Lettre DXXXVI. À la Baronne de Chantal

Quelques-unes des " mille douces pensees " du saint Evêque pendant qu'il portait le Saint-Sacrement. - Le pectoral de l'ancienne Loi et l'ostensoir eucharistique, - Effusions de piété. -Nouvelles et messages,

Annecy, 18 juin 1609

Mon Dieu, que mon cœur est plein de choses pour vous dire, ma Fille tres uniquement chere, car c'est aujourdhuy le jour de la grande feste de l'Eglise , en laquelle portant le Sauveur a la procession, il m'a, de sa grace, donné mille douces pensees emmi lesquelles j'ay eu peyne de reprimer les larmes. 0 Dieu, je mettois en comparayson le grand Prestre de l'ancienne Loy avec moy, et considerois que ce grand Prestre portait un riche pectoral sur sa poitrine, orné de douze pierres pretieuses, et en iceluy se voyoyent les noms des douze tribus des enfans d'Israel (Ex 28,15). Mais je treuvois mon pectoral bien plus riche, encor quil ne fut composé que d'une seule pierre, qui est la perle orientale que la Mere perle conceut en ses entrailles chastes, de la benite rosee du ciel (Is 45,8) ; car voyes vous, je tenois ce divin Sacrement bien serré sur ma poitrine, et m'estoit advis que les noms des enfans d'Israel estoit (sic) tous marqués en iceluy. Ouy; et le nom des filles specialement, et le nom de l'une encor plus. .

L'espervier et le passereau de saint Joseph me revenoyent en l'esprit ; et me semblait que j'estois chevalier de l'ordre de Dieu, portant sur ma poitrine le mesme Filz qui vit eternellement en la sienne. Ah ! que j'eusse bien voulu que mon cœur se fut ouvert pour recevoir ce pretieux Sauveur, comme fit celuy du gentilhomme duquel je vous fis le conte (TAD 7,12) ; mais helas ! je n'avois pas le couteau quil failloit pour le fendre, car il ne se fendit que par l'amour. Si ay-je bien pourtant eu des grans desirs de cet amour, mais je dis pour nostre cœur indivisible.

Voyla ce que je vous puis dire maintenant, a ce retour de vostte cher et brave neveu , qui a esté si courtoys que d'arrester volontier ces quattr'ou cinq jours avec nous. Il a, a mon advis, beaucoup de l'air de Monsieur l'Archevesque son oncle (André Frémyot.), non seulement au visage mais encor en l'esprit. Je n'ay pas reveu vos lettres pour faire celleci, car j'attens au depart de vostre filz (Bernard de Sales), quil eepere faire mardi prochain.

Bonsoir, ma tres chere Fille, vives toute en Dieu et pour Dieu. Je suis en luy infiniment tout vostre. La chere seur fait tous-jours bien, et 1e reste aussi. Vive Jesus ! Amen.

Je salue bien humblement monsieur de Chantal et luy souhaite tout bonheur et felicité. Et ma petite fille (Marie-Aimée), encor faut-il que je luy envoye un petit bayser d'amourette, puis qu'elle se fie en moy; que sil estoit mal fait, je le luy donnerois pas. Je luy escriray, Dieu aydant, quand son futur l'ira voir, et a ma chere niece (Mlle de Bréchard, note 222) aussi. J'escris sans loysir et tout empressement, car en ces grans jours vous sçaves comme je suis. 0 ma Fille, mon cœur est plus vostre que mien ; a jamais Nostre Seigneur y regne. Amen.

A Madame

Madame la Baronne de Chantal, m. f. (ma fille.)

Revu sur l'Autographe appartenant à M. le vicomte Le Rebours, à Paris.