Lettre DCCXCIII. Au Duc de Savoie, Charles-Emmanuel 1er

Recommandation en faveur d'un gentilhomme offensé qui demande justice.

Annecy, 30 juin 1612.

Monseigneur,

Ce gentilhomme, qui a en ce païs plusieurs alliés dignes de recommandation, recourt a la justice de Vostre Altesse Serenissime pour tirer rayson d'un homme qui est maintenant a Thurin, des-ja remarqué pour desloyal , ainsy qu'on luy a fait entendre. Et bien que la justice ne soit desniee a personne, si est ce que, si Vostre Altesse le reçoit en sa speciale protection pour ce regard, il espere qu'il jouira beaucoup plus tost des fruitz qu'il en pretend ; et pour cela, il implore sa bonté, a quoy j'adjouste ma tres humble intercession, qui suis,

Monseigneur,

Tres humble, tres obeissant et tres fidele

orateur et serviteur

de Vostre Altesse Serenissime,

FRANÇs. E. de Geneve.

A Son Altesse Serenissime. 30 juin 1612, a Neci.

Revu sur l'Autographe conservé à Turin, Archives de l'Etat.