The.xiii. chapiter

Thauthor sheweth yt vntowarde mīd of many mē / which in miracles so hyely touchyng ye honor of god & wele of theyr own soulys / wyll neyther beleue other folk yt tell thē / nor thē self vouchsafe to go preue thē. BUt syth yt thys kynde of profe wyll not suffyse you / I dare say if ye wold seke & enquere / ye shuld fīde many done in your days in ye presence of mych peple. wher shuld I se y• q he? ye myght q I vppō good friday euery yere this.ii.C. yere till wtin this.v. yere yt the turkys haue take the town / haue sene one of ye thornys yt was in Crystꝭ crown / bud & bryng forth flowrys in ye seruyse tyme / if ye wold haue gon to ye Rodys: So far q he […]ay yet had I leuer haue goddys blessyng to beleeue yt I se not / than go so far therfore. I am well apayd q I therof. for yf ye had leuer beleue than take the payn of a lōg pylgrymage / ye will neuer be so styf in any opynyon yt ye wyll put your self in ieoꝑdy for ꝑtynacy & stoborne stādyng by your parte. No mary q he I warāt you I will neuer be so mad to hold till it wax to hote. For I haue such a fond fansy of myne owne yt I had leuer shyuer & shake for cold in y• myddys of somer / than be burnyd ī y• myddꝭ of winter. Merely sayd q I. but yet in ernest wher such a solemne yerely myracle is wrought so wōdersly in the face of the world before so gret a multytude / it is a gret vntowardnes in a thīg so hyly touchyng ye honor of god & helth of our own soule / both to mistrust all thē yt sey they haue sene it / & eyther of slouth or incrudelyte not vouchsafe hym self to proue it. If I shuld haue gon quod he & foūd it a ly / thā had I walkyd a wyse iorney. & ō ye tother side if I shuld haue sene ther such a thing my self / yet coud I scantly rekē my selfe sure. No q I yt were a strange case. Not very strange q he. For where ye speke of myracles done before a multyrude / a man may be dysseyuyd therin ryghte well.