Lettre MCLXI. À Monseigneur Pierre Fenouillet Évêque de Montpellier

Une amitié toujours heureuse de s'exprimer. - Malades qui refusent les ordonnances du médecin.

Annecy, 1er février 1616.

Monseigneur,

Je ne puis m'empescher de vous resaluer tous-jours quand les commodités s'en presentent, desireux de vivre continuellement en vos souvenirs et en la sainte bienveüillance dont vous m'honnores. C'est le seul sujet de ces quatre lignes ; car, quant au reste, ce porteur fidele vous dira toutes nos nouvelles, qui sont petites comme en tems de paix.

J'ay bien voulu essayer d'accommoder sa volonté avec celle du sieur de Barraux , mais ilz ont reciproquement refusé les ordonnances du medecin, disant qu'ilz n'estoyent pas malades ; c'est a dire, ilz ont bien advoüé qu'ilz avoyent sujet de se vouloir l'un l'autre, mais qu'ilz n'avoyent nulle intention de se rechercher pour en tirer satisfaction, pour le respect qu'ilz devoyent a la vostre, laquelle je les exhorteray tous-jours de reverer comme le sanctuaire de leur bonheur. Et moy, je le feray a jamais de tout mon cœur, comme estant sans fin,

Monseigneur,

Vostre tres humble et tres obeissant serviteur

et frere,

FRANÇs, E. de Geneve.

1er febvrier 1616, Annessi.