Lettre DXXIII. À Monseigneur Pierre Fenouillet Évêque de Montpellier

Le destinataire ayant écrit au Saint une lettre d'affectueuse courtoisie, celui-ci lui envoie l'expression de son respect et de sa confiance.

Annecy, avril 1609 .

Monseigneur,

C'est de tout mon cœur que je vous escris esgalement avec respect et confiance. Celle ci procede de la connoissance que j'ay de la sincerité de vostre bienveuillance en mon endroit, et celuy la de la multitude des riches qualités qui decorent le rang que vous tenes en l'Eglise de Dieu; auquel, bien que je vous aye devancé quant au tems, je vous voy neanmoins si loin devant moy en toute autre façon, que c'est le moins que je veüille et doive faire que d'user exactement d'une reciproque reverence en vostre endroit. Et si vous ne vous esties pas mis a l'extremité du plus haut point d'honneur envers moy, je me fusse essayé de vous en rendre plus que vous ne m'en donnes ; mais il faut que je demeure vaincu, tant parce que vous sçaves tout mieux faire que moy, que d'autant que le lieu d'ou sort l'honneur que vous me faites luy donne un poidz si excessif que je n'ay rien qui le puisse esgaler. Mais c'est assés.

Continués, je vous supplie, Monseigneur, d'aymer celuy qui vous souhaitte toute sorte de bonheur en la grace de Dieu, et qui est, d'une affection inviolable,

Vostre tres humble frere et tres obeissant serviteur,

FRANÇs, E, de Geneve,

Avril 1609.