Lettre CDL. Au Même

Le Saint voudrait savoir de son ami les intentions de Henri IV à son égard.- Diverses raisons persuadent l'Evêque d'attendre sans inquiétude la suite des évènements ; il. ne vent que la volonté- de Dieu. - Témoignages d'amitié. - Message pour Mgr de Montpellier.

Monsieur,

Annecy, 6 mai 1608.

Je jette cette feuill' a part affin de vous y parler avec plus de liberté et vous en laisser aussi pour monstrer ma lettre, sil y escheoit. Vous verres donq, si! vous plait, la lettre que j'escris au Roy, et, sil vous semble a propos, vous la luy donneres, ou si vous juges autrement, vous pourres en parler a Sa Majesté vous mesme a vostre gré, car en ceci j'ay grandement besoin de vostre conduite.

Je n'ay pas creu, sur une proposition si generale comm'est celle que Sa Majesté me fait faire, de me devoir resoudre ; car il se pourroît bien faire que venant a joindre et a voir le lieu ou l'occasion en laquelle on me voudroit tirer, que je me treuverois tout a fait insuffisant au service que l'on praetendroit de moy, ou quil ne seroit pas expedient que je me misse au change, dautant que les changements, a mon advis, sont tous-jours dignes de consideration pour ceux qui ne sont pas mal. Si le sujet n'en est grand et digne, on est blasmé de legereté, et l'attirail en est tous-jours de grands frais; car il faut un peu tout dire avec vous qui aves mon cœur en main.

Apres tout cela, vous sçaves que sans l'authorité du Pape, je ne puis nullement me remuer ; et si, il m'importe que cest' authorité previenne toutes les nouvelles qu'on en pourroit avoir de deça. Vous jugeres bien pourquoy. C'est cela qui me rend tout ceci difficile, car, pour parler en conscience, je ne merite pas l'employte de tant de misteres.

Je sçai que, la chose n'estant pas preste, il.y a asses de tems pour penser a toutes ces choses ; mais encor m'a-il semblé que je vous devois ainsy tout dire naivement, affin que, selon les occurrences, vous m'aydies a prendre les resolutions convenables. Et ce pendant, je demanderay incessamment la clarté du Ciel et diray a Nostre Seigneur: Seigneur, que voules-vous que je face (Ac 4,6) ? car je proteste devant sa souveraine Majesté, que je ne veux vouloir que sa volonté tressainte, soit a demeurer, soit a changer de place. Et si je la sçai connoistre, je ne me veux divertir ni a droite ni a gauche du chemin qu'elle me monstrera; car ce peu de temps que j'ay a passer ne m'est rien au prix de l'eternité. Pour donques laysser entierement la conduite de mon sort es mains de Dieu (Ps 30,16), je ne veux ni refuser ni accepter que je ne voye et considere que c'est.

Au demeurant, je ne doute point que vostre amitié en mon endroit n'aye beaucoup contribué pour amplifier et aggrandir l'estime que le Roy fait de moy, de laquelle, sans mentir, je suis honteux, et en cas que je deusse paroistre a sa veüe, je serois bien en peyne de soustenir cett' opinion. Nostre Seigneur vous conserve et aggrandisse en ses saintes benedictions, et me face la grace de ne point paroistr' ingrat de tant de faveurs que je reçois de vous, ains de tesmoigner par effect que je suis de cœur tout entier,

Monsieur,

Vostre serviteur plus humble et tres fidelle,

FRANçs, E. de Geneve.

6 may 1608.

Monsieur, on me presse de plier ce pacquet. Oseray je donq bien supplier Monsieur le Reverendissime de Montpellier de me conserver ses graces, et sçavoir par ces trois lignes que je suis son tres humble serviteur ? Monsieur, obliges moy de le luy dire, car il est fort vray.

Revu sur l'Autographe conservé au 1er Monastère de la Visitation de Rouen.