Lettre DCCCXCVIII. À Madame de la Fléchère

Nouvelles, messages ; envoi de reliques de saint Charles Borromée.

Annecy, 8 juillet 1613.

Ma tres chere Fille,

J'ay receu le livret ainsy que vous l'avés donné a cette bonne fille; je vous le rendray fort fidelement de la mesme sorte, car, nous en sommes fort resoulus, il ny a rien de reservé en nous que nous ne voulions estre pour sa divine Majesté.

La bonne madame de Chantal part dans huit ou dix jours, pour terminer finalement toutes les affaires qu'elle peut jamais avoir en Bourgoigne . Je suis bien ayse qu'elle aille, soit pour revenir, soit aussi ... Son filz est a la Thuille ( note 104 ), mays qui reviendra aujourd'huy. M. de Blonnay est icy, qui y va voir sa maistresse , et je luy donneray vostre lettre pour la chere seur .

Je n'ay. pas eu loysir de voir nostre Visitation despuis vous , parce que M. d'Abondance ( Vespasien Aiazza, ) ne fait que de partir tout maintenant, lequel a logé ceans.

Je vous envoye encor des devotions de saint Charles ; les reliques sont de l'epoque que je vous dis. Et moy je suis incomparablement tout vostre, et

Vostre plus humble, tres affectionné compere et serviteur,

FRANçs, E. de Geneve.

8 julliet 1613.

Je salue monsieur vostre cher mari et la voysine .