Lettre MDCXXII. Au Duc de Savoie, Charles-Emmanuel 1er

Reconnaissance impuissante à s'exprimer .

Annecy, 6 mars 1620.

Monseigneur,

Je ne me puis taire sur la nomination de mon frere a ma coadjutorie, car les grans coups de faveur, comme ceux de la douleur, excitent qui que ce soit a parler ; et si, je ne puis rien dire a Vostre Altesse sur ce sujet, qui ne soit grandement au dessouz de mon sentiment. Et pour cela je me contenteray de luy en faire tres humblement la reverence et l'asseurer que, comme elle pouvoit gratifier grande multitude de gens de plus de merite, aussi n'eut elle peu en regarder de plus de fidelité et d'obeissance que mondit frere et moy, qui ne cesseray jamais de louer Dieu de quoy il m'a rendu, par tant de devoirs,

Monseigneur,

Tres humble, tres obeissant et tres fidele orateur

et serviteur de Vostre Altesse Serenissime,

FRANçs, E. de Geneve.

VI mars 1620, Annessi.

Revu sur l'Autographe conservé à Turin, Archives de l'Etat.