Lettre MDCCXCV. Au Prince de Piémont, Victor-Amédée

Mme de Charmoisy désire envoyer son fils à Paris pour affaires. - Elle en sollicite l'autorisation du prince par l'intermêdiaire de l'Evêque de Genève.

Annecy, 18 mai 1621,

Monseigneur,

Non seulement la tres humble sujettion a Vostre Altesse Serenissime que la nature a imposee au sieur de Charmoysi par sa naissance, mais le soin qu'il a pleu a Vostre Altesse, par sa bonté, de tesmoigner pour luy et l'honneur de tant de faveurs qu'il en a receües ( L9, note 209 ), obligent madame de Charmoysi, sa mere, et ses parens a ne point disposer de sa personne sinon avec la permission et l'aggreement de Vostre Altesse.

C'est pourquoy, Monseigneur, laditte dame ayant quelques affaires a Paris, et estant conseillee d'y envoyer plus tost son filz que d'y aller elle mesme pour les conclure, ell'en demande les commandemens de Vostre Altesse Serenissime, sous lesquelz et elle et son filz veulent a jamais vivre en tres humble sousmission et obeissance . Et si Vostre Altesse l'a aggreable, tandis que son filz sera la, il employera les heures qui luy resteront apres ses affaires aux exercices convenables a sa condition, affin qu'a son retour il ne soit pas treuvé moins capable de l'honneur et du bonheur qu'il a d'estre tous-jours au service particulier de la personne de Vostre Altesse.

Et parce que la mere et le filz m'ont choysi entre tous leurs parens pour en faire la supplication a Vostre Altesse, avec eux je la fay en toute humilité et reverence, comme estant,

Monseigneur,

Vostre tres humble, tres obeissant et tres fidele orateur et serviteur,

FRANçs, E. de Geneve.

Annessi, le XVIII may 1621.

A Monseigneur Monseigneur le Serme Prince de Piemont.

Revu sur l'Autographe appartenant à Mlle Adelaïde Vuÿ, à Carouge (Genève).