3. Oratio ad compatiendum Christo et dilectae matri eius

Le Lecto genua mea ad te, Domine Iesu Christe, quem pro me in cruce cerno suspensum. Saluto te, o veneranda imago crucifixi Domini mei Iesu Christi, cuius sanguine redemptus sum de manu inimici. Salve Salvator mundi, qui hanc amarissimam mortem pro me sustinuisti. Peto te, dulcissime Iesu, praesta mihi secundum multitudinem misericordiae tuae tibi.in omnibus poenis compati nec non sanctissimae matris tuae doloribus intimo cordis affectu condolere et cum beatissimo Iohanne apostolo largiter sub cruce flere. Etenim solaciosum mihi nunc fore scias, si possem etiam exteriores lacrimas prae magnitudine compassionis coram imagine crucis tuae fundere, qui pro me pretiosum sanguinem abunde saepius effudisti.

Sed quia a te omne donum, bonum imple hoc desiderium meum ad honorem tuum, ut et memoria sacratissimae passionis tuae cumsingulari recordationegloriosaematris tuae adiuncto semper carissimo discipulo tuo Iohanne, eiusdem fidelissimo custode, ex hac hora et deinceps in me ferventius accendatur, copiosius dilatetur, intimius sentiatur, perfectius moribus et vita teneatur. Sit insuper crucifixio tua speculatio mea, dolor matris tuae consolatio mea, fletus sancti Iohannis intercessio mea. sNonsitsine interna compassione mentis aspectus mortis tuae tam deformis. Quotienscumque igitur tuam passionem recolo, aut figuratum in cruce video, da hoc interius cordi meo sentire, quod multis devotis dedisti experiri. Qui vivis et regnas Deus per omnia saecula saeculorum. Amen.