Lettre MDCCXCVI. Aux Consuls et aux Habitants de Montferrand

Sur la demande des consuls, l'Evêque de Genève condescend à laisser encore à Montferraod la Mère Favre, mais sans vouloir s'engager pour toujours.

Annecy, 21 mai 1621

Messieurs,

Je respons a vostre lettre, et correspons, autant que je le puis, a vos desirs, vous asseurant que je laisseray le plus long tems que le service de Dieu me le permettra ma Seur Marie Jacqueline Favre au monastere ou, par vostre pieté, elle se treuve maintenant, et ou je suis grandement consolé qu'elle employe les graces que la divine Providence luy departira. Que si je pouvois vous dire que ce sera pour toute sa vie, je le ferois volontier pour contenter vostre zele et celuy de tant d'ames qui se consolent avec elle ; mais vous vous imagineres bien quelles occasions peuvent se presenter pour la retirer et destiner ailleurs, selon que la gloire de Celuy auquel elle est vouee le requerra.

Je vous le souhaite tous-jours propice, et a toute vostre honnorable ville, Messieurs; je suis en luy,

Vostre tres humble et tres obeissant serviteur,

FRANÇs, E. de Geneve.

A Annessi, le 21 may l621.

A Messieurs les Consulz et habitans de Montferrand.