Of the dispysynge of worldly glorye

ALl prayse of people and all erthly glorye he reputed vtterly: for nothyng but in y• renayeng of this shadowe of glory / he laboured for very glorye / which euer more foloweth vertue as an vnseparable seruaunt / he sayd that same often tymes dyd hurte to mē while they lyue / & neuer good whan they be deed / so moche onely set he by his lernȳge in how moche he knewe that hit was profytable to y• chyrche & to y• extermynation of errours. And ouer that he was come to that prycke of perfyte humilite that he lytell forced wyther his workes went out vnder his owne name or not so that they myght as moche profite as yf they were gyuen oute vnder his name. And nowe set he lytel by ony other bokes saueouely y• bible / in y• onely studi of which: he had appoynted hym selfe to spende the resedewe of his lyfe / sauynge that y• cōmune profyte pricked him whā he cōsydered so many & so grete werkes as he had cōceyued & longe trauayled vnpon howe they were of euery man by and by desyred and loked after.