Lettre CDXCV. À Mademoiselle de Traves

Témoignages d'affectueux dévouement. - Ingénieuse manière de demander à une âme chrétienne si elle aime Dieu ; que faire quand on aime bien Dieu.

Annecy, 18 décembre 1608.

Madamoyselle,

Mon frere , qui va la, vous dira peut estre que je vous cheris et honnore bien fort ; mais vous croiries peut estre bien aussi qu'il me feroit ce bon office par charité, et je desire que vous sçachies que c'est mon cœur qui a vrayement ce sentiment-la : c'est pourquoy je l'escris ainsy de ma main et de mon cœur.

Mais dites-moy donq, Madamoyselle, je vous supplie l'amour de Dieu regne-il pas tous-jours en vostre ame ? N'est-ce pas luy qui tient les resnes de toutes vos affections et qui dompte toutes les passions de vostre cœur ? Oh je n'en doute nullement ; mais, Madamoyselle, il faut que vous permetties a un esprit qui vous ayme cherement, de vous demander ce qu'il sçait, pour le playsir qu'il prend d'ouyr dire et redire vostre bonheur. On demande si souvent: Vous portes-vous bien ? encor que l'on voye ceux qu'on interroge en fort bonne santé. Ayés donques aggreable que, sans desfiance devostre vertu et constance, je vous demande par amour : Aymes-vous bien Dieu, Madamoyselle ? Si vous l'aymes bien, vous vous plaires a le considerer souvent, a parler souvent a luy et de luy, a vous reunir souvent a luy au tres Saint Sacrement ; Qu'a jamais puisse-il estre nostre propre cœur, Madamoyselle !

Je suis en luy,

Vostre serviteur bien humble,

FRANçs, E. de Geneve.

18 decembre 1608.