what he hated & what he loued

THere was nohyng more odiouse nor more intoliberable to hȳ than as (horace sayth) ye proud palaces of stately lordes / weddynge and wordly besynes / he fled almoost a lyke: notwithstondynge whan he was axed ones in sporte whyther of those two burdeynes semed lyghter & whiche he wolde chese yf he sholde of necessite be dryuen to that one and at his elec[…]n: whiche he stiked thereat a wyle but at ye last he shoke his heed and a lytell smylyng he answered yt he had leuer take hȳ to maryage / as ye thynge in whiche was lesse seruytude & not so moche ieoperdy / lyberte aboue all thynge he loued to which both his owne natural affeccon & ye study of phylosophy enclyned hym: & for yt was he alwaye wāderyng & flytynge & wolde neuer take hym sefe to ony certayne dwellynge.