Lettre MDCCLXXXVIII. À la Mère de Chantal, a Paris

On ne peut avoir les mérites du Calvaire avec les consolations du Thabor. - Aversion de l'Evêque de Genève pour les procès. - L'exemple de Jésus-Christ. – " Corniches dorees pour une image de papier. " - Unité en Dieu.

Annecy, commencement de mai 1621 .

Ma tres chere Mere,

…………………………………………………………………………………………….

Voyla que j'escris a ma tres chere fille , selon mon veritable sentiment. C'est la verité : on parle perpetuellement d'estre enfant de l'Evangile, et personne presque n'en a les maximes entierement en l'estime qu'il faut. Nous avons trop de pretentions et de desseins, nous voulons trop de choses : nous voulons avoir les merites du Calvaire et les consolations de Thabor tout ensemble, avoir les faveurs de Dieu et les faveurs du monde.

Playder ! o vrayement, je ne le veux nullement. A celuy qui te veut oster ta robe, donne luy encor ta tunique (Mt 5,40 ; Lc 6,29). Que pense elle ? Quatre vies des siennes ne suffiroyent pas pour terminer son affaire par voye de justice. Qu'elle meure de faim et de soif! De justice, car bienheureuse sera elle (M5 5,6).

Est il possible que ses seurs ne lui veuillent rien donner ? Mais si cela est, est il possible que les enfans de Dieu veuillent avoir tout ce qui leur appartient, leur Pere Jesus Christ n'ayant rien voulu avoir de ce monde qui luy appartient ? O mon Dieu, que je luy souhaite de biens, mais sur tout la suavité et la paix du Saint Esprit, et le repos qu'elle doit avoir en mes sentimens pour elle ; car je puis dire que je sçay qu'ilz sont selon Dieu, et non seulement cela, mais qu'ilz sont de Dieu. Qu'est il besoin de tant d'affaires pour une vie si passagere, et de faire des corniches dorees pour une image de papier ? Je luy dis paternellement mon sentiment, car je l'ayme, certes, incroyablement ; mais je le dis devant Nostre Seigneur, qui sçait que je ne mens point ( 2 Co 11,31 ; Ga 1,20 ).

………………………………………………………………………………………..

Que vous diray je plus ? Rien autre, ma tres chere Mere, sinon que je cheris incomparablement vostre cœur, et comme le mien propre, si mien et tien se doit dire entre nous, ou Dieu a establi une tres invariable et indissoluble unité, dont il soit eternellement beni. Amen.