Lettre MDXXXII. Au Prince de Piémont, Victor-Amédée

Remerciements et soumission. - Le duc et la duchesse de Nemours.

Paris, 4 juillet 1619.

Monseigneur,

Je remercie tres humblement Vostre Altesse du soin qu'il luy a pleu de prendre de m'advertir du retour de monsieur Carron , et attendray cependant les commandemens qu'elle me fera pour les affaires qui regardent Monsieur le Duc de Nemours , qu'on m'asseure devoir revenir icy samedi avec Madame sa femme, que l'on dit estre grosse .

Dieu, par sa bonté, prosperera parfaitement Vostre Altesse, Monseigneur, sil luy plait exaucer les vœux de

Vostre tres humble et tres obeissant orateur

et tres fidele serviteur,

FRANçs, E. de Geneve.

A Paris, le 4 julliet 1619.

Monseigneur, j'ay veu madame de Saint George de la part de Vostre Altesse, a qui elle bayse tres humblement les mains et luy fait la reverence, avec action de graces de la souvenance qu'ell' a eu d'elle.

Revu sur l'Autographe conservé à Turin, Archives de l'Etat.