Lettre MCV. À la Mère de Chantal, a Lyon

(INÉDITE)

Des Tiercelines de Toulouse en quête d'une direction; difficulté pour la Visitation de l'accepter. - Expédient proposé pour contenter les dames de Billom. - Il vaut mieux refuser que d'entreprendre témérairement.

Annecy, 16 ou 17 août 1615 .

Quelle presse, ma tres chere Mere ! Hier, bien tard, je receu vos lettres ; ce jourdhuy, jour de mon depart, je tasche de respondre entre mille embarassemens.

Or sus, comme je pourray, je vay dire premierement, que ces bonnes dames seront les bienvenues apres la [Toussaint ,] que vous seres icy, si vous treuves bon qu'on les reçoive dans la Visitation pour le tems qu'elles demandent, et que vous pensies qu'elles doivent estre edifiees de la conversation de nos cheres Seurs et de ma veüe ; car, ma chere Mere, vous qui les aves veües, pourres mieux discerner cela que moy. Seulement, je suis en peine de ce bon monsieur le president de Ressiguier , qui, comme homme de qualité, sil demeure tant parmi nous, aura sans doute fort a faire a supporter nos bassesses et imperfections. Voyes un peu, ma chere Mere, et penses ; et sil vous semble que c'est la gloire de Dieu, dites-leur qu'oüy, pour moy comme pour vous mesme. Il faut, ma chere Mere, en telles occurrences me dire vostre advis ; car, moy qui ne voy que par vos yeux comme par les miens, en ceci, comme puis-je bien juger sans vous ?

De l'autre projet, certes, je ne voy nulle apparence que nous employons nos filles pour les monasteres du Tiers Ordre, car nous n'en avons pas de reste de filles qui puissent servir de conductrices. Et puis, comme pourroyent elles servir en un Institut qu'elles [ne connaissent] pas ? J'admire que cette bonne [dame refuse de convertir] ce dessein en Carmelines ; car, pour [le dire à votre cœur] comme au mien propre, les Tiercelines………….lesquelles le sont d'un seul Ordre et qui n'est encor [pas reconnu des] doctes, comme n'ayant que cinq ou six petitz monasteres.

Pour nostre Congregation, je ne voy pas qu'elle puisse tant faire tout a coup, ni mesme pour ce que nostre chere grande Seur ( Mme des Gouffiers. ) propose pour Billon . [Il m'est avis que] ce seroit un bon expedient, que la Mere Elisabeth venant icy, amenast avec soy deux des plus capables de Tholouze et autres deux de Billon, qui, en quatre ou cinq moys, pourroyent estre suffisamment façonnëes pour retourner vers les autres et les mettre en train, avec l'assistence des lettres et des visites de monsieur l'Aumosnier ou de quelqu'autre avec lequel nous confererions ; car en somme, je ne voy rien en cette ville que ma Seur de la Roche , pour le present, laquelle ne seroit encor peut estre pas bonne toute seule.

Ma Seur de Gouffier pourroit, si son affaire estoit enteriné . Mays quoy ? cela n'est que deux ou trois au plus.

Si donq on ne veut pas prendre l'expedient d'envoyer icy les filles a l'apprentissage, et qu'on ne veuille pas attendre au moins un an et demi, il est mieux de refuser humblement ce qu'on ne peut pas bonnement entreprendre, que de l'entreprendre temerayrement. Et puis, en tous cas, il faut attendre que nos Regles soyent [bien approuvées et] la Mayson de Lion bien establie par [l'autorité de Mgr] l'Archevesque ( Mgr de Marquemont. ). Et se faut bien garder de [vouloir s'établir] en aucun diocaese que l'Evesque n'ayt [donné telle] resolution quil ny ait plus rien a dire de son costé; car, si sur les ………………..

Revu sur l'Autographe conservé à Milan, Archives Borromeo.