Lettre MCII. À Madame de Travernay
(INÉDITE)
Paternel intérêt pour une jeune veuve malade, nièce de la destinataire .
Annecy, fin juillet ou commencement d'août 1615.
J'ay de rechef beaucoup de consolation, ma tres chere Fille, de vous voir si contente aupres de ce cher mari, qui me fait beaucoup d'honneur de m'aymer, quoy que je ne le merite nullement, si ce n'est par la fidele affection que je vous ay a tous deux.
Mays je suis, certes, grandement en peine de la maladie de madame du Chatelart , a mesure que je la cheris tendrement et d'un cœur vrayement paternel, selon qu'elle me fait lhonneur de se nommer ma fille. Ces fievres continues sont tous-jours dangereuses, et mesme en une personne attristee . J'espere neanmoins que le benefice de nature qu'ell'a eü apres une si longue retention, luy sera salutaire et que, moyennant les remedes que ce bon medecin, qui est fort experimenté , luy appliquera, le mal ne passera pas le septiesme, Dieu aydant, lequel nous prierons ardemment pour elle.
Qu'a jamais son saint nom soit beni. Amen.
Je suis, Madame ma tres chere Fille,
Vostre plus humble tres affectionné compere et serviteur,
FRANÇs, E. de Geneve..
. . . . . . . . .. . .1615.
A Madame
Madame de Treverney.
Revu sur l'Autographe conservé à la Visitation d'Amiens.
Chapter 17 of 220