Lettre DXXIX. Au Duc de Savoie, Charles-Emmanuel 1er

Recommandation en faveur d'un officier sans ressources.

Annecy, 9 mai 1609.

Monseigneur,

Le capitaine La Rose (Lettres 2 note 394) recourt a la bonté de Vostre Altesse pour obtenir d'elle quelqu'ayde a l'entretenement de sa pauvre famille. Et parce qu'il est l'un des plus apparens convertis qui soyent sortis de Geneve, je supplie tres humblement Vostre Altesse de luy estre secourable, comm'elle l'est a tous ceux qui ont leur refuge en sa debonnaireté, tandis que je continueray tous-jours a luy souhaitter le comble des g.races celestes, demeurant,

Monseigneur,

Son tres humble, tres obeissant et tres fidele

orateur et serviteur,

FRANÇs, E. de Geneve.

A Neci 9 may 1609.