Little Office of the Blessed Virgin Mary According to the Rite of The Order of the Brothers of the Blessed Virgin Mary of Mount Carmel (Carmelites)

Ave Maria, gratia plena, Dominus tecum. (Alleluja)

Ave Maria, gratia plena, Dominus tecum.(Alleluja)

Venite, exsultemus Domino, jubilemus Deo, salutari nostro: praeoccupemus faciem ejus in confessione, et in psalmis jubilemus ei.

Ave Maria, gratia plena, Dominus tecum. (Alleluja)

Quoniam Deus magnus Dominus, et Rex magnus super omnes deos, quoniam non repellet Dominus plebem suam: quia in manu ejus sunt omnes fines terrae, et altitudines montium ipse conspicit.

Dominus tecum. (Alleluja)

Quoniam ipsius est mare, et ipse fecit illud, et aridam fundaverunt manus ejus (genuflectitur) venite, adoremus, et procidamus ante Deum: ploremus coram Domino, qui fecit nos, quia ipse est Dominus, Deus noster; nos autem populus ejus, et oves pascuae ejus.

Ave Maria, gratia plena, Dominus tecum. (Alleluja)

Hodie, si vocem ejus audieritis, nolite obdurare corda vestra, sicut in exacerbatione secundum diem tentationis in deserto: ubi tentaverunt me patres vestri, probaverunt et viderunt opera mea.

Dominus tecum. (Alleluja)

Quadraginta annis proximus fui generationi huic, et dixi; Semper hi errant corde, ipsi vero non cognoverunt vias meas: quibus juravi in ira mea; Si introibunt in requiem meam.

Ave Maria, gratia plena, Dominus tecum.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Dominus tecum. (Alleluja)

Ave Maria, gratia plena, Dominus tecum. (Alleluja)

Quaesumus, Auctor omnium,

In hoc paschali gaudio,

Ab omni mortis impetu

Tuum defende populum.

Tu esto nostrum gaudium,

Qui es futurus praemium:

Sit nostra in te gloria

Per cuncta semper saecula.

Dudum sacrata pectora

Tua replesti gratia:

Dimitte nostra crimina,

Et da quieta tempora.

Benedicta tu.

Domine, Dominus noster, quam admirabile est nomen tuum in universa terra!

Quoniam elevata est magnificentia tua, super caelos.

Ex ore infantium et lactentium perfecisti laudem propter inimicos tuos, ut destruas inimicum et ultorem.

Quoniam videbo caelos tuos, opera digitorum tuorum: lunam et stellas, quae tu fundasti.

Quid est homo quod memor es ejus? aut filius hominis, quoniam visitas eum?

Minuisti eum paulo minus ab angelis, gloria et honore coronasti eum: et constituisti eum super opera manuum tuarum.

omnia subjecisti sub pedibus ejus, oves et boves universas: insuper et pecora campi.

Volucres caeli, et pisces maris, qui perambulant semitas maris.

Domine, Dominus noster, quam admirabile est nomen tuum in universa terra!

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Caeli enarrant gloriam Dei: et opera manuum ejus annuntiat firmamentum.

Dies diei eructat verbum, et nox nocti indicat scientiam.

Non sunt loquelae, neque sermones, quorum non audiantur voces eorum.

In omnem terram exivit sonus eorum: et in fines orbis terrae verba eorum.

In sole posuit tabernaculum suum: et ipse tamquam sponsus procedens de thalamo suo:

Exsultavit ut gigas ad currendam viam, a summo caelo egressio ejus:

Et occursus ejus usque ad summum ejus: nec est qui se abscondat a calore ejus.

Lex Domini immaculata, convertens animas: testimonium Domini fidele, sapientiam praestans parvulis.

Justitiae Domini rectae, laetificantes corda: praeceptum Domini lucidum, illuminans oculos.

Timor Domini sanctus, permanens in saeculum saeculi: judicia Domini vera, justificata in semetipsa.

Desiderabilia super aurum et lapidem pretiosum multum: et dulciora super mel et favum.

etenim servus tuus custodit ea, in custodiendis illis retributio multa.

Delicta quis intellegit? ab occultis meis munda me: et ab alienis parce servo tuo.

Si mei non fuerint dominati, tunc immaculatus ero: et emundabor a delicto maximo.

Et erunt ut complaceant eloquia oris mei: et meditatio cordis mei in conspectu tuo semper.

Domine, adjutor meus, et redemptor meus.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Domini est terra, et plenitudo ejus: orbis terrarum, et universi qui habitant in eo.

Quia ipse super maria fundavit eum: et super flumina praeparavit eum.

Quis ascendet in montem Domini? aut quis stabit in loco sancto ejus?

innocens manibus et mundo corde, qui non accepit in vano animam suam, nec juravit in dolo proximo suo.

Hic accipiet benedictionem a Domino: et misericordiam a Deo, salutari suo.

Haec est generatio quaerentium eum, quaerentium faciem Dei Jacob.

Attollite portas, principes, vestras, et elevamini, portae aeternales: et introibit Rex gloriae.

Quis est iste Rex gloriae? Dominus fortis et potens: Dominus potens in praelio.

Attollite portas, principes, vestras, et elevamini, portae aeternales: et introibit Rex gloriae.

Quis est iste Rex gloriae? Dominus virtutum ipse est Rex gloriae.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Benedicta tu in mulieribus, et benedictus fructus ventris tui. (Alleluja).

Specie tua.

Eructavit cor meum verbum bonum: dico ego opera mea Regi.

Lingua mea calamus scribae: velociter scribentis.

Speciosus forma prae filiis hominum, diffusa est gratia in labiis tuis: propterea benedixit te Deus in aeternum.

Accingere gladio tuo super femur tuum, potentissime.

Specie tua et pulchritudine tua: intende, prospere procede, et regna.

Propter veritatem, et mansuetudinem, et justitiam: et deducet te mirabiliter dextera tua.

Sagittae tuae acutae, populi sub te cadent: in corda inimicorum Regis.

Sedes tua, Deus, in saeculum saeculi: virga directionis virga regni tui.

Dilexisti justitiam, et odisti iniquitatem: propterea unxit te Deus, Deus tuus, oleo laetitiae prae consortibus tuis.

Myrrha, et gutta, et casia a vestimentis tuis, a domibus eburneis: ex quibus delectaverunt te filiae regum in honore tuo.

astitit regina a dextris tuis in vestitu deaurato: circumdata varietate.

Audi filia, et vide, et inclina aurem tuam: et obliviscere populum tuum et domum patris tui.

Et concupiscet Rex decorem tuum: quoniam ipse est Dominus Deus tuus, et adorabunt eum.

Et filiae Tyri in muneribus vultum tuum deprecabuntur: omnes divites plebis.

Omnis gloria ejus filiae Regis ab intus, in fimbriis aureis circumamicta varietatibus.

Adducentur Regi virgines post eam: proximae ejus afferentur tibi.

Afferentur in laetitia et exsultatione: adducentur in templum Regis.

Pro patribus tuis nati sunt tibi filii: constitues eos principes super omnem terram.

Memores erunt nominis tui: in omni generatione et generationem.

Propterea populi confitebuntur tibi in aeternum: et in saeculum saeculi.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Deus noster refugium, et virtus: adjutor in tribulationibus, quae invenerunt nos nimis.

Propterea non timebimus dum turbabitur terra: et transferentur montes in cor maris.

Sonuerunt, et turbatae sunt aquae eorum: conturbati sunt montes in fortitudine ejus.

Fluminis impetus laetificat civitatem Dei: sanctificavit tabernaculum suum Altissimus.

Deus in medio ejus, non commovebitur: adjuvabit eam Deus mane diluculo.

Conturbatae sunt gentes, et inclinata sunt regna: dedit vocem suam, mota est terra.

Dominus virtutum nobiscum: susceptor noster Deus Jacob.

Venite, et videte opera Domini, quae posuit prodigia super terram: auferens bella usque ad finem terrae.

Arcum conteret, et confringet arma: et scuta comburet igni.

Vacate, et videte quoniam ego sum Deus: exaltabor in gentibus, et exaltabor in terra.

Dominus virtutum nobiscum: susceptor noster Deus Jacob.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Fundamenta ejus in montibus sanctis: diligit Dominus portas Sion super omnia tabernacula Jacob.

Gloriosa dicta sunt de te, civitas Dei.

Memor ero Rahab, et Babylonis scientium me.

Ecce, alienigenae, et Tyrus, et populus aethiopum, hi fuerunt illic.

Numquid Sion dicet: Homo, et homo natus est in ea: et ipse fundavit eam Altissimus?

Dominus narrabit in scripturis populorum, et principum: horum, qui fuerunt in ea.

Sicut laetantium omnium habitatio est in te.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Specie tua et pulchritudine tua intende, prospere procede, et regna. (Alleluja).

Gaude, Maria Virgo.

Cantate Domino canticum novum: cantate Domino, omnis terra.

Cantate Domino, et benedicite nomini ejus: annuntiate de die in diem salutare ejus.

Annuntiate inter gentes gloriam ejus, in omnibus populis mirabilia ejus.

Quoniam magnus Dominus, et laudabilis nimis: terribilis est super omnes deos.

Quoniam omnes dii gentium daemonia: Dominus autem caelos fecit.

Confessio, et pulchritudo in conspectu ejus: sanctimonia et magnificentia in sanctificatione ejus.

Afferte Domino, patriae gentium, afferte Domino gloriam et honorem: afferte Domino gloriam nomini ejus.

Tollite hostias, et introite in atria ejus: adorate Dominum in atrio sancto ejus.

Commoveatur a facie ejus universa terra: dicite in gentibus quia Dominus regnavit.

etenim correxit orbem terrae qui non commovebitur: judicabit populos in aequitate.

Laetentur caeli, et exsultet terra: commoveatur mare, et plenitudo ejus: gaudebunt campi, et omnia quae in eis sunt.

Tunc exsultabunt omnia ligna silvarum a facie Domini, quia venit: quoniam venit judicare terram.

Judicabit orbem terrae in aequitate, et populos in veritate sua.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Dominus regnavit, exsultet terra: laetentur insulae multae.

Nubes, et caligo in circuitu ejus: justitia, et judicium correctio sedis ejus.

Ignis ante ipsum praecedet, et inflammabit in circuitu inimicos ejus.

Illuxerunt fulgura ejus orbi terrae: vidit, et commota est terra.

Montes, sicut cera fluxerunt a facie Domini: a facie Domini omnis terra.

Annuntiaverunt caeli justitiam ejus: et viderunt omnes populi gloriam ejus.

Confundantur omnes, qui adorant sculptilia: et qui gloriantur in simulacris suis.

Adorate eum, omnes angeli ejus: audivit, et laetata est Sion.

Et exsultaverunt filiae Judae, propter judicia tua, Domine:

Quoniam tu Dominus Altissimus super omnem terram: nimis exaltatus es super omnes deos.

Qui diligitis Dominum, odite malum: custodit Dominus animas sanctorum suorum, de manu peccatoris liberabit eos.

Lux orta est justo, et rectis corde laetitia.

Laetamini, justi, in Domino: et confitemini memoriae sanctificationis ejus.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Cantate Domino canticum novum: quia mirabilia fecit.

Salvavit sibi dextera ejus: et bracchium sanctum ejus.

Notum fecit Dominus salutare suum: in conspectu gentium revelavit justitiam suam.

Recordatus est misericordiae suae, et veritatis suae domui Israel.

Viderunt omnes termini terrae salutare Dei nostri.

Jubilate Deo, omnis terra: cantate, et exsultate, et psallite.

Psallite Domino in cithara, in cithara et voce psalmi: in tubis ductilibus, et voce tubae corneae.

Jubilate in conspectu regis Domini: moveatur mare, et plenitudo ejus: orbis terrarum, et qui habitant in eo.

Flumina plaudent manu, simul montes exsultabunt a conspectu Domini: quoniam venit judicare terram.

Judicabit orbem terrarum in justitia, et populos in aequitate.tionis ejus

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Gaude, Maria Virgo: cunctas haereses sola interemisti in universo mundo.

Pater noster... [continue silently]

Alma Virgo virginum intercedat pro nobis ad Dominum.

Amen.

Quae est ista, quae ascendit per desertum, sicut virgula fumi ex aromatibus myrrhae, et thuris, et universi pulveris pigmentarii? Tota pulchra es, amica mea, et macula non est in te. Hortus conclusus, soror mea sponsa, hortus conclusus, fons signatus.

Tu autem, Domine, miserere nostri.

Deo gratias.

Sancta et immaculata virginitas,

quibus te laudibus efferam, nescio: Quia quem caeli capere non poterant, tuo gremio contulisti. (Alleluia).

Benedicta tu in mulieribus, et benedictus fructus ventris tui. Quia.

Jube, domne, benedicere.

Nos cum prole pia benedicat Virgo Maria.

Amen.

Ego quasi terebinthus extendi ramos meos: et rami mei honoris et gratiae. Ego quasi vitis fructificavi suavitatem odoris, et flores mei fructus honoris et honestatis. Ego mater pulchrae dilectionis, et timoris, et agnitionis, et sanctae spei. In me gratia omnis viae et veritatis, in me omnis spes vitae et virtutis.

Tu autem, Domine, miserere nostri.

Deo gratias.

Beata es, Virgo Maria, quae Dominum portasti, Creatorem mundi: Genusisti qui te fecit, et in aeternum permanes Virgo. (Alleluia).

Ave, Maria, gratia plena; Dominus tecum. Genusisti.

Jube, domne, benedicere.

Sancta Dei Genetrix sit nobis auxiliatrix.

Amen.

Transite ad me, omnes, qui concupiscitis me; et a generationibus meis implemini. Spiritus enim meus super mel dulcis: et hereditas mea super mel et favum. Memoria mea in generationes saeculorum. Qui audit me, non confundetur; et qui operantur in me, non peccabunt. Qui elucidant me, vitam aeternam habebunt.

Tu autem, Domine, miserere nostri.

Deo gratias.

Felix namque es, sacra Virgo Maria, et omni laude dignissima: Quia ex te ortus est sol justitiae, Christus, Deus noster. (Alleluia).

Ora pro populo, interveni pro clero, intercede pro devoto femineo sexu: sentiant omnes tuum juvamen, quicumque celebrant tuam sanctam commemorationem. Quia. Gloria Patri. Quia.

Te ergo quaesumus, tuis famulis subveni, quos pretioso sanguine redemisti.

aeterna fac cum Sanctis tuis in gloria numerari.

Salvum fac populum tuum, Domine, et benedic hereditati tuae.

Et rege eos, et extolle illos usque in aeternum.

Per singulos dies benedicimus te.

Et laudamus nomen tuum in saeculum, et in saeculum saeculi.

Dignare, Domine, die isto sine peccato nos custodire.

Miserere nostri, Domine, miserere nostri.

Fiat misericordia tua, Domine, super nos, quemadmodum speravimus in te.

In te, Domine, speravi: non confundar in aeternum.

Jube, Domine, benedicere.

Bened. Alma Virgo virginum intercedat pro nobis ad Dominum.

Amen.

Issus est Angelus Gabriel a Deo in civitatem Galilaeae, cui nomen Nazareth, ad Virginem desponsatam viro, cui nomen erat Joseph, de domo David, et nomen Virginis Maria. Et, ingressus Angelus ad eam, dixit: Ave, gratia plena; Dominus tecum: Benedicta tu in mulieribus. Tu autem, Domine, miserere nostri.

Deo gratias.

Missus est Angelus Gabriel ad Mariam Virginem desponsatam Joseph, nuntians ei verbum; et expavescit Virgo de lumine: ne timeas, Maria; invenisti enim gratiam apud Deum:

Jube, Domine, benedicere.

Nos cum prole pia benedicat Virgo Maria.

Amen.

Quae cum audisset, turbata est in sermone ejus, et cogitabat qualis esset ista salutatio. Et ait Angelus ei: Ne timeas, Maria; invenisti enim gratiam apud Deum: ecce, concipies in utero et paries filium, et vocabis nomen ejus Jesum. Hic erit magnus, et Filius Altissimi vocabitur; et dabit illi Dominus Deus sedem David, patris ejus; et regnabit in domo Jacob in aeternum, et regni ejus non erit finis. Tu autem, Domine, miserere nostri.

Deo gratias.

Ave, Maria, gratia plena; Dominus tecum:

Jube, Domine, benedicere.

Sancta Dei Genitrix sit nobis auxilatrix.

Amen.

Dixit autem Maria ad Angelum: Quomodo fiet istud, quoniam virum non cognosco? Et respondens Angelus dixit ei: Spiritus Sanctus superveniet in te, et virtus Altissimi obumbrabit tibi: ideoque et quod nascetur ex te Sanctum, vocabitur Filius Dei. Et ecce, Elisabeth, cognata tua, et ipsa concepit filium in senectute sua, et hic mensis sextus est illi, quae vocatur sterilis; quia non erit impossibile apud Deum omne verbum. Dixit autem Maria: Ecce ancilla Domini: fiat mihi secundum verbum tuum.

Tu autem, Domine, miserere nostri.

Deo gratias.

Suscipe verbum, Virgo Maria, quod tibi a Domino per Angelum transmissum est: con.

Suscipe verbum.

Assumpta est Maria.

Dominus regnavit, decorem indutus est: indutus est Dominus fortitudinem, et praecinxit se.

etenim firmavit orbem terrae, qui non commovebitur.

Parata sedes tua ex tunc: a saeculo tu es.

Elevaverunt flumina, Domine: elevaverunt flumina vocem suam.

Elevaverunt flumina fluctus suos, a vocibus aquarum multarum.

Mirabiles elationes maris: mirabilis in altis Dominus.

Testimonia tua credibilia facta sunt nimis: domum tuam decet sanctitudo, Domine, in longitudinem dierum.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Jubilate Deo, omnis terra: servite Domino in laetitia.

Introite in conspectu ejus, in exsultatione.

Scitote quoniam Dominus ipse est Deus: ipse fecit nos, et non ipsi nos.

Populus ejus, et oves pascuae ejus: introite portas ejus in confessione, atria ejus in hymnis: confitemini illi.

Laudate nomen ejus: quoniam suavis est Dominus, in aeternum misericordia ejus, et usque in generationem et generationem veritas ejus.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Deus, Deus meus, ad te de luce vigilo.

Sitivit in te anima mea, quam multipliciter tibi caro mea.

In terra deserta, et invia, et inaquosa: sic in sancto apparui tibi, ut viderem virtutem tuam, et gloriam tuam.

Quoniam melior est misericordia tua super vitas: labia mea laudabunt te.

Sic benedicam te in vita mea: et in nomine tuo levabo manus meas.

Sicut adipe et pinguedine repleatur anima mea: et labiis exsultationis laudabit os meum.

Si memor fui tui super stratum meum, in matutinis meditabor in te: quia fuisti adjutor meus.

Et in velamento alarum tuarum exsultabo, adhaesit anima mea post te: me suscepit dextera tua.

Ipsi vero in vanum quaesierunt animam meam, introibunt in inferiora terrae: tradentur in manus gladii, partes vulpium erunt.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Benedicite, omnia opera Domini, Domino: laudate et superexaltate eum in saecula.

Benedicite, angeli Domini, Domino: benedicite, caeli, Domino.

Benedicite, aquae omnes, quae super caelos sunt, Domino: benedicite, omnes virtutes Domini, Domino.

Benedicite, sol et luna, Domino: benedicite, stellae caeli, Domino.

Benedicite, omnis imber et ros, Domino: benedicite, omnes spiritus Dei, Domino.

Benedicite, ignis et aestus, Domino: benedicite, frigus et aestus, Domino.

Benedicite, rores et pruina, Domino: benedicite, gelu et frigus, Domino.

Benedicite, glacies et nives, Domino: benedicite, noctes et dies, Domino.

Benedicite, lux et tenebrae, Domino: benedicite, fulgura et nubes, Domino.

Benedicat terra Dominum: laudet et superexaltet eum in saecula.

Benedicite, montes et colles, Domino: benedicite, universa germinantia in terra, Domino.

Benedicite, fontes, Domino: benedicite, maria et flumina, Domino.

Benedicite, cete, et omnia, quae moventur in aquis, Domino: benedicite, omnes volucres caeli, Domino.

Benedicite, omnes bestiae et pecora, Domino: benedicite, filii hominum, Domino.

Benedicat Israel Dominum: laudet et superexaltet eum in saecula.

Benedicite, sacerdotes Domini, Domino: benedicite, servi Domini, Domino.

Benedicite, Anania, Azaria, Misael, Domino: laudate et superexaltate eum in saecula.

Benedicamus Patrem et Filium cum Sancto Spiritu: laudemus et superexaltemus eum in saecula.

Benedictus es, Domine, in firmamento caeli: et laudabilis, et gloriosus, et superexaltatus in saecula.

Laudate Dominum de caelis: laudate eum in excelsis.

Laudate eum, omnes angeli ejus: laudate eum, omnes virtutes ejus.

Laudate eum, sol et luna: laudate eum, omnes stellae et lumen.

Laudate eum, caeli caelorum: et aquae omnes, quae super caelos sunt, laudent nomen Domini.

Quia ipse dixit, et facta sunt: ipse mandavit, et creata sunt.

Statuit ea in aeternum, et in saeculum saeculi: praeceptum posuit, et non praeteribit.

Laudate Dominum de terra, dracones, et omnes abyssi.

Ignis, grando, nix, glacies, spiritus procellarum: quae faciunt verbum ejus:

Montes, et omnes colles: ligna fructifera, et omnes cedri.

Bestiae, et universa pecora: serpentes, et volucres pennatae:

Reges terrae, et omnes populi: principes, et omnes judices terrae.

Juvenes, et virgines: senes cum junioribus laudent nomen Domini: quia exaltatum est nomen ejus solius.

Confessio ejus super caelum et terram: et exaltavit cornu populi sui.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Assumpta est Maria in caelum: gaudent Angeli, laudantes benedicunt Dominum. (Alleluia).

Viderunt eam filiae Sion, et beatissimam praedicaverunt et reginae laudaverunt eam.

Deo gratias.

Quaesumus, Auctor omnium,

In hoc paschali gaudio,

Ab omni mortis impetu

Tuum defende populum.

Tu esto nostrum gaudium,

Qui es futurus praemium:

Sit nostra in te gloria

Per cuncta semper saecula.

Dudum sacrata pectora

Tua replesti gratia:

Dimitte nostra crimina,

Et da quieta tempora.

O gloriosa Dei Genitrix.

Regina caeli.

Benedictus ✠ Dominus, Deus Israel: quia visitavit, et fecit redemptionem plebis suae:

Et erexit cornu salutis nobis: in domo David, pueri sui.

Sicut locutus est per os sanctorum, qui a saeculo sunt, prophetarum ejus:

Salutem ex inimicis nostris, et de manu omnium, qui oderunt nos.

Ad faciendam misericordiam cum patribus nostris: et memorari testamenti sui sancti.

Jusjurandum, quod juravit ad abraham patrem nostrum, daturum se nobis:

Ut sine timore, de manu inimicorum nostrorum liberati, serviamus illi.

In sanctitate, et justitia coram ipso, omnibus diebus nostris.

Et tu, puer, Propheta Altissimi vocaberis: praeibis enim ante faciem Domini, parare vias ejus:

Ad dandam scientiam salutis plebi ejus: in remissionem peccatorum eorum:

Per viscera misericordiae Dei nostri: in quibus visitavit nos, oriens ex alto:

Illuminare his, qui in tenebris, et in umbra mortis sedent: ad dirigendos pedes nostros in viam pacis.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

O gloriosa Dei Genitrix, Virgo semper Maria, quae Dominum omnium meruisti portare, et Regem Angelorum sola Virgo lactare: nostri, quaesumus, pia memorare et pro nobis semper Christum deprecare: ut, tuis fulti patrociniis, ad caelestia regna mereamur pervenire.

Regina caeli, laetare, alleluia; quia quem meruisti portare, alleluia, resurrexit, sicut dixit, alleluia: ora pro nobis Deum, alleluia.

Deus, qui de beatae Mariae Virginis utero Verbum tuum, Angelo nuntiante, carnem suscipere voluisti: praesta supplicibus tuis; ut, qui vere eam Genitricem Dei credimus, ejus apud te intercessionibus adjuvemur. Per eundem Dominum nostrum Jesum Christum, Filium tuum: Qui tecum vivit et regnat in unitate Spiritus Sancti Deus: per omnia saecula saeculorum.

Amen.

Virgo Maria, non est tibi similis orta in mundo inter mulieres: florens ut rosa, fragrans sicut lilium: ora pro nobis, sancta Dei Genitrix. (Alleluia).

Beatae et gloriosae semperque Virginis Mariae, quaesumus, Domine, intercessio gloriosa nos protegat: et ad vitam perducat aeternam. Per Christum, Dominum nostrum.

Amen.

Prophetae praedixerunt nasci * Salvatorem de Virgine Maria.

Egreditur virga de radice Jesse, et flos de radice ejus ascendet. Et requiescet super eum Spiritus Domini.

Deo gratias.

Spiritus Sanctus in te descendet, Maria: ne timeas, habebis in utero Filium Dei, alleluja.

Deus, qui de beatae Mariae Virginis utero Verbum tuum, Angelo nuntiante, carnem suscipere voluisti: praesta supplicibus tuis; ut, qui vere eam Genitricem Dei credimus, ejus apud te intercessionibus adjuvemur.

Per eumdem Dominum nostrum Jesum Christum, Filium tuum: Qui tecum vivit et regnat in unitate Spiritus Sancti Deus: per omnia saecula saeculorum.

Amen.

O admirabile commercium: * Creator generis humani, animatum corpus sumens,

de Virgine nasci dignatus est; et procedens homo sine semine, largitus est nobis suam Deitatem.

Virgo verbo concepit, * Virgo permansit, Virgo peperit Regem omnium regum.

Deus, qui salutis aeternae, beatae Mariae virginitate fecunda, humano generi praemia praestitisti: tribue, quaesumus; ut ipsam pro nobis intercedere sentiamus, per quam meruimus auctorem vitae suscipere Dominum nostrum Jesum Christum, Filium tuum: Qui tecum vivit et regnat in unitate Spiritus Sancti Deus: per omnia saecula saeculorum.

Amen.

Quaesumus, Auctor omnium,

In hoc paschali gaudio,

Ab omni mortis impetu

Tuum defende populum.

Tu esto nostrum gaudium,

Qui es futurus praemium:

Sit nostra in te gloria

Per cuncta semper saecula.

Dudum sacrata pectora

Tua replesti gratia:

Dimitte nostra crimina,

Et da quieta tempora.

Assumpta est Maria.

Deus, in nomine tuo salvum me fac: et in virtute tua iudica me.

Deus, exaudi orationem meam: auribus percipe verba oris mei.

Quoniam alieni insurrexerunt adversum me, et fortes quaesierunt animam meam: et non proposuerunt Deum ante conspectum suum.

Ecce enim, Deus adiuvat me: et Dominus susceptor est animae meae.

Averte mala inimicis meis: et in veritate tua disperde illos.

Voluntarie sacrificabo tibi, et confitebor nomini tuo, Domine: quoniam bonum est:

Quoniam ex omni tribulatione eripuisti me: et super inimicos meos despexit oculus meus.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Laudate Dominum, omnes gentes: laudate eum, omnes populi:

Quoniam confirmata est super nos misericordia eius: et veritas Domini manet in aeternum.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Confitemini Domino quoniam bonus: quoniam in saeculum misericordia ejus.

Dicat nunc Israel quoniam bonus: quoniam in saeculum misericordia ejus.

Dicat nunc domus Aaron: quoniam in saeculum misericordia ejus.

Dicant nunc qui timent Dominum: quoniam in saeculum misericordia ejus.

De tribulatione invocavi Dominum: et exaudivit me in latitudine Dominus.

Dominus mihi adjutor: non timebo quid faciat mihi homo.

Dominus mihi adjutor: et ego despiciam inimicos meos.

Bonum est confidere in Domino: quam confidere in homine.

Bonum est sperare in Domino: quam sperare in principibus.

Omnes gentes circuiérunt me: et in nomine Domini quia ultus sum in eos.

Circumdantes circumdederunt me: et in nomine Domini quia ultus sum in eos.

Circumdederunt me sicut apes, et exarserunt sicut ignis in spinis: et in nomine Domini quia ultus sum in eos.

Impulsus eversus sum ut caderem: et Dominus suscepit me.

Fortitudo mea, et laus mea Dominus: et factus est mihi in salutem.

Vox exsultationis, et salutis in tabernaculis justorum.

Dextera Domini fecit virtutem: dextera Domini exaltavit me, dextera Domini fecit virtutem.

Non moriar, sed vivam: et narrabo opera Domini.

Castigans castigavit me Dominus: et morti non tradidit me.

Aperite mihi portas justitiae, ingressus in eas confitebor Domino: haec porta Domini, justi intrabunt in eam.

Confitebor tibi quoniam exaudisti me: et factus es mihi in salutem.

Lapidem, quem reprobaverunt aedificantes: hic factus est in caput anguli.

A Domino factum est istud: et est mirabile in oculis nostris.

Haec est dies, quam fecit Dominus: exsultemus, et laetemur in ea.

O Domine, salvum me fac, o Domine, bene prosperare: benedictus qui venit in nomine Domini.

Benediximus vobis de domo Domini: Deus Dominus, et illuxit nobis.

Constituite diem solemnem in condensis, usque ad cornu altaris.

Deus meus es tu, et confitebor tibi: Deus meus es tu, et exaltabo te.

Confitebor tibi, quoniam exaudisti me: et factus es mihi in salutem.

Confitemini Domino quoniam bonus: quoniam in saeculum misericordia ejus.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Assumpta est Maria in caelum: gaudent Angeli, laudantes benedicunt Dominum. (Alleluia).

Quae est ista, quae progreditur quasi aurora consurgens, pulchra ut luna, electa ut sol, terribilis ut castrorum acies ordinata?

Deo gratias.

Et impetratam nobis caelitus tu defer indulgentiam.

Alleluja, alleluja.

Sancta Dei Genitrix, Virgo semper Maria.

Intercede pro nobis ad Dominum, Deum nostrum, alleluja.

Concede, misericors Deus, fragilitati nostrae praesidium: ut, qui sanctae Dei Genitricis memoriam agimus: intercessionis ejus auxilio, a nostris iniquitatibus resurgamus. Per eundem Dominum nostrum Jesum Christum, Filium tuum: Qui tecum vivit et regnat in unitate Spiritus Sancti Deus: per omnia saecula saeculorum.

Amen.

Virgo Maria, non est tibi similis orta in mundo inter mulieres: florens ut rosa, fragrans sicut lilium: ora pro nobis, sancta Dei Génitrix. (Alleluja).

Beatae et gloriosae semperque Virginis Mariae, quaesumus, Domine, intercéssio gloriosa nos protegat: et ad vitam perducat aetérnam. Per Christum, Dominum nostrum.

Amen.

Prophetae praedicerunt * nasci Salvatorem de Virgine Maria.

Orate, caeli, desuper, et nubes pluant justum: aperiat terra, et germinet Salvatorem: et justitia oriatum simul. Ego Dominus creavi eum.

Deo gratias.

O admirabile commercium: *

Creator generis humani, animatum corpus sumens,

de Virgine nasci dignatus est; et procedens homo sine semine, largitus est nobis suam Deitatem.

Quaesumus, Auctor omnium,

In hoc paschali gaudio,

Ab omni mortis impetu

Tuum defende populum.

Tu esto nostrum gaudium,

Qui es futurus praemium:

Sit nostra in te gloria

Per cuncta semper saecula.

Dudum sacrata pectora

Tua replesti gratia:

Dimitte nostra crimina,

Et da quieta tempora.

Maria Virgo.

Ad Dominum cum tribularer clamavi: et exaudivit me.

Domine, libera animam meam a labiis iniquis, et a lingua dolosa.

Quid detur tibi, aut quid apponatur tibi ad linguam dolosam?

Sagittae potentis acutae, cum carbonibus desolatoriis.

Heu mihi, quia incolatus meus prolongatus est: habitavi cum habitantibus Cedar: multum incola fuit anima mea.

Cum his, qui oderunt pacem, eram pacificus: cum loquebar illis, impugnabant me gratis.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Levavi oculos meos in montes, unde veniet auxilium mihi.

Auxilium meum a Domino, qui fecit caelum et terram.

Non det in commotionem pedem tuum: neque dormitet qui custodit te.

Ecce, non dormitabit neque dormiet, qui custodit Israel.

Dominus custodit te, Dominus protectio tua, super manum dexteram tuam.

Per diem sol non uret te: neque luna per noctem.

Dominus custodit te ab omni malo: custodiat animam tuam Dominus.

Dominus custodiat introitum tuum, et exitum tuum: ex hoc nunc, et usque in saeculum.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Laetatus sum in his, quae dicta sunt mihi: In domum Domini ibimus.

Stantes erant pedes nostri, in atriis tuis, Ierusalem.

Ierusalem, quae aedificatur ut civitas: cuius participatio eius in idipsum.

Illuc enim ascenderunt tribus, tribus Domini: testimonium Israel ad confitendum nomini Domini.

Quia illic sederunt sedes in iudicio, sedes super domum David.

Rogate quae ad pacem sunt Ierusalem: et abundantia diligentibus te:

Fiat pax in virtute tua: et abundantia in turribus tuis.

Propter fratres meos, et proximos meos, loquebar pacem de te:

Propter domum Domini, Dei nostri, quaesivi bona tibi.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Maria Virgo assumpta est ad aethereum thalamum, in quo Rex regum stellato sedet solio. (Alleluja).

Et sic in Sion firmata sum, et in civitate sanctificata similiter requievi, et in Jerusalem potestas mea.

Deo gratias.

Sancta Dei Genitrix, Virgo semper Maria. Sancta.

Intercede pro nobis ad Dominum, Deum nostrum. Virgo. Gloria Patri, et Filio, et Spiritui Sancto. Sancta.

Sancta Dei Genitrix, Virgo semper Maria, Alleluja, alleluja. Sancta.

Intercede pro nobis ad Dominum, Deum nostrum. Alleluja, alleluja. Gloria Patri. Sancta.

Deus, qui salutis aeternæ, beatae Mariae virginitate fecunda, humano generi praemia praestitisti: tribue, quaesumus; ut ipsam pro nobis intercedere sentiamus, per quam meruimus auctorem vitae suscipere, Dominum nostrum Jesum Christum, Filium tuum: Qui tecum vivit et regnat in unitate Spiritus Sancti Deus: per omnia saecula saeculorum.

Amen.

Virgo Maria, non est tibi similis orta in mundo inter mulieres: florens ut rosa, fragrans sicut lilium: ora pro nobis, sancta Dei Genitrix. (Alleluja).

Beatae et gloriosae semperque Virginis Mariae, quaesumus, Domine, intercessio gloriosa nos protegat: et ad vitam perducat aeternam. Per Christum, Dominum nostrum.

Amen.

Angelus Domini * nuntiavit Mariae, et concepit de Spiritu Sancto.

Ecce, Virgo concipiet et pariet filium, et vocabitur nomen ejus Emmanuel. Butyrum et mel comedet, ut sciat reprobare malum, et eligere bonum.

Deo gratias.

Quando natus es * ineffabiliter ex Virgine, tunc implcts sunt Scripturae: sicut pluvia in vellus descendisti, ut salvum faceres genus humanum: te laudamus, Deus noster.

Quaesumus, Auctor omnium,

In hoc paschali gaudio,

Ab omni mortis impetu

Tuum defende populum.

Tu esto nostrum gaudium,

Qui es futurus praemium:

Sit nostra in te gloria

Per cuncta semper saecula.

Dudum sacrata pectora

Tua replesti gratia:

Dimitte nostra crimina,

Et da quieta tempora.

Ad te levavi oculos meos, qui habitas in caelis.

Ecce, sicut oculi servorum in manibus dominorum suorum,

Sicut oculi ancillae in manibus dominae suae: ita oculi nostri ad Dominum, Deum nostrum, donec misereatur nostri.

Miserere nostri, Domine, miserere nostri: quia multum repleti sumus despectione:

Quia multum repleta est anima nostra: opprobrium abundantibus, et despectio superbis.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Nisi quia Dominus erat in nobis, dicat nunc Israel: nisi quia Dominus erat in nobis,

Cum exsurgerent homines in nos, forte vivos deglutissent nos:

Cum irasceretur furor eorum in nos, forsitan aqua absorbuisset nos.

Torrentem pertransivit anima nostra: forsitan pertransisset anima nostra aquam intolerabilem.

Benedictus Dominus qui non dedit nos in captionem dentibus eorum.

anima nostra sicut passer erepta est de laqueo venantium:

Laqueus contritus est, et nos liberati sumus.

Adjutorium nostrum in nomine Domini, qui fecit caelum et terram.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Qui confidunt in Domino, sicut mons Sion: non commovebitur in aeternum, qui habitat in Jerusalem.

Montes in circuitu ejus: et Dominus in circuitu populi sui, ex hoc nunc et usque in saeculum.

Quia non relinquet Dominus virgam peccatorum super sortem justorum: ut non extendant justi ad iniquitatem manus suas.

Benefac, Domine, bonis, et rectis corde.

Declinantes autem in obligationes adducet Dominus cum operantibus iniquitatem: pax super Israel.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

In ordorem unguentorum tuorum curiumus: adolescentulae dilexerunt te nimis. (Alleluia).

Et radicavi in populo honorificato, et in parte Dei mei hereditas illius, et in plenitudine sanctorum detentio mea.

Deo gratias.

Post partum, Virgo, Inviolata permansisti. Post.

Dei Genitrix, intercede pro nobis. Inviolata. Gloria Patri, et Filio, et Spiritui Sancto. Post.

Post partum, Virgo, inviolata permansisti, Alleluia, alleluia. Post.

Dei Genitrix, intercede pro nobis. Alleluia, alleluia. Gloria Patri. Post.

Deus, qui virginalem aulam beatae Mariae Virginis, in qua habitare, eligere dignatus es: da, quaesumus; ut sua nos defensione muniamus, jucundos suae facias interesse commemorationi: Qui vivis et regnas cum Deo Patre in unitate Spiritus Sancti Deus: per omnia saecula saeculorum.

Amen.

Virgo Maria, non est tibi similis orta in mundo inter mulieres: florens ut rosa, fragrans sicut lilium: ora pro nobis, sancta Dei Genitrix. (Alleluia).

Beate et gloriosae semperque Virginis Mariae, quaesumus, Domine, intercessio gloriosa nos protegat: et ad vitam perducat aeternam. Per Christum, Dominum nostrum.

Amen.

Orietur * sicut sol Salvator mundi: et descendet in uterum Virginis, sicut imber super gramen.

Egreditur virga de radice Jesse, et flos de radice ejus ascendet. Et requiescet super eum Spiritus Domini.

Deo gratias.

Rubum, quern viderat Moyses * incombustum, conservatam agnovimus tuam laudabilem virginitatem: Dei Genitrix, intercede pro nobis.

Quaesumus, Auctor omnium,

In hoc paschali gaudio,

Ab omni mortis impetu

Tuum defende populum.

Tu esto nostrum gaudium,

Qui es futurus praemium:

Sit nostra in te gloria

Per cuncta semper saecula.

Dudum sacrata pectora

Tua replesti gratia:

Dimitte nostra crimina,

Et da quieta tempora.

Pulchra es.

In convertendo Dominus captivitatem Sion: facti sumus sicut consolati:

Tunc repletum est gaudio os nostrum: et lingua nostra exsultatione.

Tunc dicent inter gentes: Magnificavit Dominus facere cum eis.

Magnificavit Dominus facere nobiscum: facti sumus laetantes.

Converte, Domine, captivitatem nostram, sicut torrens in Austro.

Qui seminant in lacrimis, in exsultatione metent.

Euntes ibant et flebant, mittentes semina sua.

Venientes autem venient cum exsultatione, portantes manipulos suos.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Nisi Dominus aedificaverit domum, in vanum laboraverunt qui aedificant eam.

Nisi Dominus custodierit civitatem, frustra vigilat qui custodit eam.

Vanum est vobis ante lucem surgere: surgite postquam sederitis, qui manducatis panem doloris.

Cum dederit dilectis suis somnum: ecce hereditas Domini filii: merces, fructus ventris.

Sicut sagittae in manu potentis: ita filii excussorum.

Beatus vir, qui implevit desiderium suum ex ipsis: non confundetur cum loquetur inimicis suis in porta.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Beati, omnes, qui timent Dominum, qui ambulant in viis ejus.

Labores manuum tuarum quia manducabis: beatus es, et bene tibi erit.

Uxor tua sicut vitis abundans, in lateribus domus tuae.

Filii tui sicut novellae olivarum, in circuitu mensae tuae.

Ecce, sic benedicetur homo, qui timet Dominum.

Benedicat tibi Dominus ex Sion: et videas bona Jerusalem omnibus diebus vitae tuae.

Et videas filios filiorum tuorum, pacem super Israel.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Pulchra es Pulchra es et decora, filia Jerusaelem, terribilis ut castrorum acies ordinata. (Alleluja).

In plateis sicut cinnamomum et balsamum aromatizans odorem dedi: quasi myrrha electa dedi suavitatem odoris.

Deo gratias.

Amulorum tuorum, quaesumus, Domine, delictis ignosce: ut, qui placere de actibus nostris vellemus, Genitricis Filii tui intercessione salvemur. Qui tecum vivit et regnat in unitate Spiritus Sancti Deus: per omnia saecula saeculorum.

Amen.

Virgo Maria, non est tibi similis orta in mundo inter mulieres: florens ut rosa, fragrans sicut lilium: ora pro nobis, sancta Dei Genitrix. (Alleluja).

Beatae et gloriosae semperque Virginis Mariae, quaesumus, Domine, intercessio gloriosa nos protegat: et ad vitam perducat aeternam. Per Christum, Dominum nostrum.

Amen.

Maria autem * conservabat omnia verba haec, conferens in corde suo.

Dabit illi Dominus Deus sedem David, patris ejus; et regnabit in domo Jacob in aeternum, et regni ejus non erit finis.

Deo gratias.

Ecce, Maria genuit * nobis Salvatorem, quern Joannes videns exclamavit, dicens: Ecce Agnus Dei: ecce qui tollit peccata mundi, alleluja.

Dixit Dominus Domino meo: Sede a dextris meis:

Donec ponam inimicos tuos, scabellum pedum tuorum.

Virgam virtutis tuae emittet Dominus ex Sion: dominare in medio inimicorum tuorum.

Tecum principium in die virtutis tuae in splendoribus sanctorum: ex utero ante luciferum genui te.

Juravit Dominus, et non pœnitebit eum: Tu es sacerdos in aeternum secundum ordinem Melchisedech.

Dominus a dextris tuis, confregit in die irae suae reges.

Judicabit in nationibus, implebit ruinas: conquassabit capita in terra multorum.

De torrente in via bibet: propterea exaltabit caput.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Laudate, pueri, Dominum: laudate nomen Domini.

Sit nomen Domini benedictum, ex hoc nunc, et usque in saeculum.

A solis ortu usque ad occasum, laudabile nomen Domini.

Excelsus super omnes gentes Dominus, et super caelos gloria ejus.

Quis sicut Dominus, Deus noster, qui in altis habitat, et humilia respicit in caelo et in terra?

Suscitans a terra inopem, et de stercore erigens pauperem:

Ut collocet eum cum principibus, cum principibus populi sui.

Qui habitare facit sterilem in domo, matrem filiorum laetantem.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Laetatus sum in his, quae dicta sunt mihi: In domum Domini ibimus.

Stantes erant pedes nostri, in atriis tuis, Jerusalem.

Jerusalem, quae aedificatur ut civitas: cujus participatio ejus in idipsum.

Illuc enim ascenderunt tribus, tribus Domini: testimonium Israel ad confitendum nomini Domini.

Quia illic sederunt sedes in judicio, sedes super domum David.

Rogate quae ad pacem sunt Jerusalem: et abundantia diligentibus te:

Fiat pax in virtute tua: et abundantia in turribus tuis.

Propter fratres meos, et proximos meos, loquebar pacem de te:

Propter domum Domini, Dei nostri, quaesivi bona tibi.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Nisi Dominus aedificaverit domum, in vanum laboraverunt qui aedificant eam.

Nisi Dominus custodierit civitatem, frustra vigilat qui custodit eam.

Vanum est vobis ante lucem surgere: surgite postquam sederitis, qui manducatis panem doloris.

Cum dederit dilectis suis somnum: ecce hereditas Domini filii: merces, fructus ventris.

Sicut sagittae in manu potentis: ita filii excussorum.

Beatus vir, qui implevit desiderium suum ex ipsis: non confundetur cum loquetur inimicis suis in porta.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Lauda, Jerusalem, Dominum: lauda Deum tuum, Sion.

Quoniam confortavit seras portarum tuarum: benedixit filiis tuis in te.

Qui posuit fines tuos pacem: et adipe frumenti satiat te.

Qui emittit eloquium suum terrae: velociter currit sermo ejus.

Qui dat nivem sicut lanam: nebulam sicut cinerem spargit.

Mittit crystallum suam sicut buccellas: ante faciem frigoris ejus quis sustinebit?

Emittet verbum suum, et liquefaciet ea: flabit spiritus ejus, et fluent aquae.

Qui annuntiat verbum suum Jacob: justitias, et judicia sua Israel.

Non fecit taliter omni nationi: et judicia sua non manifestavit eis.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Beata Mater et intacta Virgo, gloriosa Regina mundi, intercede pro nobis ad Dominum. (Alleluja).

Ab initio et ante saecula creata sum, et usque ad futurum saeculum non desinam, et in habitatione sancta coram ipso ministravi.

Deo gratias.

Sancta Maria.

Regina Caeli.

Magnificat ✠ anima mea Dominum.

Et exsultavit spiritus meus: in Deo, salutari meo.

Quia respexit humilitatem ancillae suae: ecce enim ex hoc beatam me dicent omnes generationes.

Quia fecit mihi magna qui potens est: et sanctum nomen ejus.

Et misericordia ejus, a progenie in progenies: timentibus eum.

Fecit potentiam in bracchio suo: dispersit superbos mente cordis sui.

Deposuit potentes de sede: et exaltavit humiles.

Esurientes implevit bonis: et divites dimisit inanes.

Suscepit Israel puerum suum: recordatus misericordiae suae.

Sicut locutus est ad patres nostros: abraham, et semini ejus in saecula.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Sancta Maria, succurre miseris, juva pusillanimes, refove flebiles, ora pro populo, interveni pro clero, intercede pro devoto femineo sexu.

Regina caeli, laetare, alleluja; quia quem meruisti portare, alleluja, resurrexit, sicut dixit, alleluja: ora pro nobis Deum, alleluja.

Concede nos famulos tuos, quaesumus, Domine Deus, perpetua mentis et corporis sanitate gaudere: et, gloriosa beatae Mariae semper Virginis intercessione, a praesentii liberari tristitia et aeterna perfrui laetitia. Per Dominum nostrum Jesum Christum, Filium tuum: Qui tecum vivit et regnat in unitate Spiritus Sancti Deus: per omnia saecula saeculorum.

Amen.

Virgo Maria, non est tibi similis orta in mundo inter mulieres: florens ut rosa, fragrans sicut lilium: ora pro nobis, sancta Dei Genitrix. (Alleluja).

(Alleluja).

Beatae et gloriosae semperque Virginis Mariae, quaesumus, Domine, intercessio gloriosa nos protegat: et ad vitam perducat aeternam. Per Christum, Dominum nostrum.

Amen.

Prophetae praedicerunt * nasci Salvatorem de Virgine Maria.

Ecce, Virgo concipiet et pariet filium, et vocabitur nomen ejus Emmanuel. Butyrum et mel comedet, ut sciat reprobare malum, et eligere bonum.

Deo gratias.

Ave, Maria, * gratia plena; Dominus tecum: benedicta tu in mulieribus, alleluja.

O admirabile commercium: *

Creator generis humani, animatum corpus sumens,

de Virgine nasci dignatus est; et procedens homo sine semine, largitus est nobis suam Deitatem.

Nesciens mater Virgo * virum, peperit sine dolore Salvatorem saeculorum: ipsum Regem Angelorum sola Virgo lactabat ubere de caelo pleno.

Cum jucunditate.

Usquequo Domine, oblivisceris me in finem? Usquequo avertis faciem tuam a me?

Quamdiu ponam consilia in anima mea, dolorem in corde meo per diem?

Usquequo exaltabitur inimicus meus super me? Respice, et exaudi me, Domine Deus meus.

Illumina oculos meos ne umquam obdormiam in morte: nequando dicat inimicus meus: Praevalui adversus eum.

Qui tribulant me, exsultabunt si motus fuero: ego autem in misericordia tua speravi.

Exsultabit cor meum in salutari tuo: cantabo Domino qui bona tribuit mihi: et psallam nomini Domini altissimi.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Judica me, Deus, et discerne causam meam de gente non sancta, ab homine iniquo, et doloso erue me.

Quia tu es, Deus, fortitudo mea: quare me repulisti? et quare tristis incedo, dum affligit me inimicus?

Emitte lucem tuam et veritatem tuam: ipsa me deduxerunt, et adduxerunt in montem sanctum tuum, et in tabernacula tua.

Et introibo ad altare Dei: ad Deum, qui laetificat juventutem meam.

Confitebor tibi in cithara Deus, Deus meus: quare tristis es anima mea? et quare conturbas me?

Spera in Deo, quoniam adhuc confitebor illi: salutare vultus mei, et Deus meus.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Saepe expugnaverunt me a juventute mea, dicat nunc Israel.

Saepe expugnaverunt me a juventute mea: etenim non potuerunt mihi.

Supra dorsum meum fabricaverunt peccatores: prolongaverunt iniquitatem suam.

Dominus justus concidit cervices peccatorum.

Confundantur, et convertantur retrorsum omnes qui oderunt Sion.

Fiant sicut fenum tectorum: quod priusquam evellatur exaruit.

De quo non implevit manum suam qui metit, et sinum suum qui manipulos colligit.

Et non dixerunt qui praeteribant: Benedictio Domini super vos: benediximus vobis in nomine Domini.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Domine, non est exaltatum cor meum: neque elati sunt oculi mei.

Neque ambulavi in magnis, neque in mirabilibus super me.

Si non humiliter sentiebam: sed exaltavi animam meam.

Sicut ablactatus est super matre sua, ita retributio in anima mea.

Speret Israel in Domino, ex hoc nunc et usque in saeculum.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Cum jocunditate memoriam beatae Mariae celebremus, ut ipsa pro nobis intercedat ad Dominum Jesum Christum. (Alleluja).

Ego mater pulchrae dilectionis, et timoris, et agnitionis, et sanctae spei.

Deo gratias.

Sub tuum praesidium.

Nunc dimittis ✠ servum tuum, Domine, secundum verbum tuum in pace:

Quia viderunt oculi mei salutare tuum,

Quod parasti ante faciem omnium populorum,

Lumen ad revelationem gentium, et gloriam plebis tuae Israel.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum. Amen.

Sub tuum praesidium confugimus, sancta Dei Genitrix: nostras deprecationes ne despicias in necessitatibus nostris, sed a periculis cunctis libera nos semper, Virgo gloriosa et benedicta. (Alleluja).

Gratiam tuam, quaesumus, Domine, mentibus nostris infunde: ut qui, Angelo nuntiantes, Christi Filii tui Incarnationem cognovimus; per passionem ejus et crucem, ad resurrectionis gloriam perducamur. Per eumdem Dominum nostrum Jesum Christum, Filium tuum: Qui tecum vivit et regnat in unitate Spiritus Sancti Deus: per omnia saecula saeculorum.

Amen.

Virgo Maria, non est tibi similis orta in mundo inter mulieres: florens ut rosa, fragrans sicut lilium: ora pro nobis, sancta Dei Genitrix. (Alleluja).

Beatae et gloriosae semperque Virginis Mariae, quaesumus, Domine, intercessio gloriosa nos protegat: et ad vitam perducat aeternam. Per Christum, Dominum nostrum.

Amen.