Lettre MDCCLXIX. À une Supérieure de la Visitation

L'éducation des petites filles incompatible avec la manière de vie des Religieuses de la Visitation. - Combien en prendre, si l'Evêque le commande.

Lyon, 25 mars 1621.

Sera-il point mieux de ne point vous escrire tout a fait, ma tres chere Fille, que de vous escrire si peu, comme l'accablement des honneurs et faveurs que je reçois icy me le peut permettre ? Mais, mieux vaut peu que rien tout a fait.

Je ne puis croire que Monseigneur l'Evesque N. veuille vous charger de l'education des filles seculieres, quand vous luy aures fait humblement remonstrer que cela detraqueroit grandement vostre Mayson, nullement propre a rendre cet office ; car a la verite, l'experience a fait voir a Nessy que vostre façon de vivre est presque incompatible avec cet exercice . Mais si toutefois son esprit se rend grandement ardent a cela, on pourra, a ce commencement, en prendre jusques a trois seulement, et establir une des Seurs sur elles ; mais nullement davantage, ni pour l'avenir en faire suite. Vostre Pere spirituel, vostre Confesseur et ces bons Peres qui sont la et qui ont de la charite pour vostre Mayson, pourront, avec suavite, divertir ce destourbier la.

Cependant, ma tres chere Fille, tenes vostre courage en Dieu, vives saintement en sa Providence, resjouisses vous d'avoir quelque chose a porter pour luy, car en cela consiste le vray estat des enfans de sa Bonte. En fin, ma Fille, je suis tout vostre.

FRANçs, E. de Geneve.

A Lion, le 25 mars 1621.