Lettre CCLXXVI. (ndlr : Cette Lettredoitêtre Remplacée par la Suivante. Voir Notes 25,26)

A LA BARONNE DE CHANTAL

Plus la croix est grande, moins elle pèse. - Pieux souhaits, ardentes aspirations à propos d'une " image devote ".

La Roche, fin février 1605. Madame,

J'ay tant de suavité au desir que j'ay de vostre bien spirituel que tout ce que je fay sous ce mouvement ne me sçauroit nuire. Vous me dites que vous portes tousjours vostre grande croix, mais qu'elle vous pese moins parce que vous aves plus de force. 0 Sauveur du monde, que voyla qui va bien ! Il faut porter sa croix ( Lc 14,27 ); quicomque la portera plus grande se treuvera mieux. Dieu donques nous en veuille donner des plus grandes, mais qu'il luy playse nous donner des grandes forces pour les porter. Or sus donques, courage : Si vous aves confiance vous verres la gloire de Dieu ( Jn 11,40 ).

Je ne vous respons pas maintenant, car je ne sçaurois; je ne fay que passer legerement sur vos lettres. Je ne vous envoyeray rien a present pour la reception du tres saint Sacrement; si je puis, ce sera a la premiere commodité.

Je vis un jour une image devote : c'estoit un cœur sur lequel le petit Jesus estoit assis . 0 Dieu, dis je, ainsy puissies vous vous asseoir sur le cœur de cette fille que vous m'aves donnee et a laquelle vous m'aves donné. Il me playsoit en cette image que Jesus estait assis et se reposoit, car cela me representoit une stabilité et me playsoit qu'il y estoit enfant, car c'est l'aage de parfaitte simplicité et douceur. Et communiant au jour auquel je sçavois que vous en faysies de mesme, je logeois par desir ce beni Hoste en cette place et chez vous et chez moy.

Dieu soit en tout et par tout beni, et veuille se saysirde nos cœurs es siecles des siecles. Amen.

Vostre serviteur tres dedié es entrailles de Nostre Seigneur,

FRANÇS, E. de Geneve.

A la Roche, le .. febvrier 1605 .