Lettre MDCCXLIV. À M. Claude Frémyot

Deux raisons qui font espérer à François de Sales la bienveillance du destinataire. - Sollicitation en faveur de M. de la Tour d'Arerex.

Annecy, .3 janvier 1621.

Monsieur,

L'honneur que j'a y eu d'avoir esté aymé de feu monsieur vostre pere et de toute vostre famille me tient a jamais obligé a vostre service, outre le respect que vos merites exigent de moy. Et sur ce mesme fondement, j'ay une ferme esperance que vous me favoriseres de vostre bienveüillance, ainsy que tres humblement je vous en supplie, me resjouissant de tout mon cœur de vous sçavoir au rang ou vous estes en la cour, comme en un chemin par lequel, moyennant la grace de Dieu, vous arriveres un jour aux honneurs ausquelz l'exemple de vos predecesseurs et vostre vertu vous doyvent faire justement aspirer. Et avec cette occasion, je vous fay une tres humble recommandation des droitz de monsieur de la Tour d'Arrerex, present porteur, le bien et les affaires duquel je dois affectionner pour plusieurs raisons ; qui suis de tout mon cœur et seray toute ma vie,

Monsieur,

Vostre tres humble et tres affectionné serviteur,

FRANÇs, E. de Geneve.

3 janvier 1621.

A Monsieur

Monsieur Fremyot,

Conseiller du Roy au Parlement de Bourgongne.

Revu sur un fac-similé conservé à la Visitation d'Annecy.