Little Office of the Blessed Virgin Mary According to the Premonstratensian Use (Norbetines)

Ave Maria, gratia plena, Dominus tecum.(Alleluja)

Venite, exsultemus Domino, jubilemus Deo, salutari nostro: praeoccupemus faciem ejus in confessione, et in psalmis jubilemus ei.

Ave Maria, gratia plena, Dominus tecum. (Alleluja)

Quoniam Deus magnus Dominus, et Rex magnus super omnes deos, quoniam non repellet Dominus plebem suam: quia in manu ejus sunt omnes fines terrae, et altitudines montium ipse conspicit.

Dominus tecum. (Alleluja)

Quoniam ipsius est mare, et ipse fecit illud, et aridam fundaverunt manus ejus (genuflectitur) venite, adoremus, et procidamus ante Deum: ploremus coram Domino, qui fecit nos, quia ipse est Dominus, Deus noster; nos autem populus ejus, et oves pascuae ejus.

Ave Maria, gratia plena, Dominus tecum. (Alleluja)

Hodie, si vocem ejus audieritis, nolite obdurare corda vestra, sicut in exacerbatione secundum diem tentationis in deserto: ubi tentaverunt me patres vestri, probaverunt et viderunt opera mea.

Dominus tecum. (Alleluja)

Quadraginta annis proximus fui generationi huic, et dixi; Semper hi errant corde, ipsi vero non cognoverunt vias meas: quibus juravi in ira mea; Si introibunt in requiem meam.

Ave Maria, gratia plena, Dominus tecum.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Dominus tecum. (Alleluja)

Ave Maria, gratia plena, Dominus tecum. (Alleluja)

Benedicta tu in mulieribus; et Benedictus fructus ventris tui.

In finem, pro torcularibus. Psalmus David.

Domine, Dominus noster, quam admirabile est nomen tuum in universa terra! quoniam elevata est magnificentia tua super caelos.

Ex ore infantium et lactentium perfecisti laudem propter inimicos tuos, ut destruas inimicum et ultorem.

Quoniam videbo caelos tuos, opera digitorum tuorum, lunam et stellas quae tu fundasti.

Quid est homo, quod memor es ejus? aut filius hominis, quoniam visitas eum?

Minuisti eum paulo minus ab angelis; gloria et honore coronasti eum;

et constituisti eum super opera manuum tuarum.

Omnia subjecisti sub pedibus ejus, oves et boves universas, insuper et pecora campi,

volucres caeli, et pisces maris qui perambulant semitas maris.

Domine, Dominus noster, quam admirabile est nomen tuum in universa terra!

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Sicut myrrha electa odore delicii suavitatis sancta Dei genitrix.

Caeli enarrant gloriam Dei, et opera manuum ejus annuntiat firmamentum.

Dies diei eructat verbum, et nox nocti indicat scientiam.

Non sunt loquellae, neque sermones, quorum non audiantur voces eorum.

In omnem terram exivit sonus eorum, et in fines orbis terrae verba eorum.

In sole posuit tabernaculum suum; et ipse tamquam sponsus procedens de thalamo suo. Exsultavit ut gigas ad currendam viam.

A summo caelo egressio ejus. Et occursus ejus usque ad summum ejus; nec est qui se abscondat a calore ejus.

Lex Domini immaculata, convertens animas; testimonium Domini fidele, sapientiam praestans parvulis.

Justitiae Domini rectae, laetificantes corda; praeceptum Domini lucidum, illuminans oculos.

Timor Domini sanctus, permanens in saeculum saeculi; judicia Domini vera, justificata in semetipsa.

Desiderabilia super aurum et lapidem pretiosum multum, et dulciora super mel et favum.

Etenim servus tuus custodit ea; in custodiendis illis retributio multa.

Delicta quis intelligit? ab occultis meis munda me.

Et ab alienis parce servo tuo. Si mei non fuerint dominati, tunc immaculatus ero, et emundabor a delicto maximo.

Et erunt ut complaceant eloquia oris mei, et meditatio cordis mei in conspectu tuo semper. Domine, adjutor meus, et redemptor meus.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Ante thorum hujus Virginis et frequente nobis dicitlica cantica dramatis.

Domini est terra, et plenitudo ejus; orbis terrarum, et universi qui habitant in eo.

Quia ipse super maria fundavit eum, et super flumina praeparavit eum.

Quis ascendet in montem Domini? aut quis stabit in loco sancto ejus?

Innocens manibus et mundo corde, qui non accepit in vano animam suam, nec juravit in dolo proximo suo.

Hic accipiet benedictionem a Domino, et misericordiam a Deo salutari suo.

Haec est generatio quaerentium eum, quaerentium faciem Dei Jacob.

Attollite portas, principes, vestras, et elevamini, portae aeternales, et introibit rex gloriae.

Quis est iste rex gloriae? Dominus fortis et potens, Dominus potens in praelio.

Attollite portas, principes, vestras, et elevamini, portae aeternales, et introibit rex gloriae.

Quis est iste rex gloriae? Dominus virtutum ipse est rex gloriae.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Pater noster, secreto et secreto ad

Et ne nos.

Segnuntur secunda Lectiones cum

ij, et correlatique ut infra.

Specie tua, et pulchritudine tua, intende et prospere procede et regna.

Eructavit cor meum verbum bonum: dico ego opera mea regi. Lingua mea calamus scribae velociter scribentis.

Speciosus forma prae filiis hominum, diffusa est gratia in labiis tuis: propterea benedixit te Deus in aeternum.

Accingere gladio tuo super femur tuum, potentissime.

Specie tua et pulchritudine tua intende, prospere procede, et regna, propter veritatem, et mansuetudinem, et justitiam; et deducet te mirabiliter dextera tua.

Sagittae tuae acutae: populi sub te cadent, in corda inimicorum regis.

Sedes tua, Deus, in saeculum saeculi; virga directionis virga regni tui.

Dilexisti justitiam, et odisti iniquitatem; propterea unxit te Deus, Deus tuus, oleo laetitiae, prae consortibus tuis.

Myrrha, et gutta, et casia a vestimentis tuis, a domibus eburneis; ex quibus delectaverunt te filiae regum in honore tuo.

Astitit regina a dextris tuis in vestitu deaurato, circumdata varietate.

Audi, filia, et vide, et inclina aurem tuam; et obliviscere populum tuum, et domum patris tui.

Et concupiscet rex decorem tuum, quoniam ipse est Dominus Deus tuus, et adorabunt eum.

Et filiae Tyri in muneribus vultum tuum deprecabuntur; omnes divites plebis.

Omnis gloria ejus filiae regis ab intus, in fimbriis aureis, circumamicta varietatibus.

Adducentur regi virgines post eam; proxime ejus afferentur tibi.

Afferentur in laetitia et exsultatione; adducentur in templum regis.

Pro patribus tuis nati sunt tibi filii; constitues eos principes super omnem terram.

Memores erunt nominis tui in omni generatione et generationem: propterea populi confitebuntur tibi in aeternum, et in saeculum saeculi.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Adjuvabit eam Deus et vultu suo Deus in medio ejus non commovebuntur.

Deus noster refugium et virtus; adjutor in tribulationibus quae invenerunt nos nimis.

Propterea non timebimus dum turbabitur terra, et transferentur montes in cor maris.

Sonuerunt, et turbatae sunt aquae eorum; conturbati sunt montes in fortitudine ejus.

Fluminis impetus laetificat civitatem Dei: sanctificavit tabernaculum suum Altissimus.

Deus in medio ejus, non commovebitur; adjuvabit eam Deus mane diluculo.

Conturbatae sunt gentes, et inclinata sunt regna: dedit vocem suam, mota est terra.

Dominus virtutum nobiscum; susceptor noster Deus Jacob.

Venite, et videte opera Domini, quae posuit prodigia super terram.

Auferens bella usque ad finem terrae. Arcum conteret, et confringet arma, et scuta comburet igni.

Vacate, et videte quoniam ego sum Deus; exaltabor in gentibus, et exaltabor in terra.

Dominus virtutum nobiscum; susceptor noster Deus Jacob.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Sicut lactantium omnium nostrum et habitatio in te, sancta Dei genitrix.

Fundamenta ejus in montibus sanctis.

Diliget Dominus portas Sion super omnia tabernacula Jacob.

Gloriosa dicta sunt de te, civitas Dei.

Memor ero Rahab et Babylonis, scientium me; ecce alienigenae, et Tyrus, et populus Aethiopum, hi fuerunt illic.

Numquid Sion dicet: Homo et homo natus est in ea, et ipse fundavit eam Altissimus.

Dominus narrabit in scripturis populorum et principum, horum qui fuerunt in ea.

Sicut laetantium omnium habitatio est in te.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Speciosa facta es et fulgoris in delicias tuas.

Sancta Dei genitrix

Pater noster.

Gaude Maria Virgo cunctas haereses sola interemisti in universo mundo.

Cantate Domino canticum novum; cantate Domino omnis terra.

Cantate Domino, et benedicite nomini ejus; annuntiate de die in diem salutare ejus.

Annuntiate inter gentes gloriam ejus; in omnibus populis mirabilia ejus.

Quoniam magnus Dominus, et laudabilis nimis: terribilis est super omnes deos.

Quoniam omnes dii gentium daemonia; Dominus autem caelos fecit.

Confessio et pulchritudo in conspectu ejus; sanctimonia et magnificentia in sanctificatione ejus.

Afferte Domino, patriae gentium, afferte Domino gloriam et honorem.

Afferte Domino gloriam nomini ejus. Tollite hostias, et introite in atria ejus.

Adorate Dominum in atrio sancto ejus. Commoveatur a facie ejus universa terra.

Dicite in gentibus, quia Dominus regnavit. Etenim correxit orbem terrae, qui non commovebitur; judicabit populos in aequitate.

Laetentur caeli, et exsultet terra; commoveatur mare et plenitudo ejus.

Gaudebunt campi, et omnia quae in eis sunt. Tunc exsultabunt omnia ligna silvarum.

A facie Domini, quia venit, quoniam venit judicare terram. Judicabit orbem terrae in aequitate, et populos in veritate sua.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Dignare me laudare te Virgo sacrata: da mihi virtutem contra hostes tuos.

Dominus regnavit: exsultet terra; laetentur insulae multae.

Nubes et caligo in circuitu ejus; justitia et judicium correctio sedis ejus.

Ignis ante ipsum praecedet, et inflammabit in circuitu inimicos ejus.

Illuxerunt fulgura ejus orbi terrae; vidit, et commota est terra.

Montes sicut cera fluxerunt a facie Domini; a facie Domini omnis terra.

Annuntiaverunt caeli justitiam ejus, et viderunt omnes populi gloriam ejus.

Confundantur omnes qui adorant sculptilia, et qui gloriantur in simulacris suis. Adorate eum omnes angeli ejus.

Audivit, et laetata est Sion, et exsultaverunt filiae Judae propter judicia tua, Domine.

Quoniam tu Dominus altissimus super omnem terram; nimis exaltatus es super omnes deos.

Qui diligitis Dominum, odite malum: custodit Dominus animas sanctorum suorum; de manu peccatoris liberabit eos.

Lux orta est justo, et rectis corde laetitia.

Laetamini, justi, in Domino, et confitemini memoriae sanctificationis ejus.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Diffusa est gratia in labijs tuis propterea benedixit te Deus in aeternum.

Cantate Domino canticum novum, quia mirabilia fecit. Salvavit sibi dextera ejus, et brachium sanctum ejus.

Notum fecit Dominus salutare suum; in conspectu gentium revelavit justitiam suam.

Recordatus est misericordiae suae, et veritatis suae domui Israel. Viderunt omnes termini terrae salutare Dei nostri.

Jubilate Deo, omnis terra; cantate, et exsultate, et psallite.

Psallite Domino in cithara; in cithara et voce psalmi.

In tubis ductilibus, et voce tubae corneae. Jubilate in conspectu regis Domini.

Moveatur mare, et plenitudo ejus; orbis terrarum, et qui habitant in eo.

Flumina plaudent manu; simul montes exsultabunt.

A conspectu Domini: quoniam venit judicare terram. Judicabit orbem terrarum in justitia, et populos in aequitate.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Pater noster.

Jube Domino benedicere.

Precibus suis Matris Benedictat nos Filius Dei Patris.

Amen.

Missus est Angelus Gabriel a Deo in civitatem Galilaeae, cui nomen Nazareth, ad Virginem desponsatam viro, cui nomen erat Joseph, de domo David et nomen virginis Maria. Et ingressus Angelus ad eam dixit: Ave gratia plena Dóminus tecum, benedicta tu in mulieribus.

Tu autem, etc.

Missus est Gabriel Angelus ad Mariam virginem desponsatam Joseph, nuntians ei verbum, et expavescit virgo de lumine. Ne timeas Maria: invenisti gratiam apud Dominum, Ecce concipies et paries, et vocabitur Altissimi Filius.

Dabit ei Dominus Deus sedem David patris ejus, et regnabit in domo Jacob in aeternum. cEcce concipies.

Qua cum audiret turbata est in sermone ejus, et cogitabat qualis esset ista salutation. Et ait Angelus ei: Ne timeas Maria: invenisti enim gratiam apud Deum. Ecce concipies in utero, et paries filium, et vocabis nomen ejus Jesum. Hic erit magnus, et filius Altissimi vocabitur, et dabit illi Dominus Deus sedem David patris ejus, et regnabit in domo Jacob in eternum, et regni ejus non erit finis.

Tu autem, etc.

Ave Maria gratia plena Dominus tecum: Spiritus sanctus superveniet in te, et virtus Altissimi obumbrabit tibi: quod enim ex te nascetur sanctum, vocabitur filius Dei.

Quomodo fiet istud, quoniam virum non cognosco? Et respondit Angelus, dicens ei: Spiritus sanctus

Dixit autem Maria ad Angelum: Quomodo fiet istud, quoniam virum non cognosco? Et respondens Angelus, dixit ei: Spiritus sanctus superveniet in te et virtus Altissimi obumbrabit tibi: ideoque et quod nascetur ex te sanctum, vocabitur filius Dei. Et ecce Elisabeth, cognata tua, et ipsa concipiet filium in senectute sua; et hic mensis sextus illi, quae vocatur sterilis quia non erit impossibile apud Deum omne verbum. Dixit autem Maria: Ecce ancilla Domini, fiat mihi secundum verbum tuum.

Tu autem, etc.

Suscipe verbum virgo Maria, quod tibi a Domino per Angelum transmissum est, concipies et paries Deum pariter et hominem: Ut benedicta dicaris inter omnes mulieres.

Paries quidem filium et virginitas non patieris detrimentum: efficieris gravida, et eris mater semper intacta. Ut benedicta. Gloria Patri. Ut Benedicta.

In omnibus requiem quaesivi, et in hereditate Domini morabor. Tunc praecepit, et dixit mihi Creator omnium: qui creavit me requievi in tabernaculo meo, et dixit mihi: in Jacob inhabita, et in Israël hereditarie, et in electis meis mitte radices.

Tu autem, Dómine. etc.

Et hic in Sion firmata sum, et in civitate sanctificata similiter requievi: et in Jerusalem potestas mea. Et radicavi in populo honorifico et in parte mentis mea.

Tu autem, etc.

Beata es Virgo Maria, quae Dominum portasti Creatorem mundi: Genuit qui te fecit et in aeternum permanes Virgo.

Ave Maria, gratia plena, Dominus tecum: Genuit.

Quasi cedrus exaltata sum in Libano, et quasi cyprus in monte Sion. Quasi palma exaltata sum in Cades, et quasi plantatio rosae in Jericho. Quasi oliva speciosa in campis, et quasi plantatus exaltata sum juxta aquas in arborem.

Felix namque es sacra Virgo Maria, et omni laude dignissima.

Quia ex te ortus est sol justitiae Christus Deus noster.

Sacerdotalis, Ave Maria gratia plena etc.

Deus in adjutorium etc.

Missus est Gabriel Angelus ad Mariam Virginem desponsatam Joseph.

O admirabile commercium: creator generis humani, animatum corpus sumens de Virgine nasci dignatus est et procedens homo sine femina, largitus est nobis suam divinitatem.

Dominus regnavit, decorem indutus est: indutus est Dominus fortitudinem, et praecinxit se. Etenim firmavit orbem terrae, qui non commovebitur.

Parata sedes tua ex tunc; a saeculo tu es.

Elevaverunt flumina, Domine, elevaverunt flumina vocem suam; elevaverunt flumina fluctus suos.

A vocibus aquarum multarum. Mirabiles elationes maris; mirabilis in altis Dominus.

Testimonia tua credibilia facta sunt nimis; domum tuam decet sanctitudo, Domine, in longitudinem dierum.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Jubilate Deo, omnis terra; servite Domino in laetitia. Introite in conspectu ejus in exsultatione.

Scitote quoniam Dominus ipse est Deus; ipse fecit nos, et non ipsi nos: populus ejus, et oves pascuae ejus.

Introite portas ejus in confessione; atria ejus in hymnis: confitemini illi. Laudate nomen ejus.

Quoniam suavis est Dominus, in aeternum misericordia ejus, et usque in generationem et generationem veritas ejus.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Deus, Deus meus, ad te de luce vigilo. Sitivit in te anima mea; quam multipliciter tibi caro mea.

In terra deserta, et invia, et inaquosa, sic in sancto apparui tibi, ut viderem virtutem tuam et gloriam tuam.

Quoniam melior est misericordia tua super vitas, labia mea laudabunt te.

Sic benedicam te in vita mea, et in nomine tuo levabo manus meas.

Sicut adipe et pinguedine repleatur anima mea, et labiis exsultationis laudabit os meum.

Si memor fui tui super stratum meum, in matutinis meditabor in te.

Quia fuisti adjutor meus, et in velamento alarum tuarum exsultabo.

Adhaesit anima mea post te; me suscepit dextera tua.

Ipsi vero in vanum quaesierunt animam meam: introibunt in inferiora terrae.

Tradentur in manus gladii: partes vulpium erunt.

Rex vero laetabitur in Deo; laudabuntur omnes qui jurant in eo: quia obstructum est os loquentium iniqua.

Deus misereatur nostri, et benedicat nobis; illuminet vultum suum super nos, et misereatur nostri.

Ut cognoscamus in terra viam tuam, in omnibus gentibus salutare tuum.

Confiteantur tibi populi, Deus: confiteantur tibi populi omnes.

Laetentur et exsultent gentes, quoniam judicas populos in aequitate, et gentes in terra dirigis.

Confiteantur tibi populi, Deus: confiteantur tibi populi omnes.

Terra dedit fructum suum: benedicat nos Deus, Deus noster.

Benedicat nos Deus, et metuant eum omnes fines terrae.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Benedicite, omnia opera Domini, Domino: laudate et superexaltate eum in saecula.

Benedicite, angeli Domini, Domino: benedicite, caeli, Domino.

Benedicite, aquae omnes, quae super caelos sunt, Domino: benedicite, omnes virtutes Domini, Domino.

Benedicite, sol et luna, Domino: benedicite, stellae caeli, Domino.

Benedicite, omnis imber et ros, Domino: benedicite, omnes spiritus Dei, Domino.

Benedicite, ignis et aestus, Domino: benedicite, frigus et aestus, Domino.

Benedicite, rores et pruina, Domino: benedicite, gelu et frigus, Domino.

Benedicite, glacies et nives, Domino: benedicite, noctes et dies, Domino.

Benedicite, lux et tenebrae, Domino: benedicite, fulgura et nubes, Domino.

Benedicat terra Dominum: laudet et superexaltet eum in saecula.

Benedicite, montes et colles, Domino: benedicite, universa germinantia in terra, Domino.

Benedicite, fontes, Domino: benedicite, maria et flumina, Domino.

Benedicite, cete, et omnia, quae moventur in aquis, Domino: benedicite, omnes volucres caeli, Domino.

Benedicite, omnes bestiae et pecora, Domino: benedicite, filii hominum, Domino.

Benedicat Israel Dominum: laudet et superexaltet eum in saecula.

Benedicite, sacerdotes Domini, Domino: benedicite, servi Domini, Domino.

Benedicite, Anania, Azaria, Misael, Domino: laudate et superexaltate eum in saecula.

Benedicamus Patrem et Filium cum Sancto Spiritu: laudemus et superexaltemus eum in saecula.

Benedictus es, Domine, in firmamento caeli: et laudabilis, et gloriosus, et superexaltatus in saecula.

Laudate Dominum de caelis: laudate eum in excelsis.

Laudate eum, omnes angeli ejus: laudate eum, omnes virtutes ejus.

Laudate eum, sol et luna: laudate eum, omnes stellae et lumen.

Laudate eum, caeli caelorum: et aquae omnes, quae super caelos sunt, laudent nomen Domini.

Quia ipse dixit, et facta sunt: ipse mandavit, et creata sunt.

Statuit ea in aeternum, et in saeculum saeculi: praeceptum posuit, et non praeteribit.

Laudate Dominum de terra, dracones, et omnes abyssi.

Ignis, grando, nix, glacies, spiritus procellarum: quae faciunt verbum ejus:

Montes, et omnes colles: ligna fructifera, et omnes cedri.

Bestiae, et universa pecora: serpentes, et volucres pennatae:

Reges terrae, et omnes populi: principes, et omnes judices terrae.

Juvenes, et virgines: senes cum junioribus laudent nomen Domini: quia exaltatum est nomen ejus solius.

Confessio ejus super caelum et terram: et exaltavit cornu populi sui.

Cantate Domino canticum novum: laus ejus in ecclesia sanctorum.

Laetetur Israel in eo, qui fecit eum: et filii Sion exsultent in rege suo.

Laudent nomen ejus in choro: in tympano, et psalterio psallant ei:

Quia beneplacitum est Domino in populo suo: et exaltabit mansuetos in salutem.

Exsultabunt sancti in gloria: laetabuntur in cubilibus suis.

Exaltationes Dei in gutture eorum: et gladii ancipites in manibus eorum.

Ad faciendam vindictam in nationibus: increpationes in populis.

Ad alligandos reges eorum in compedibus: et nobiles eorum in manicis ferreis.

Ut faciant in eis judicium conscriptum: gloria haec est omnibus sanctis ejus.

Laudate Dominum in sanctis ejus: laudate eum in firmamento virtutis ejus.

Laudate eum in virtutibus ejus: laudate eum secundum multitudinem magnitudinis ejus.

Laudate eum in sono tubae: laudate eum in psalterio, et cithara.

Laudate eum in tympano, et choro: laudate eum in chordis, et organo.

Laudate eum in cymbalis benesonantibus: laudate eum in cymbalis jubilationis: omnis spiritus laudet Dominum.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Egreditur virga de radice Jesse, et flos de radice ejus ascendet, et requiescet super eum Spiritus Domini.

Ego mater pulchra dilectionis et timoris et agnitionis et sanctae spei.

Deo gratias.

Angelus Domini nuntiavit Mariae, et concepit de Spiritu sancto, alleluia.

Benedictus Dominus Deus Israel, quia visitavit et fecit redemptionem plebis suae.

Et erexit cornu salutis nobis, in domo David pueri sui.

Sicut locutus est per os sanctorum, qui a saeculo sunt, prophetarum ejus.

Salutem ex inimicis nostris, et de manu omnium qui oderunt nos.

Ad faciendam misericordiam cum patribus nostris, et memorari testamenti sui sancti.

Jusjurandum quod juravit ad Abraham patrem nostrum, daturum se nobis.

Ut sine timore, de manu inimicorum nostrorum liberati, serviamus illi.

In sanctitate et justitia coram ipso, omnibus diebus nostris.

Et tu puer propheta Altissimi vocaberis: praeibis enim ante faciem Domini parare vias ejus.

Ad dandam scientiam salutis plebi ejus: in remissionem peccatorum eorum.

Per viscera misericordiae Dei nostri: in quibus visitavit nos Oriens ex alto.

Illuminare his qui in tenebris et in umbra mortis sedent: ad dirigendos pedes nostros in viam pacis.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Deus qui de Beatae... usque supra in Vesp..

Virgo verbo concepit, Virgo permansit, Virgo peperit Regem omnium regum.

Deus qui salutis, usque supra in Vesp.

Beata Dei genitrix Maria, virgo perpetua, templum Domini sacrarium Spiritus sancti: sola sine exemplo plauisit Regina Jesu Christo: ora pro populo, interveni pro clero, intercede pro devoto femineo sexu.

Concede nos, usque supra in Vesperis.

Sancti et justi in Domino gaudete alleluia, Vos elegit Deus in hereditatem sibi, alleluia, Vos elegit Deus in hereditatem sibi, alleluia.

Vers. et Orat. ut sup. in Vesp.

Ave Maria gratia plena, etc.

Deus in adjutorium.

Missus est Gabriel Angelus ad Mariam Virginem desponsatam Joseph.

O admirabile commercium: creator generis humani, animatum corpus sumens, de Virgine nasci dignatus est, et procedens homo sine femina, largitus est nobis suam divinitatem.

Beatus vir qui non abiit in consilio impiorum, et in via peccatorum non stetit, et in cathedra pestilentiae non sedit.

Sed in lege Domini voluntas ejus, et in lege ejus meditabitur die ac nocte.

Et erit tamquam lignum quod plantatum est secus decursus aquarum, quod fructum suum dabit in tempore suo: et folium ejus non defluet; et omnia quaecumque faciet prosperabuntur.

Non sic impii, non sic; sed tamquam pulvis quem projicit ventus a facie terrae.

Ideo non resurgent impii in judicio, neque peccatores in concilio justorum.

Quoniam novit Dominus viam justorum, et iter impiorum peribit.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Quare fremuerunt gentes, et populi meditati sunt inania.

Astiterunt reges terrae, et principes convenerunt in unum adversus Dominum, et adversus Christum ejus.

Dirumpamus vincula eorum, et projiciamus a nobis jugum ipsorum.

Qui habitat in caelis irridebit eos, et Dominus subsannabit eos.

Tunc loquetur ad eos in ira sua, et in furore suo conturbabit eos.

Ego autem constitutus sum rex ab eo super Sion, montem sanctum ejus, praedicans praeceptum ejus.

Dominus dixit ad me: Filius meus es tu; ego hodie genui te.

Postula a me, et dabo tibi gentes haereditatem tuam, et possessionem tuam terminos terrae.

Reges eos in virga ferrea, et tamquam vas figuli confringes eos.

Et nunc, reges, intelligite; erudimini, qui judicatis terram.

Servite Domino in timore, et exsultate ei cum tremore.

Apprehendite disciplinam, nequando irascatur Dominus, et pereatis de via justa.

Cum exarserit in brevi ira ejus, beati omnes qui confidunt in eo.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Domine, quid multiplicati sunt qui tribulant me? Multi insurgunt adversum me.

Multi dicunt animae meae: Non est salus ipsi in Deo ejus.

Tu autem Domine, susceptor meus es, gloria mea, et exaltans caput meum.

Voce mea ad Dominum clamavi; et exaudivit me de monte sancto suo.

Ego dormivi, et soporatus sum; et exsurrexi, quia Dominus suscepit me.

Non timebo millia populi circumdantis me. Exsurge, Domine; salvum me fac, Deus meus.

Quoniam tu percussisti omnes adversantes mihi sine causa; dentes peccatorum contrivisti.

Domini est salus; et super populum tuum benedictio tua.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Ego ex ore Altissimi prodivi, primogenita ante omnem creaturam.

breve.

Ave Maria, gratia plena. Ave Maria.

Dominus tecum.

Gratia. Gloria Patri. Ave Maria.

Ut in Compl.

Ave Maria gratia plena, etc.

Deus in adjutorium.

Ave Maria, gratia plena Dominus tecum: benedicta tu in mulieribus; alleluia.

Quando natus es ineffabiliter ex Virgine, tunc impletae sunt scripturae: sicut pluvia in vellus descendit, et salvum faceres genus humanum; te laudamus Deus noster.

Ad Dominum cum tribularer clamavi, et exaudivit me.

Domine, libera animam meam a labiis iniquis et a lingua dolosa.

Quid detur tibi, aut quid apponatur tibi ad linguam dolosam.

Sagittae potentis acutae, cum carbonibus desolatoriis.

Heu mihi, quia incolatus meus prolongatus est; habitavi cum habitantibus Cedar.

Multum incola fuit anima mea.

Cum his qui oderunt pacem eram pacificus; cum loquebar illis, impugnabant me gratis.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Levavi oculos meos in montes, unde veniet auxilium mihi.

Auxilium meum a Domino, qui fecit caelum et terram.

Non det in commotionem pedem tuum, neque dormitet qui custodit te.

Ecce non dormitabit neque dormiet qui custodit Israel.

Dominus custodit te; Dominus protectio tua super manum dexteram tuam.

Per diem sol non uret te, neque luna per noctem.

Dominus custodit te ab omni malo; custodiat animam tuam Dominus.

Dominus custodiat introitum tuum et exitum tuum, ex hoc nunc et usque in saeculum.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Laetatus sum in his quae dicta sunt mihi: In domum Domini ibimus.

Stantes erant pedes nostri in atriis tuis, Jerusalem.

Jerusalem, quae aedificatur ut civitas, cujus participatio ejus in idipsum.

Illuc enim ascenderunt tribus, tribus Domini: testimonium Israel, ad confitendum nomini Domini.

Quia illic sederunt sedes in judicio, sedes super domum David.

Rogate quae ad pacem sunt Jerusalem, et abundantia diligentibus te.

Fiat pax in virtute tua, et abundantia in turribus tuis.

Propter fratres meos et proximos meos, loquebar pacem de te.

Propter domum Domini Dei nostri, quaesivi bona tibi.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

In omnibus requiem quaesivi, et in hereditate Domini morabor.

breve. Speciosa facta es et suavis, in deliciis tuis.

In deliciis tuis. Gloria Patri. Speciosa facta.

Orationes usque supra ad Completorium.

Ave Maria gratia plena, etc.

Deus in adjutorium.

Ne timeas Maria, invenisti gratiam apud Dominum: ecce concipies et paries Filium, alleluia.

Rubum, quem viderat Moyses incombustum conservatum agnovimus tuam laudabilem virginitatem: Dei genitrix intercede pro nobis.

Laetatus sum in his quae dicta sunt mihi: In domum Domini ibimus.

Stantes erant pedes nostri in atriis tuis, Jerusalem.

Jerusalem, quae aedificatur ut civitas, cujus participatio ejus in idipsum.

Illuc enim ascenderunt tribus, tribus Domini: testimonium Israel, ad confitendum nomini Domini.

Quia illic sederunt sedes in judicio, sedes super domum David.

Rogate quae ad pacem sunt Jerusalem, et abundantia diligentibus te.

Fiat pax in virtute tua, et abundantia in turribus tuis.

Propter fratres meos et proximos meos, loquebar pacem de te.

Propter domum Domini Dei nostri, quaesivi bona tibi.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Nisi quia Dominus erat in nobis, dicat nunc Israel.

Nisi quia Dominus erat in nobis: cum exsurgerent homines in nos.

Forte vivos deglutissent nos; cum irasceretur furor eorum in nos.

Forsitan aqua absorbuisset nos.

Torrentem pertransivit anima nostra; forsitan pertransisset anima nostra aquam intolerabilem.

Benedictus Dominus, qui non dedit nos in captionem dentibus eorum.

Anima nostra sicut passer erepta est de laqueo venantium; laqueus contritus est, et nos liberati sumus.

Adjutorium nostrum in nomine Domini, qui fecit caelum et terram.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Qui confidunt in Domino, sicut mons Sion: non commovebitur in aeternum, qui habitat in Jerusalem.

Montes in circuitu ejus; et Dominus in circuitu populi sui, ex hoc nunc et usque in saeculum.

Quia non relinquet Dominus virgam peccatorum super sortem justorum: ut non extendant justi ad iniquitatem manus suas.

Benefac, Domine, bonis, et rectis corde.

Declinantes autem in obligationes, adducet Dominus cum operantibus iniquitatem. Pax super Israel.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Ego in Sion firma sum et in civitate sanctificata similiter requievi et in Jerusalem potestas mea.

breve.

Dignare me laudare te. Virgo sacra. Dignare.

Da mihi virtutem contra hostes tuos. Virgo. Gloria Patri. Dignare.

Dei genitrix intercede pro nobis.

Orationes usque supra ad Completorium.

Ave Maria gratia plena, etc.

Deus in adjutorium.

Ecce ancilla Domini fiat mihi secundum verbum tuum.

Germinavit radix Jesse et orta est stella ex Jacob. Virgo peperit Salvatorem: te laudamus Deus noster.

In convertendo Dominus captivitatem Sion, facti sumus sicut consolati.

Tunc repletum est gaudio os nostrum, et lingua nostra exsultatione. Tunc dicent inter gentes: Magnificavit Dominus facere cum eis.

Magnificavit Dominus facere nobiscum; facti sumus laetantes.

Converte, Domine, captivitatem nostram, sicut torrens in austro.

Qui seminant in lacrimis, in exsultatione metent.

Euntes ibant et flebant, mittentes semina sua. Venientes autem venient cum exsultatione, portantes manipulos suos.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Nisi Dominus aedificaverit domum, in vanum laboraverunt qui aedificant eam. Nisi Dominus custodierit civitatem, frustra vigilat qui custodit eam.

Vanum est vobis ante lucem surgere: surgite postquam sederitis, qui manducatis panem doloris. Cum dederit dilectis suis somnum.

Ecce haereditas Domini, filii; merces, fructus ventris.

Sicut sagittae in manu potentis, ita filii excussorum.

Beatus vir qui implevit desiderium suum ex ipsis: non confundetur cum loquetur inimicis suis in porta.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Beati omnes qui timent Dominum, qui ambulant in viis ejus.

Labores manuum tuarum quia manducabis: beatus es, et bene tibi erit.

Uxor tua sicut vitis abundans in lateribus domus tuae; filii tui sicut novellae olivarum in circuitu mensae tuae.

Ecce sic benedicetur homo qui timet Dominum.

Benedicat tibi Dominus ex Sion, et videas bona Jerusalem omnibus diebus vitae tuae.

Et videas filios filiorum tuorum: pacem super Israel.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Eradicavi in populo honorifico, et in parte Dei, mei haereditas illius, et in plenitudine sanctorum detentio mea.

breve. Diffusa est gratia.

In labiis tuis.

Diffusa est.

Propterea benedixit te Deus in aeternum.

In labiis. Gloria Patri.

Diffusa.

Deus qui de beatae Mariae, usque supra in Vesp., cum Orat.

breve.

Post partum Virgo. Inviolata permanstit.

Post partum.

Dei genitrix intercede pro nobis.

Inviolata. Gloria Patri. Post partum.

Orationes usque supra ad Completorium.

Prophetae praedixerunt nati Salvatorem de Virgine Maria.

Ecce Maria genuít nobís Salvatórem quem Joannes vîdens exclamavit dicens: Ecce Agnus Dei, ecce qui tollit peccata mundi. Allelúia.

Dixit Dominus Domino meo: Sede a dextris meis, donec ponam inimicos tuos scabellum pedum tuorum.

Virgam virtutis tuae emittet Dominus ex Sion: dominare in medio inimicorum tuorum.

Tecum principium in die virtutis tuae in splendoribus sanctorum: ex utero, ante luciferum, genui te.

Juravit Dominus, et non poenitebit eum: Tu es sacerdos in aeternum secundum ordinem Melchisedech.

Dominus a dextris tuis; confregit in die irae suae reges.

Judicabit in nationibus, implebit ruinas; conquassabit capita in terra multorum.

De torrente in via bibet; propterea exaltabit caput.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Laetatus sum in his quae dicta sunt mihi: In domum Domini ibimus.

Stantes erant pedes nostri in atriis tuis, Jerusalem.

Jerusalem, quae aedificatur ut civitas, cujus participatio ejus in idipsum.

Illuc enim ascenderunt tribus, tribus Domini: testimonium Israel, ad confitendum nomini Domini.

Quia illic sederunt sedes in judicio, sedes super domum David.

Rogate quae ad pacem sunt Jerusalem, et abundantia diligentibus te.

Fiat pax in virtute tua, et abundantia in turribus tuis.

Propter fratres meos et proximos meos, loquebar pacem de te.

Propter domum Domini Dei nostri, quaesivi bona tibi.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Nisi Dominus aedificaverit domum, in vanum laboraverunt qui aedificant eam. Nisi Dominus custodierit civitatem, frustra vigilat qui custodit eam.

Vanum est vobis ante lucem surgere: surgite postquam sederitis, qui manducatis panem doloris. Cum dederit dilectis suis somnum.

Ecce haereditas Domini, filii; merces, fructus ventris.

Sicut sagittae in manu potentis, ita filii excussorum.

Beatus vir qui implevit desiderium suum ex ipsis: non confundetur cum loquetur inimicis suis in porta.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Lauda, Jerusalem, Dominum; lauda Deum tuum, Sion.

Quoniam confortavit seras portarum tuarum; benedixit filiis tuis in te.

Qui posuit fines tuos pacem, et adipe frumenti satiat te.

Qui emittit eloquium suum terrae: velociter currit sermo ejus.

Qui dat nivem sicut lanam; nebulam sicut cinerem spargit.

Mittit crystallum suam sicut buccellas: ante faciem frigoris ejus quis sustinebit.

Emittet verbum suum, et liquefaciet ea; flabit spiritus ejus, et fluent aquae.

Qui annuntiat verbum suum Jacob, justitias et judicia sua Israel.

Non fecit taliter omni nationi, et judicia sua non manifestavit eis. Alleluja.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Ecce Virgo concipiet, et pariet filium, et vocabitur nomen ejus Emmanuel, butyrum et mel comedet, ut refuat reprobare malum et eligere bonum.

Quasi cedrus exaltata sum in Libano, et quasi cyprus in monte Sion.

Gaude Maria Virgo cunctas haereses sola interemisti quae Gabrielis Archangeli dictis credidit, Dum virgo Deum et hominem genuit Et post partum Virgo inviolata permanstit.

Gabrielem Archangelum scimus divinitus te esse affatum, uterum tuum de Spiritu Sancto credimus impregnatum; erubescat Judas infelix, qui dicit Christum ex Joseph femine esse natum Dum Virgo Deum.

Gloria Patri. Et post partum Virgo.

Inviolata, integra, et casta es Maria,

Qua es effecta fulgida caeli porta:

O Mater alma Christi charissima,

Suscipe pia laudem praecornia.

Nostra et pura pectora sint et corpora,

Que nunc flagitant devota corda et ora,

Tua per precata dulcisona,

Nobis concedas veniam per saecula,

O benigna, O benigna, O benigna;

Que sola inviolata permansisti.

Sancta Maria, succurre miseris, et tua pusillanimes refove, debiles ora pro populo interveni pro clero, intercede pro devoto femineo sexu.

Magnificat ✠ anima mea Dominum.

Et exsultavit spiritus meus: in Deo, salutari meo.

Quia respexit humilitatem ancillae suae: ecce enim ex hoc beatam me dicent omnes generationes.

Quia fecit mihi magna qui potens est: et sanctum nomen ejus.

Et misericordia ejus, a progenie in progenies: timentibus eum.

Fecit potentiam in bracchio suo: dispersit superbos mente cordis sui.

Deposuit potentes de sede: et exaltavit humiles.

Esurientes implevit bonis: et divites dimisit inanes.

Suscepit Israel puerum suum: recordatus misericordiae suae.

Sicut locutus est ad patres nostros: abraham, et semini ejus in saecula.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Concede nos famulos tuos, quaesumus Domine Deus, perpetuae mentis et corporis sanitate gaudere; et gloriae beatae Mariae semper Virginis intercedentiae, et praesentis liberati tristitiae, et futurae aeternae laetitiae. Per Dominum.

Missus est Gabriel Angelus ad Mariam Virginem desponsatam Joseph.

Deus, qui de beatae Mariae Virginis utero Verbum factum Angelus nuntiavit, carnem suscipere voluisti, praesta suppliciis tuis; ut qui vere eam Dei genitricem credimus, ejus apud te intercessionibus adjuvemur per cunctum Dominum.

Nescientes mater Virgo virum, peperit sine dolore Salvatorem saeculorum, ipsum Regem Angelorum sola Virgo lactabitur de caelo pleno.

Deus, qui salutis aeternae beatae Mariae Virginis utero voluisti hominum generi praemii praestiti, tribue quaesumus, ut ipsam pro nobis intercedere sentiamos, per quam meruimus auctorem vitae suscipere, Dominum nostrum Jesum Christum Filium tuum, Qui tecum vivit et regnat, etc.

Ecce Dominus veniet et omnes Sancti ejus cum eo, et erit in die illa lux magna, allelúia.

Conscientias nostras quaesumus Domine, visitando purifica: ut veniens Jesus Christus Filius tuus Dominus noster cum omnibus Sanctis, paratum sibi in nobis inveniat mansionem.

Sancti tui Domine florebunt sicut lilium, * allelúia, et sicut odor balsami erunt ante te, allelúia.

Laudemus Dominum, quem laudant Angeli: cui Cherubim et Seraphim, Sanctus, Sanctus, Sanctus, proclamant.

Deus, qui miro ordine Angelorum ministeria hominumque dispensas, concede propitius: ut a quibus tibi ministrantibus in caelo semper affluerimus, ab his in terra vita nostra ministretur. Per Christum.

Gloriosi principes terrae, quomodo in vita sua dilexerunt se, ita et in morte non sunt separati.

Exaudi nos Deus salutaris noster, et Apostolorum tuorum Petri et Pauli, et omnium Apostolorum tuorum nos tuere praesidiis quorum nos fideles esse docutrins. Qui vivis et regnas in saecula saeculorum.

In patientia vestra possidebitis animas vestras.

In omnem terram. etc.

Exaudi nos Deus salutaris noster, et omnium Apostolorum tuorum nos tuere praesidiis quorum donasti fideles esse doctrinis. Qui vivis et regnas in saecula saeculorum.

O per omnia laudabilem virum, cuius meritis ab omni clade liberantur qui ex toto corde venerantur illum.

Deus, qui B. Nicolai Pontificem tuum in meritis decorasti miraculosis; tribue quaesumus, ut ejus meritis et precibus a gehennæ incendiis liberemur. Per Christum.

Hae sunt quae non nubunt, neque nubentur: sed sunt sicut Angeli Dei in caelo.

Ajuvant nos, quaesumus Domine, merita et intercessiones sanctorum Ursulae et sociarum virginum, martyrum tuarum; et quia earum memoriam votivo colimus honore, earum suffragio ab omnibus malis erui mereamur. Per Christum.

Laetetur Ecclesia tua Deus, omnium Sanctorum tuorum confisa suffragiis; atque eorum precibus gloriosis, et devota permaneat, et secura consistat. Per Dominum.

Deus misereatur nostri, et benedicat nobis; illuminet vultum suum super nos, et misereatur nostri.

Ut cognoscamus in terra viam tuam, in omnibus gentibus salutare tuum.

Confiteantur tibi populi, Deus: confiteantur tibi populi omnes.

Laetentur et exsultent gentes, quoniam judicas populos in aequitate, et gentes in terra dirigis.

Confiteantur tibi populi, Deus: confiteantur tibi populi omnes.

Terra dedit fructum suum: benedicat nos Deus, Deus noster.

Benedicat nos Deus, et metuant eum omnes fines terrae.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Omnipotens sempiternus Deus maestorum consolatio, laborantium fortitudo, perveniant ad te preces de quacumque tribulatione clamantium: ut omnes sibi in necessitatibus suis misericordiam tuam gaudeant affuisse. Et animae omnium filiorum defunctorum requiescant in pace. Per Christum.

Ave Maria gratia plena, etc.

Converte nos Deus etc.

Deus in adjutorium etc.

Cum jucunditate memoriam Beatae Mariae celebremus, ut ipsa pro nobis intercedat ad Dominum Jesum Christum.

Usquequo, Domine, oblivisceris me in finem? usquequo avertis faciem tuam a me?

Quamdiu ponam consilia in anima mea; dolorem in corde meo per diem?

Usquequo exaltabitur inimicus meus super me?

Respice, et exaudi me, Domine Deus meus. Illumina oculos meos, ne umquam obdormiam in morte.

Nequando dicat inimicus meus: Praevalui adversus eum. Qui tribulant me exsultabunt si motus fuero.

Ego autem in misericordia tua speravi. Exsultabit cor meum in salutari tuo. Cantabo Domino qui bona tribuit mihi; et psallam nomini Domini altissimi.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Judica me, Deus, et discerne causam meam de gente non sancta: ab homine iniquo et doloso erue me.

Quia tu es, Deus, fortitudo mea: quare me repulisti? et quare tristis incedo, dum affligit me inimicus?

Emitte lucem tuam et veritatem tuam: ipsa me deduxerunt, et adduxerunt in montem sanctum tuum, et in tabernacula tua.

Et introibo ad altare Dei, ad Deum qui laetificat juventutem meam. Confitebor tibi in cithara, Deus, Deus meus.

Quare tristis es, anima mea? et quare conturbas me? Spera in Deo, quoniam adhuc confitebor illi, salutare vultus mei, et Deus meus.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Saepe expugnaverunt me a juventute mea, dicat nunc Israel.

Saepe expugnaverunt me a juventute mea: etenim non potuerunt mihi.

Supra dorsum meum fabricaverunt peccatores; prolongaverunt iniquitatem suam.

Dominus justus concidit cervices peccatorum.

Confundantur, et convertantur retrorsum omnes qui oderunt Sion.

Fiant sicut foenum tectorum, quod priusquam evellatur exaruit.

De quo non implevit manum suam qui metit, et sinum suum qui manipulos colligit.

Et non dixerunt qui praeteribant: Benedictio Domini super vos. Benediximus vobis in nomine Domini.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Domine, non est exaltatum cor meum, neque elati sunt oculi mei, neque ambulavi in magnis, neque in mirabilibus super me.

Si non humiliter sentiebam, sed exaltavi animam meam: sicut ablactatus est super matre sua, ita retributio in anima mea.

Speret Israel in Domino, ex hoc nunc et usque in saeculum.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Sicut cinnamomum et balsamum aromatizans odorem dedi, quasi myrrha electa dedi suavitatem odoris.

Spiritus sanctus in te descender Maria, ne timeas habebis in utero Filium Dei, alleluia.

Sancta Dei genitrix Virgo semper Maria, intercede pro nobis ad Dominum Jesum Christum.

Deus, qui de beatae Mariae Virginis utero Verbum tuum, Angelo nuntiainte, carnem suscipere voluisti: praesta supplicibus tuis, ut qui vere eam Dei genitricem credimus, ejus apud te intercessionibus adjuvemur.

Omnes sancti tui, quaesumus Domine, nos ubique adjuvent: ut dum eorum merita recolimus, patrocinium sentiamus. Per eundem Dominum nostrum.

Famulorum tuorum, quaesumus Domine, delictis ignosce: ut qui tibi placere de actibus nostris non valemus, genitricis Filii tui Dñi nostri Jesu Christi intercessione salvemur.

Omnes sancti tui, quaesumus Domine, nos ubique adjuvent: ut dum eorum merita recolimus, patrocinia sentiamus. Per eundem Dominum nostrum.

Benedicamus Domino.