Lettre CMXXXIII. À la Même

Le prieur de Blonay. – " Le grand ouvrier des merveilles. " - Un moyen d'être très heureux. - Le voyage d'une jeune mariée. - Privilège de ceux qui sont à Dieu.

Annecy, 20 novembre 1613.

Vous n'aures pas peu gaigné, ma tres chere Fille, si vous aves reduit M. le Prieur de Blonnay a une vraye indifference, car jusques a present il a esté merveilleusement attaché a son projet ( note 222 ). Or Dieu, a la gloire duquel nous tendons, est le grand ouvrier des merveilles ; a jamais sa lumiere esc1aire nos cœurs et nous conduise a le glorifier parfaitement. Si ce bon enfant vient, je le verray et luy parleray, et, tant quil me sera possible, le porteray au bien.

J'escris au cousin , et par ce que je ne sçai ou il est, je vous envoye ma lettre. La chere cousine estoit encor en Normandie le 9 de ce moys, mais attendue d'heure a autre a Paris . Dieu nous rende bien siens, car nous serons tres heureux en cela, tout le reste n'estant que

vanité et affliction d'esprit ( Eccles 1,2,14).

Mon frere de la Thuille nous dira de vos nouvelles, puisque, comme vous m'escrives, il ne fera pas le voyage de Mme l'espousee . Et vous, si vous le faites, conserves vous bien et laissés a l'espousee toutes les bonnes consolations que vous pourres, affin que le grand esloignement des siens ne la tourmente. Ceux qui sont a Dieu treuvent par tout ce qui leur est cher.

Je suis, ma tres chere Fille, tout vostre, plus certes quil ne se peut dire.

Le 20 novembre 1613, a Neci.

A Madame

Madame de la Flechere.

Revu sur une copie déclarée authentique, conservée à Turin, Archives de l'Etat.