Lettre MCCCXXXI. À la Mère de Chantal

Une postulante attendue à Sainte-Catherine et qu'il faut recevoir à la Visitation. - Madame du Puits-d'Orbe en route pour Annecy. - Trempe d'esprit de l'Abbesse. - Le Saint offre son logis pour la voyageuse. - Malades corporelles et malades spirituelles.

Thonon, vers le 8 juillet 1617 .

Ma tres chere Mere,

M. le Premier et M. de la Valbonne m'escrivent d'un'affection si extraordinaire pour Mlle de Beauvilars, que j'ay creu ne pouvoir ni devoir l'esconduire , attendu que ce bon seigneur peut et veut tant favoriser nostre mayson d'Annessi en toutes les occurrences esquelles la Congregation en pourra avoir besoin. Vous verres, sil vous plait, la lettre que j'escris et celles que j'ay receues, par lesquelles, je pense, vous connoistrés que nous ne pouvons pas gauchir.

Je voy bien qu'a Sainte Catherine , ou on gardoit la place, j'auray a m'excuser, puisque mesme la chere fille s'estoit desfaite de tout autre besoigne pour avoir le soin de cette fille ; mays j'auray plus tost accommodé cela que mon esprit, si en chose qui se peut j'avois despleu a monsieur le premier Prcesident. Dieu, ce crois-je, convertira ceci en bien, et si la fille sçait lire et escrire, et qu'elle soit si bien conditionnee qu'on dit, l'incommodité ne sera pas si grande. Monsieur le Curé de Bons , qui connoit M. de Beauvilars , en dit beaucoup de bien.

Maysvoyla un' autre affaire. Mme du Puys d'Orbe vient , et je ne puis nullement quitter les affaires que j'ay icy sur les bras, qui sont publiques et pour ma charge. Et encor, si un jour suffisoit a voir cette fille, je m'efforcerois de courir jusque la et revenir; mays, comme vous sçaves, cet esprit est malaysé a s'ouvrir, il y va des jours et des jours. Ma pauvre tres chere Mere, ma vie (je vous asseure que je pensois escrire ma mie, mais il ne va pas mal ainsy) ; je dis donq, ma tres chere Mere, escrives moy ce que je pourray et devray faire, a vostre advis.

Mays, mon Dieu, cette pauvre fille que j'ayme tant , a grand tort, ce me semble, d'avoir veu M. de Sauzea a Lyon ; car, quand il seroit un saint, puisque M. le Premier et M. le Baron d'Origni l'aborre (sic) si fort, ne failloit il pas s'abstenir de cette veüe ? Or bien, il ny a remede; c'est pour cela que Dieu donne ces affections paternellement maternelles, affin qu'on se degouste point de servir ces enfans emmi leurs enfances.

Au reste, serves vous absolument de nostre logis pour la recevoir et de tout ce qui y est, sil vous semble bon de la faire loger la. En somme, je ne sçai que vous dire ; vous sçaves mon cœur comme le vostre propre, faites ce que vous verres. 0 si la petite mayson de M. le fiscal estait desembarassee, il y aurait commodité ; au moins, moins d'incommodité.

Voyla aussi cett'autre fille de Bons qui peut estre viendra : voyla bien du tracas. Tout se convertira en bien, et la peine de l'enfantement estant passee, on se res-jouira du bien qui demeurera. La multitude des occasions de bien faire tient quelquefois lieu de croix, mais cet (sic)

pourtant la croix la plus douce. Les convulsions des enfantemens, les tranchees, les douleurs sont fascheuses; les steriles, pourtant, les prefereroit

(sic) a la tristesse de la sterilité.

Nos malades m'ont fait une grande consolation de guerir ( note 94 ), et ces malades spirituelles nous en feroyent encor un (sic)

plus grande si elles guerissoyent. On ne peut pas aymer sans travail, mais le travail est aymable quand on ayme ( S.Aug De bono Viduit 21 ).

…………………………………………………………………………………..

Ce qui me tient en peine pour le fait de la fille de la petite seur , c'est que je l'ay oüie en confession et la fille de chambre aussi, et bien que de ce coste la je ne sache chose au monde de ce qu'on dit, si est ce quil faut eviter qu'on le puisse penser. Dieu me conduira, car j'ay cela bien a cœur.

Revu sur l'Autographe conservé à la Visitation du Mans,