Lettre DCCCXCV. À la Mère de Chantal

L'impatience de Celse-Bénigne en arrivant chez le Saint. - Recommandations de celui-ci à la Mère de Chantal ; charité et délicate discrétion de l'Evêque à l'égard de la mère et de son fils.

Annecy, fin juin ou commencement de juillet 1613.

Ce sera moy, si je puis, qui le premier vous annonceray, ma tres chere Fille, l'arrivee du bienaymé Celse Benine . Il vint hier au soir tout tard, et nous eusmes de la peyne a le retenir de vous aller voir dans le lit, ou vous esties toutes indubitablement.

Que je suis marri de ne pouvoir estre tesmoin des caresses quil recevra d'une mere insensible a tout ce qui est de l'amour naturel, car je croy que ce seront des caresses terriblement mortifiees. Ah ! non, ma chere Fille, ne soyés pas si cruelle. Tesmoignes luy du gré de sa venue, a ce pauvre jeune Celse Benine ; il ne faut pas faire ainsy tout a coup, des si grans signes de cette mort de nostre naturelle passion.

Or sus, je vous iray voir, si je puis, mays sobrement ; car aupres d'un objet si aymable, nous ne sçaurions pas bonnement estre visibles.

Dieu soit nostre tout, car l'amitié descend plus qu'elle ne monte. Je me contenteray de ne cesser point de vous cherir autant comme ma fille, que vous le cherires comme vostre filz ; et si, je vous desfie de faire mieux que moy ce mestier .

Revu sur l'Autographe conservé à la Visitation du Mans.