Lettre DCCXCIX. Au Marquis de Lans

Rentré à Annecy, l'Evêque de Genêve rend compte de ses négociations dans le pays de Gex. - Eloge d'un commissaire. - Sentiments des Genevois.

Annecy, 2 août 1612.

Monsieur,

Ayant esté remis en la possession de toutes les eglises de Gex (note 319) qui estoyent occupees par les ministres , hormis de celles que ceux de Geneve detiennent , pour le regard desquelles j'ay esté renvoyé au Conseil du Roy de France, je suis revenu a mon ordinaire residence, en laquelle je vous salue tres humblement et vous supplie me conserver lhonneur de vostre bienveuillance.

Le commissayre deputé pour me mettre en ladite possession est un simple conseiller de la cour de Parlement de Digeon , qui vint luy troysiesme ; et neanmoins, s'est fort bien sceu fair'obeir, non obstant toutes les allegations et repugnances des heretiques. Ceux de Geneve ont esté estonnés et marri (sic) qu'on ayt mis en compromis la restitution des biens quilz tiennent dans la souveraineté de France, et n'ont pas manqué d'avancer que Son Altesse les traittoit mieux pour ce regard.

Rien autre ne s'est passé qui soit digne de vous estre representé ; c'est pourquoy, priant Nostre Seigneur quil vous face de plus en plus abonder en sa grace, je me nommeray en toute verité,

Monsieur,

Tres humble et tres affectionné sèrviteur

de Vostre Excellence,

FRANÇs, E. de Geneve.

2 aoust 1612, a Neci. A Son Excellence.

A Chamberi.

Revu sur l'Autographe conservé à Turin, Archives de l'Etat.