Lettre DLXXV. Au Duc de Nemours, Henri de Savoie

François de Sales intercède auprès du duc pour obtenir un secours au chanoine-poète Nouvellet.

Annecy, 18 février 1610

Monseigneur,

Le bon monsieur Nouvelet, partie par vraye indigence, partie par une legitime ambition, demande quelque bienfait a Son Altesse . J'appelle son ambition legitime, parce quand il pourrait avoir du secours d'ailleurs, je ne sçai sil le prendroit, au moins n'en aurait-il jamais tel contentement, tant il a a cœur l'honneur de dependre de Son Altesse, a laquelle, comme Vostre Excellence sçait, il est esperduement affectionné. Or, il m'a rendu pour cela intercesseur vers Son Altesse; et sachant bien que sans vostr' intercession, Monseigneur, la mienne sera vayne, il desire que, comme je demande le bienfait a Son Altesse, je supplie aussi Vostre Excellence de le luy impetrer par une favorable recommandation ; et pour marque de sa perseverance au zele quil a a Vostre Grandeur, il vous offre une devise academique .

Je vous supplie donq, Monseigneur, de luy departir vostre faveur, et a moy Ihonneur d'estre par tout et tousjours advoué par

Vostre Excellence, .

Son tres humble et tres obeissant

orateur et serviteur,

FRANÇs, E. de Geneve.

XVIII febvrier 1610, a Neci.

A Son Excellence.

Revu sur l'Autographe conservé à Paris, chez les Prêtres de la Mission.