Lettre MCCCXIII. Au Prince de Piémont, Victor-Amédée ( L7, Note 129 )

Recours à l'intervention du prince pour obtenir la confirmation des privilèges de la ville d'Annecy .

Annecy, 26 mai 1617.

Monseigneur,

Cette petite ville d'Annessi recourant a Son Altesse pour la confirmation de ses privileges, a toute son esperance en vostre bonté. C'est pourquoy elle l'implore de toutes ses forces ; et moy, Monseigneur, j'accompaigne d'autant plus hardiment sa supplication, que Vostre Altesse me tesmoigna lhors qu'elle estoit de deça , qu'elle nous favoriseroit tous en cett'occasion. Et je le croy, Monseigneur, puisque vostre debonaireté se plait aux bienfaitz, et particulierement envers les peuples fideles, obeissans et affectionnés a la coronne de Son Altesse, tel que je puis attester estre celuy ci, qui, outre cela, a grand besoin d'estre en quelque sorte allegé.

Ainsy nous prions tous Dieu qu'il benisse, conserve et prospere Vostre Altesse, delaquelle je vivray a jamais,

Monseigneur,

Tres humble, tres obeissant et tres fidele

orateur et serviteur,

FRANÇs, E. de Geneve.

Annessi, 26 may 1617.