Of his liberalite & contempt of rychesse

LIberalite onely in hym passed measure for so ferre was he from y• begȳnyng of ony diligēce to erthely thynges that he semed somwhat be[…]prent with the frekyll of negligence / his frendes oftentymes admonysshed hym that he sholde not all vtterly dispycerychesse / shewynge hym y• hit was his dishoneste and rebuke whan it was reported (were it treue or false) that his negligence & settyng nought by money gaue his seruauntes occasyon of disceye & robbry Neuertheles that mynde of his: (which euermore on hyghe cleued fast in cōtēp[…]acion & in thenserchynge of natures counsel) coulde neuer let downe hit selfe to y• cōsideracion and ouerseynge of these base abiecte and vyle erthly tryfles. His hygh stuarde came on a tyme to hym & desyred hym to receyue his accomt of suche money as he had in many yeres receyued of his: and brought forth his bokes of rekenynge. Picus answered hym in this wyse / my frende (sayth he) I knowe well ye haue mought oftentimes and yet may desceyue me and ye lyst / wherfore the examinacyon of these expēses shall not nede. There is no more to do / yf I be ought in your det I shall pay you by & by / yf ye be in myn pay me / eyther now yf ye haue hit: or here after yf ye be now not able.