Lettre CDLXVIII. À Madame de la Fléchère
Conseils à une femme chrétienne. - L'humeur mélancolique: circonstances qui la favorisent ; nécessité et moyens de la combattre. - Une parole de sainte Angèle de Foligno.
Annecy, 13 juillet 1608.
Madame,
Je n'ay pas respondu ci devant a vostre derniere lettre par ce que je n'ay point rencontré de porteur asseuré, et maintenant je n'ay pas le loysir requis pour vous bien satisfaire. J'ay voulu neanmoins vous escrire pour simplement vous tesmoigner que je prie tous les jours Nostre Seigneur pour vous ; mais je dis d'un'affection toute speciale, le requerant quil vous assiste de ses saintes consolations parmi les travaux que vostre grossesse vous donnera.
Voyes vous, Madame, je m'imagine que l'humeur melancolique se praevaudra de vostre grossesse pour vous attrister beaucoup, et que, vous voyant triste, vous vous inquieteres. Mais ne le faites pas, je vous prie. Si vous vous treuves pesante, triste et sombre, ne laissés pas pour cela de demeurer en paix; et bien quil vous semblera que tout ce que vous ferés se face sans goust, sans sentiment et sans force, ne laisses pour tant pas d'embrasser Nostre Seigneur crucifié, de luy donner vostre cœur et consacrer vostre esprit avec vos affections telles quelles et toutes languissantes qu'elles sont. La bienheureuse Angeline de Foligni (Arnaldus Vita B. Angelae ch 62). disoit que Nostre Seigneur luy avoit revelé quil n'avoit nulle sorte de bien tant aggreable que celuy qui luy estoit fait par force ; c'est a dire, que celuy qu'une volonté bien resolue luy fait contre les alanguissemens de la chair, les repugnances de la partie inferieure, et au travers des secheresses, tristesses et derelictions interieutes. Mon Dieu, ma chere Fille, que vous seres heureuse si vous estes. fidele en vos resolutions, parmi les croix qui se presentent, a Celuy qui vous ayma si fidelement jusques a la mort, et la mort de la croix (Ph 2,8).
J'escriray au premier loysir sur le sujet de vostre lettre derniere (lettre suivante), et a Mme de Mioudri et a Mme de la Forest, vostre bonne seur . Demeures avec Jesus, vives en luy et par luy, qui m'a fait
.
Vostre serviteur tout dedié,
F. E. de G.
XIII jullet 1608, a Neci.
Revu sur l'Autographe appartenant à M. le baron d'Yvoire, château .d'Yvoire, près de Thonon.
Chapter 24 of 210