Lettre MCLVII. À Monseigneur Pierre Fenouillet Evêque de Montpellier

(INÉDITE)

Efforts du Saint pour amener une réconciliation. - La peste, messagère de la miséricorde divine.

Annecy, [14] janvier 1616.

Monseigneur,

J'ay veu tout ce quil vous plaist de m'escrire touchant M. de Barraux , que je treuve tres bon, comme venant de vostr'esprit qui sçait mieux discerner que nul autre ce qui est convenable. J'ay commencé a luy parler, et puis a M, Garin , du sentiment quilz ont l'un contre l'autre, selon le mot quil vous pleust m'en toucher. Ilz protestent fort de ne penser a point de mal, mais c'est en un .langage qui ne veut pas du tout dire cela. Je m'essayeray de tenir a leur bien et repos, qui despend de l'obeissance quilz doivent rendre a vos intentions, lesquelles, de mon costé, je veux tous-jours respecter et suivre tres affectionnement.. .

Nous oyons parler de paix, et sentons tous-jours les effectz de la guerre. Nostre Geneve est tous-jours dangereusement travaillee de contagion ( lettre 1118 ; note 250 ), et, par merveille, jusques a present toute la Savoye en est exempte, graces a ce bon Dieu qui, a l'adventure, par la peste temporelle, les veut guerir de la spirituelle, ou bien les prendre du costé du Ciel, puisque du costé de la terre ; les hommes s'en empeschent les uns les autres.

Ce porteur a desiré ma recommandation aupres de vous, et puisquil est des vostres, je ne luy sçaurois rien refuser de ce qui est en mon pouvoir. Je vous supplie de m'aymer tous-jours constamment, puisque de tout mon cœur je suis,

Monseigneur,

Vostre tres humble et tres obeissant frere et serviteur,

FRANÇs, E. de Geneve.

. . . .. 1616, d'Annessi.

Revu sur une ancienne copie conservée à la Visitation de Montpellier.