How moche he set more by deuceyon then connynge

THe lytell affeccyon of an olde man or an olde woman to godwarde (were it neuer so small) he set more by: thē by all his owene knowlege aswell of naturall thynges as godly. And oftentymes in communicacyon he wolde admonysshe his familyar frendes how gretly these mortall thynges bowe and drawe to an ende howe slyper & how fallynge hit is y• we lyue in now: how ferme how stable it shall b[…] y• we shal here after lyue in / whether we be throwen downe in to hell or lyfce vp in to heuen. Wherfore he exhorted thē to turne vp theyr myndes to loue god which was a thynge farre excellynge all the cōnynge y• is possible for vs in this lyfe to obtaine. The same thynge also in his boke whiche he entytled de ente et vnolyghtsomely he treateth where he interupteth y• course of his dispicion and turnynge his wordes to Angelꝰ Politianus (to whom he dedycateth that boke) he wryteth in this wyse. But now beholde o my welbeloued Angell what madnes holdeth vs. Loue god (while we be in this body) we rather maye: than eyther knowe hym or by speche vtter hym. In louyng him also we more profyte our selfe / we laboure lesse & serue hym more / & yet had we leuer alwaye by knowlege neuer fynde y• thynge that we seke: then by loue to possede y• thynge: whiche also without loue were in vayne founde.