Lettre MLXXVII. À la Même, a Lyon

Acquiescement de François de Sales à la volonté de Dieu, - Nouvelles de son propre cœur.

Annecy, 16-18 mai 1615 .

Ma tres chere Mere,

Ce mot part a l'impourveu pour saluer vostre chere ame, que je cheris comme la mienne propre ; aussi l'est elle en Celuy qui est le principe de toute unité et union.

Je ne veux pas nier que je ne sois marri de vostre fievre ; mays ne vous mettes nullement en peyne de ma peyne, car vous me connoisses : je suis homme pour souffrir, sans souffrir, tout ce qu'il plaira a Dieu faire de vous comme de moy. Helas ! il ne faut point faire de replique ni de fleschissement. Je confesse devant le Ciel et les Anges que vous m'estes pretieuse comme moy mesme ; mays cela ne m'oste point la tres resolue resolution d'acquiescer pleinement en la volonté divine. Nous voulons servir Dieu en ce monde, icy et la, de tout ce que nous sommes ; s'il juge mieux que nous soyons en ce monde ou en l'autre, ou tous deux, sa tressainte

volonté soit faite ( Mt 6, 10 ; 26, 42 ) .

…………………………………………………………………………………..

Je ne vous diray rien davantage, sinon que je me porte mieux, et que mon cœur va mieux qu'il n'est pas allé il y a long tems; mais je ne sçai pas si sa consolation vient des causes naturelles ou de la grace.

Dieu soit a jamais au milieu de vostre cœur, pour le remplir de son saint amour. Amen. VIVE JESUS ! Ma tres chere Mere, je suys, comme vous sçaves vous mesme, tous-jours plus tout a fait vostre.

FRANçs, E. de Geneve.