meo:

Quia respexit humilitatem ancillae suae; ecce enim ex hoc beatam me dicent omnes generationes:

Quia fecit mihi magna qui potens est, et sanctum nomen ejus:

Et misericordia ejus a saeculo et in saeculorum super timentes eum.

Fecit potentiam in brachio suo; dissipavit superbos mente cordis eorum.

Deposuit potentes de sede, et exaltavit humiles.

Esurientes satiavit bonis, et divites dimisit inanes.

Suscepit Israel puerum suum, memor misericordiae suae;

Sicut locutus est ad patres nostros, Abraham et semini ejus usque in aeternum.

Gloria Patri, et Filio, et Spiritui Sancto, Sicut erat in principio, et nunc, et semper, et in saecula saeculorum. Amen.

Iter Magnificat anima mea Dominum.

Ecce Ancilla Domini: fiat mihi secundum verbum tuum. Alleluia. Kyrie, eleison,. Kyrie, eleison. Kyrie, eleison.

Concede nobis famulis tuis, quaesumus, Domine Deus, perpetua mentis et corporis sanitate gaudere: et, gloriosa beatae Mariae semper Virginis intercessione, a praesenti liberari tristitia, et aeterna perfrui laetitia. Per Dominum.

Virgo Verbum concepit, Virgo permansit, Virgo genuit Regem omnium regum. Alleluia.

Gloria Patri, etc.

Iter Virgo Verbum concepit, Virgo permansit, Virgo genuit Regem omnium regum. Alleluia.

I Quoniam tu Illuminas Lucernam meam, Domine; Deus meus illumina tenebras meas.

Benedictus es Domine, Deus patrum nostrorum, et laudabilis, et gloriosus in saecula. Kyrie, eleison. Kyrie, eleison. Kyrie, eleison.

Concede, quaesumus, misericors Deus, fragilitati nostrae praesidium: ut, qui sanctae Dei Genitricis Mariae memoriam agimus, intercessionis ejus auxilio a nostris iniquitatibus resurgamus. Per eumdem Dominum nostrum Jesum Christum Filium tuum.

Kyrie, eleison. Kyrie, eleison. Kyrie, eleison.

Pater noster...

Laus tibi, Domine, Rex aeternae gloriae.

Saepe expugnaverunt me a juventute mea, dicat nunc Israel, saepe expugnaverunt me a juventute mea:

Etenim non potuerunt mihi: supra dorsum meum fabricaverunt peccatores:

Prolongaverunt iniquitates suas: Dominus justus concidet cervices peccatorum.

Confundantur et avertantur retrorsum, omnes qui oderunt Sion.

Fiant sicut foenum aedificiorum, quod, priusquam evellatur, arescit:

De quo non implebit manum suam qui metit, nec sinum suum qui manipulos colligit.

Et non dixerunt praetereuntes: Benedictio Domini super vos; benediximus vos in nomine Domini.

De profundis clamavi ad te, Domine: Domine, exaudi vocem meam.

Fiant aures tuae intendentes in vocem orationis meae.

Si iniquitates observaveris, Domine; Domine, quis sustinebit?

Quia apud te propitiatio est; et propter nomen tuum sustinui te, Domine.

Sustinuit anima mea in verbo tuo; speravit anima mea in Domino.

A vigilia matutina usque in noctem speret Israel in Domino:

Quia apud Dominum misericordia est, et copiosa apud eum redemptio.

Et ipse redimet Israel ab omnibus iniquitatibus eorum.

Domine, non est exaltatum cor meum, neque elati sunt oculi mei;

Neque ambulavi in magnis, neque in mirabilibus super me.

Si non humiliter sentiebam; sed exaltavi animam meam:

Sicut ablactus super matrem suam; ita retribues in anima mea.

Speret Israel in Domino, ex hoc nunc et usque in saeculum.

Gloria Patri, et Filio, et Spiritui Sancto, Sicut erat in principio, et nunc, et semper, et in saecula saeculorum. Amen. Alleluia.

Ab initio et ante saecula creata sum: et usque ad futurum saeculum non desinam: et in habitatione sancta coram ipso ministravi.

Deo gratias.

Specie tua.

Iter Specie tua Et pulchritudine tua.

Diffusa est gratia in labiis tuis: Propterea benedixit te Deus in aeternum. Alleluia. Kyrie, eleison. Kyrie, eleison. Kyrie, eleison.

Famulorum tuorum, quaesumus, Domine, delictis ignosce: et quia tibi de actibus nostris placere non valemus, Genitricis Filii tui Domini nostri intercessione salvemur. Per eumdem Dominum nostrum Jesum Christum Filium tuum: Qui tecum vivit et regnat in unitate Spiritus Sancti Deus, per omnia saecula saeculorum.

Amen.

Kyrie, eleison. Kyrie, eleison. Kyrie, eleison.

Pater noster...

Inviolata, integra et casta es, Maria, Quae es effecta fulgida caeli porta. O Mater alma Christi charissima, Suscipe pia laudum praeconia. Nostra ut pura pectora sint et corpora, Te nunc flagitant devota corda et ora. Tua per precata dulcissima Nobis concedas veniam per saecula, O Benigna, o Regina, o Maria, Quae sola inviolata permansisti.

Concede nobis, famulis tuis, quaesumus, Domine Deus, perpetua mentis et corporis prosperitate gaudere; et gloriosa beatae Mariae ssemper Virginis intercessione, a praesenti liberari tristitia, et aeterna perfrui laetitia. Per Christum Dominum nostrum. Amen.

Ave, Reginam caelorum. Ave, Domina angelorum. Salve, Radix sancta, Ex quo mundo Lux est orta. Gaude gloriosa, Super omnes speciosa. Valde, valde decora, Et pro nobis semper Christum exora.

Porrige nobis, Deus, dexteram tuam; et, intercessione beatae Dei Genitricis Mariae, auxilium nobis supernae virtutis impende. Per eundem Christum Dominum nostrum.

Amen.

Alma Redemptoris Mater, Quae pervia caeli porta manes, Et stella maris, succerre cadenti, Surgere, qui curat populo. Tu, quae genuisti, natura mirante, Tuum sanctum Genitorem: Virgo, prius ac posterius Gabrielis ab ore. Sumens illus Ave, Peccatorum miserere.

Gratiam tuam, quaesumus, Domine, mentibus nostris infunde: ut qui, Angelo nunciante, Christi Filii tui incarnationem cognovimus, per passionem ejus et crucem ad resurrectionis gloriam perducamur. Per eundem Christum Dominum nostrum. R. Amen.

Salve Regina, Mater misricodriae: vita, dulcedo, et spes nostra salve. Ad te clamamus, exsules filii Evae. Ad te suspiramus gementes et flentes in hac lacrymarum valle. Eja ergo, advocata nostra, illos tuos misericordes oculos ad nos converte: et Jesum, benedictum fructum ventris tui, nobis post hoc exilium ostende. O clemens, o pia, o dulcis Virgo Maria.

Omnipotens sempiterne Deus, qui gloriosae Virginis Mariae Matris corpus et animam, ut dignum ilii tui habitaculum effici mereretur, Spiritu Sancto cooperante, praeparasti: da ut, cujus commemorationem laetamur, ejus pia intercessione ab instantibus periculus et a morte perpetua liberemur. Per eumdem Christum Dominum nostrum.

Amen.

Regina caeli, laetare. Alleluia. Quia quem meruisti portare. Alleluia. Resurrexit, sicut dixit. Alleluia. Ora pro nobis Deum, Alleluia.

Deus, qui per resurrectionem Filii tui Jesu Christi Domini nostri universum mundum laetificare dignatus es, tribue, quaesumus, ut per intercessionem beatissimae Virginis Mariae, pepetuae capiamus gaudia vitae. Per eumdem Christum Dominum nostrum.

Amen.