Ex epistola XLV. Castoriensis ad Abbatem de Pontchateau

Exegesim Fidei catholicæ, quam composuit illustrissimus Episcopus Condomensis, cum magnà voluptate legi : undè etiam uni domesticorum meorum, qui est vir magni ingenii, et tùm Gallicae tùm Batavicae linguae valdè peritus, eam dedi in nostrum idioma vertendam, quod populo mihi credito non inutile futurum spero. Converteremus hic eumdem librum in linguam latinam, nisi forsan illustrissimus Episcopus istam versionem ipse vellet adornare ; quod tanto elegantiùs ipse perficeret, quantô latinum ejus eloquium puritati gallici sermonis propiùs accedit. Crastinà die denuò legam istam Exegesim, et videbo si quid sit quod mutatum vellem : tibi istud proximo cursore indicabo.¹

Relegi Expositionem Fidei catholicæ, quam composuit illustrissimus Episcopus Condomensis. Ut mihi valdè placuit cùm eam ante annos legerem, ità nunc repetita ejus lectio me singulari affecit voluptate, spemque praebuit quòd ista Expositio tùm catholicis, tùm acatholicis nostri Relgii foret utilissima, si verteretur in linguam latinam, nostramque vernaculam. Haec versio jam inchoataest et brevi absolvetur. Illam aggrediemur, si eruditissimus Episcopus non decrevit ipse eam adornare, quod ex te scire desidero.Vellem etiam illum consuleres nùm pagina 27 et 28 non sint aliqua mutanda aut illustranda. Etenim videtur illic primo supponi inutiles