Lettre MDXXV. Au Prince de Piémont, Victor-Amédée

Une dame d'honneur de la princesse de Piémont retenue à Paris.

Paris, 19 juin 1619.

Monseigneur,

La bonne madame de Saint George fait elle mesme par lettre ses excuses a Vostre Altesse, dequoy elle ne s'est peu mettre en chemin pour suivre Madame ; mays elle n'a pas l'asseurance de nommer la cause de son retardement, par ce qu'elle est extraordinaire pour elle qui, n'ayant peu devenir grosse en tant d'annees de son mariage, a rencontré ce contentement en celle ci, comme plus heureuse pour la benediction des noces. Et d'autant qu'elle m'a prié de l'escrire a Vostre Altesse, je l'ay fait, Monseigneur; suppliant encor pour moy vostre bonté de se resouvenir que je ne suis plus icy, il y a quelques moys, que pour y attendre les commandemens qu'elle me fera au retour de M. Carron , puisqu'elle me l'a ordonné, et qu'en tout je veux vivre,

De Vostre Altesse, Monseigneur,

Le tres humble, tres obeissant et tres fidele

orateur et serviteur,

FRANÇS, E. de Geneve.

Paris 19 juin 1619