Lettre DCCCXCIII. À la Mère de Chantal

(FRAGMENT)

Effusions et souhaits de piété à l'occasion de la fête de saint Jean-Baptiste. Panégyrique du Précurseur.

Annecy, 23 ou 24 juin 1613-1614 ,

Je prie Nostre Seigneur, qui est l'Aigneau que nostre grand saint Jean nous monstra ( Jn 1,29 ), qu'il vous reveste toute de la tres sainte laine de ses merites, ma tres chere Mere, ma Fille. 0 Dieu, quelle admirable pureté de cœur, quelle indifference a toutes choses en cet admirable ange humain, ou homme angelique, qui semble n'aymer quasi pas son Maistre pour l'aymer davantage et plus purement. Je ne sçay comme il eut le courage de demeurer en son desert apres qu'il y eut veu son Sauveur et qu'il l'eut veu s'en aller de la. Il continue neanmoins ses predications, et, d'une sainte dureté, il ne se laisse point vaincre a la tendreté et suavité de l'amour de la presence de son souverain Bien ; mays, avec un amour austere, constant et fort, il le sert en absence pour son amour.

Dieu et le grand saint Jean vous veuillent visiter en la douceur de leurs consolations, avec toutes nos filles.

FRANÇs, E. de Geneve.