Lettre CDLVII. Au Père Jean Comes, Religieux Augustin

Différend entre les chanoines du Chapitre de Saint-Pierre et les Augustins de Seysse1; pour le régler, une entrevue est proposée par le Saint. - Assurance d'affectueux dévouement.

Annecy, 24 mai 1608.

Mon Reverend Pere,

Les sieurs chanoynes de mon Eglise s'accommodent fort volontier au desir que j'ay de vous voir bien ensemblement avec eux, par un appointement amiable de tous les differens qui sont entre vous . Il ne reste sinon de convenir du tems, du lieu et des personnes convenables a cett'intention; sur quoy je vous prie m'envoyer quelque proposition et projet, affin que, de nostre costé, nous taschions de concourir a vostre commodité. Et ne doutant point que messieurs vos Religieux n'affectionnent ce parti paysible et plus sortable a nos vocations, je tiens des-ja l'appointement pour fait, bien que, puisque vous le desirés, le proces ne se retarde point encor, lequel neanmoins il sera bien raysonnable de sursoyer quand le jour sera marqué entre nous ; ce qui sera bien tost, si vous nous envoyés vostre intention pour ce regard.

Quant au fermier du prieuré de Sessel , sil a quelque chose a. demesler pour son particulier avec vostre Convent, mon Chapitre n'y peut pas remedier. Que si c'est a rayson de la cure, je puis y donner de l'ordre moy mesme, et le feray tous-jours convenablement quand il vous plaira.

Et pour le regard des paroles desreglees desquelles vous vous plaignés, nos chanoynes nient qu'elles soyent sorties de leur Chapitre, et disent qu'au contraire on leur a donné advertissement que vos Religieux en avoyent asses proferé contr'eux. Mais les causes estant ostees, tous ombrages, soupçons et rapportz cesseront, et, comme nous devons, et. l'un et l'autre des cors s'entretiendront par une sainte charité a cooperer l'un a l'autre pour le service du cors general de Jesuschrist qui est l'Eglise (Col 1,18).

Je me resjouis que vos Religieux ayent pris en bonne part l'advis que je vous donnay ; aussi le devoyent-ilz faire, puisqu'il sortoit d'une poitrine sincerement affectionnee a leur bien et honneur, comme je seray tousjours plein de ce desir. Je prie sa divine Majesté qu'elle nous rende tous dignes .du service auquel nous avons esté appellés, et suis, en ce qui regarde vostre particulier,

Mon Reverend Pere,

Vostre confrere bien humble,

FRANçs, E.de Geneve.

24 may 1608, a Neci.

Au R. P. en N. Sr,

Le P. Maistre Comes, Bachelier en l'Université de Paris.

Aux Augustins de Sessel.

Revu sur l'Autographe appartenant à M. le comte de Maistre,

au château de Bissy, près de Chambéry.